أضف سؤال أو موضوع جديد          

مشورتكم في باجيرو

up 4 down 3
i.475 29
قبل 2 أسبوع



السلام عليكم 

انا طالب تخرجت قبل سنتين من الثانوي وذي السنه انقبلت بجامعة الخرج ، وانا ساكن بالرياض يعني يومياً رايح جاي للخرج .

وفكرت في اكثر من سياره لكن عجبتني الاف جي وكل شي لكن سعرها غاااالي ، دورت سياره تتقارن بالاف جي ولقيت باجيرو الربع وعجبني شكله وحجمه وسعره يعتبر رخيص ومواصفاته اقوى من الاف جي .

طبعاً اللي نويت عليها باجيرو ربع ٣.٨ فل كامل ٢٠١٦-٢٠١٧ مستخدمه .

سألت اكثر من شخص والكل ذمها من ناحية قطع غيارها وانها غاليه واغلبها ماتتوفر الا عند الوكيل ، وصرفيتها زيها زي المواتر ال ٨ سلندر عاليه جداً.

واغلبهم يقول سمعت وفلان قال لي .

حبيت اسأل اللي مجربين السياره :
١. كيف السياره من ناحية الكرف وهل تتفكك وتسمع اصوات الديكورات والمراتب زي مايقولون؟
٢. اسعار قطعها غاليه ولا لا وهل فيه موزعين برا الوكاله ؟ 
٣. صرفيتها كيف بالبنزين ( بكم فلها وكم كيلو تمشيك تقريباً)؟
٤. هل هي مريحه في الخطوط وراسيه؟ 
٥. هل فعلاً حرارتها مرتفعه دايم ؟ وفي الزحمات تتعدا النص ؟

وياليت تعطوني اهم عيوبها اللي شفتوها فيها بعد فتره ، لاني ناوي استخدم اقل شي ٨ سنوات اواكثر .
انا ماني راعي بر ابد لكن شكلها وحجمها الصغير عجبني 


واعطوني اقتراحاتكم بسياره تكون مرتفعه وشبابيه تكون صرفيتها متوسطه وتتحمل وقطعها متوفره ومعقوله.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نفس الشكل مع اخوي اللي بالصورة
مشكلته البنزين تصرف
اما كخدمة وكد ماشاءالله ممتازة
قطع الغيار مدري عنها لانها جديدة بس يقولي غالبة


up 2 down 0
bander03 218
قبل أسبوع و 6 يوم



احسنت الاختيار ب 3.8 لتر
السيارة اعتمادية بشكل ممتاز 
راح تنسى الورش 

 قطع غيار البودي غالية جداً 
قطع الاستهلاكية معقولة كحد ما 
صرفية البنزين يبغالك وايت يمشي وراك


up 2 down 0
قصي 1111 6
قبل أسبوع و 6 يوم



رقم 5
الحرارة في مكائن 3.5 
مع قله برودة المكيف 
خليك في 3.8 


up 0 down 1
قصي 1111 6
قبل أسبوع و 6 يوم



يعني الصرفيه عاليه ؟
وقطع البودي احصل منها تجاري ولا مافيه غير الاصلي؟


up 0 down 0
i.475 29
قبل أسبوع و 6 يوم



موجود تجاري درجات 
بس الأصلي عمره طويل غير وأنسى 
الصرفية 3.8 
خطوط ماتصرف 
داخل المدينه تصرف اكثر 
مثل نيسان الباترول 4800 تقريبا 
بس نصيحة غير فلتر الهواء بشكل دوري 30.000 
تحد من صرفية البنزين 
مبروك مقدماً


up 0 down 0
قصي 1111 6
قبل أسبوع و 6 يوم



يعني صرفيتها نفس الفتك ؟ على كذا باخذ الفتك عزم اقوى وقطعها افضل من الباجيرو ؟ 

انا توقعت انه اقل من الفتك بحكم انه ٣.٨ والفتك ٤.٨ 


up 0 down 0
i.475 29
قبل أسبوع و 6 يوم



تقريبا الفرق بينهم 50 كم 
افتكر باجيروا 88 لتر التانكي 


up 0 down 0
قصي 1111 6
قبل أسبوع و 5 يوم



الربع اصغر ، اتوقع ٥٦ لتر 


up 0 down 0
i.475 29
قبل أسبوع و 5 يوم



خذ فورشنر ٤ سلندر لك وللزمن اقصادي في البنزين وخدوم وقطعه متوفرة


up 0 down 0
aaaammmm 119
قبل أسبوع و 5 يوم



الفورشنر كبير وحق عوايل ، ادولي جيب يكون صغير وشبابي اكثر 


up 0 down 0
i.475 29
قبل أسبوع و 5 يوم



انا املك ربع باجيرو ٢٠١٦ المكينه الكبيره ٣.٨ موتر مايحتاج سواقتها حلوه وعملي
وخفيف وعزمه جبار الملاحظتين الوحيده عليه مطبه قاسي شوي والبنزين يصرف بس مو ذيك
الصرفيه  لكن شكل واستعمال رهيب والله يرزقك انشاء الله


up 0 down 0
..game over..
قبل أسبوع و 4 يوم



بحكم انك طالب جامعي وكل يوم خطوط انصحك بسيارة اقتصادية وانت لك الخيار


up 0 down 0
sma2499 55
قبل أسبوع و 3 يوم



انا راعي باجيرو سابق .. وبعته بسبب صرفية البنزين بعد رفع اسعار الطاقة اللي قبل الاخيرة .. السيارة قوية قوية قوية سيارة بكل ما تعنيه الكلمة من سيارة .. رساوة تعطيك .. سرعة تعطيك .. قوة وعزم ثبات أمان .. فيها مشكلتين اثنين وهذا العيب مصنعي .. عزل الهواء سيء جدا تسمع صوت هوا وصرفية البنزين عااااااليه .. بالنسبة لقطع الغيار فهي رخيصه والغالي فيها هو الاكسسوارات والاكسسوارات في منها تجاري بأقل من نصف قيمة الاصلي .. والتشاليح مليانه زيها ماتتعب في قطع غيار .. والاهم من ذا كله انها سيارة ما تفتح فمها ولا تقول قطع احنا عائلة متعاقدة مع الباجيرو .. جدي معاه باجيرو عمي معاه باجيرو انا معاي باجيرو وكل واحد فينا كان معاه اصدار مختلف .. جدي اصدار ثمانينات عمي اصدار تسعينات واشترى اصدار ٢٠٠٣ بعدها .. وانا اصدار ٢٠١٥


up 0 down 0
ربيع الأول 320
قبل أسبوع و يوم