مشورتكم في باجيرو

نفس الشكل مع اخوي اللي بالصورة
مشكلته البنزين تصرف
اما كخدمة وكد ماشاءالله ممتازة
قطع الغيار مدري عنها لانها جديدة بس يقولي غالبة

احسنت الاختيار ب 3.8 لتر
السيارة اعتمادية بشكل ممتاز 
راح تنسى الورش 

 قطع غيار البودي غالية جداً 
قطع الاستهلاكية معقولة كحد ما 
صرفية البنزين يبغالك وايت يمشي وراك

رقم 5
الحرارة في مكائن 3.5 
مع قله برودة المكيف 
خليك في 3.8 

يعني الصرفيه عاليه ؟
وقطع البودي احصل منها تجاري ولا مافيه غير الاصلي؟

موجود تجاري درجات 
بس الأصلي عمره طويل غير وأنسى 
الصرفية 3.8 
خطوط ماتصرف 
داخل المدينه تصرف اكثر 
مثل نيسان الباترول 4800 تقريبا 
بس نصيحة غير فلتر الهواء بشكل دوري 30.000 
تحد من صرفية البنزين 
مبروك مقدماً

يعني صرفيتها نفس الفتك ؟ على كذا باخذ الفتك عزم اقوى وقطعها افضل من الباجيرو ؟ 

انا توقعت انه اقل من الفتك بحكم انه ٣.٨ والفتك ٤.٨ 

تقريبا الفرق بينهم 50 كم 
افتكر باجيروا 88 لتر التانكي 

الربع اصغر ، اتوقع ٥٦ لتر 

خذ فورشنر ٤ سلندر لك وللزمن اقصادي في البنزين وخدوم وقطعه متوفرة

الفورشنر كبير وحق عوايل ، ادولي جيب يكون صغير وشبابي اكثر 

انا املك ربع باجيرو ٢٠١٦ المكينه الكبيره ٣.٨ موتر مايحتاج سواقتها حلوه وعملي
وخفيف وعزمه جبار الملاحظتين الوحيده عليه مطبه قاسي شوي والبنزين يصرف بس مو ذيك
الصرفيه  لكن شكل واستعمال رهيب والله يرزقك انشاء الله

بحكم انك طالب جامعي وكل يوم خطوط انصحك بسيارة اقتصادية وانت لك الخيار

انا راعي باجيرو سابق .. وبعته بسبب صرفية البنزين بعد رفع اسعار الطاقة اللي قبل الاخيرة .. السيارة قوية قوية قوية سيارة بكل ما تعنيه الكلمة من سيارة .. رساوة تعطيك .. سرعة تعطيك .. قوة وعزم ثبات أمان .. فيها مشكلتين اثنين وهذا العيب مصنعي .. عزل الهواء سيء جدا تسمع صوت هوا وصرفية البنزين عااااااليه .. بالنسبة لقطع الغيار فهي رخيصه والغالي فيها هو الاكسسوارات والاكسسوارات في منها تجاري بأقل من نصف قيمة الاصلي .. والتشاليح مليانه زيها ماتتعب في قطع غيار .. والاهم من ذا كله انها سيارة ما تفتح فمها ولا تقول قطع احنا عائلة متعاقدة مع الباجيرو .. جدي معاه باجيرو عمي معاه باجيرو انا معاي باجيرو وكل واحد فينا كان معاه اصدار مختلف .. جدي اصدار ثمانينات عمي اصدار تسعينات واشترى اصدار ٢٠٠٣ بعدها .. وانا اصدار ٢٠١٥