أضف سؤال أو موضوع جديد          

باجيرو 2015 استفسار بسيط

up 0 down 0
mohammed shareef 1043
قبل 6 شهر و 3 أسبوع



سلام عليكم ورحمة الله وبركاته 
استفسار بسيط وان شاء الله نلقى عندكم الحل في موضوع محيرني 
أنا أملك ميتسوبيشي أوتلاندر موديل 2019 جديد استخدام شهر ونص ماشي حاليا ٥٠٠٠ وشوي وعرضته للبيع في موقع حراج لعدم مناسبة السيارة لظروف قيادتي التي تتطلب نوعا ما من العزم لأن السيارة ٤ سلندر وقيرها أيضا CVT وعُرض علي البدل بباجيرو موديل 2015 مكينة كبيرة ماشي ٦٦ ألف والان محتار ما أعرف الباجيرو وكيف استخدامه وصرفية البنزين فيه خصوصا ان الاوتلاندر لايصرف وسيارة اقتصادية جدا بس ما ناسبني لا من ناحية عزم ولا قير ولا عزل هواء
فأرجو من أهل الخبرة أو من الاشخاص اللي عندم خلفية عن الباجيرو أن يفيدوني
وللمعلومية الاوتلاندر انسام ب ٦٦ ألف لان قيمته جديد بحول ٧٩ الف
هذا وصل الله وسلم على نبينا محمد وآله وصحبه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
الباجيرو بشكل عام منتشر اكثر وقطع غيار متوفر
والافضل ماكينه 3800 سي سي ك
لكن سلبيات الباجيرو
صرفيه بنزين عاليه خاصه داخل المدينه
قاسي بالمطبات
شكله ماتغير من 2007م
مانصحك للتبديل لعده اسباب
موديل قديم 2015م
بالسوق اسعارها من 45 الف الي 50 الف
يعني بالحاله انت خسران
أوتلاندر ممتاز واقتصادي وشكله احلي من الباجيرو وموديل حديث 2019م
ولك الخيار


up 7 down 2
ماجد المطلق 10841
قبل 6 شهر و 3 أسبوع



يعطيك العافية ياماجد ، مشكور ماقصرت


up 0 down 0
mohammed shareef 1043
قبل 6 شهر و 3 أسبوع



وسع صدرك على الاوت لاندر يكفي انه ما يصرف و ينفع للخط وسط البلد
برأيي خله عندك و اذا جيب دبل از بكب
شوف حوض ديزل او مستعمل للبر
اما اذا بتبيعه بخسارة ماله ذيك السمعه و الشعبيه


up 2 down 1
1405-1985 964
قبل 6 شهر و 3 أسبوع



^^^ الاوتلاندر ممتاز بس لو القير عادي ب ٦ او ٨ نمر ماهو ب CVT ماكان فكرت ابيعه ال CVT سيء فيه جربته على أكورد كان أفضل بمراحل ولاحسيت به


up 1 down 0
mohammed shareef 1043
قبل 6 شهر و 3 أسبوع



ترى على فكرة الباجيرو مهنا ذاك النشاط هذ العلم من واحد شاد به خط ١٠٠٠ وشوي كيلو رايح جاي 

١٦٠ يكح في الخط اذا هو محمل وحتى عزمه داخل الرياض مهب ذاك النشاط اقولك اياها بكل امانة طبعاً يوم اقصد مهب ذاك النشاط يعني مهب من المواتر اللي تلمسه يطير ولا استجابته سريعة فهمتني وش اقصد مثل الجمس ماشاء الله رغم وزنه لكنه ريشه تلمس يقبل على طول ولا يحتاج يرد ردة قوية الباجيرو لا مهب كذا 

لكن مايعني انه سيء بس قد انه ما يناسب استخدامك خاصةً انك بايع ذا بسبب العزم وتبي شي نشيط وانا نفس استخدامك لذلك ما تناسبني المواتر ذي مع انه غيرك ماتفرق معه ولا يفكر فيها اصلن اهم شي موتر يمشي لان سواقته باردة مرة ف تختلف من شخص لشخص 

عموماً ما يمنع انك تجربه ان اعجبك ولا بسلامته 

وللمعلومية يمكن بتفكر ان اللي سقته انا المكينة الصغيرة سايق فل بريمي ٣٨٠٠ 

تحياتي لك 


up 2 down 2
a.ibrahem 3108
قبل 6 شهر و 3 أسبوع



السيارات هاذي بريه وليست للسباق واذا تبي نشاط عندك جمس vxr بلاتينويم واخر شي فورشنر


up 1 down 1
saif2257 115
قبل 6 شهر و 3 أسبوع



ما انصحك بالبدل. انت عندك سيارة وكالة وتاخذ سيارة ماتعرف عنها شيء. الباجيرو يصرف وملاكه يشتكوا من قبل مايغلى البنزين ويصرف مدينة وخط. وقير ال سي في تي مو سئ بالعكس يعطي تسارع و عزم ثابت لين توصل السرعة اللي تبغاها. ثاني نقطة الباجير وقفت صناعته. واخر شيء العزل لا تتوقع شيء من الباجير


up 3 down 0
dell2012 901
قبل 6 شهر و 3 أسبوع



يصرف الباجيرو بقوه


up 2 down 1
فهد1426 355
قبل 6 شهر و 3 أسبوع



مشكورين جميعا ياشباب وخلاص صرفت النظر عنه ومانستغني عنكم ومنكم نستفيد ، 
أحيانا الانسان يتخذ قرارات خاطئة وأنا انسان ارتكبت بعض الاخطاء خصوصا في السيارات اشتريت مازدا ٦ ٢٠١٧ واستخدمتها سنة وشوي وبعتها جديد بخسارة ١٣ ألف وبعدها أخذت جيب cx9 كان نظييف جدا وما طول معي والان أخذت الاوتلاندر وماودي أقع بنفس المشاكل وكلامكم ريحني وصرفت النظر عنه  


up 2 down 0
mohammed shareef 1043
قبل 6 شهر و 3 أسبوع



طبعا ال cx9 أخذته ب ٦٥ وغيرت فيه بعض الامور مع النقل طلع علي بحوالي ٧١ وبعته ب ٦٦ 


up 0 down 1
mohammed shareef 1043
قبل 6 شهر و 3 أسبوع



وندمان جدا على السيدان كانت الافضل بين جميع السيارات عزم وعزل مقبول وشبابيه بس لونها اتعبني كان بني بعدين فيه طفل الله يهديه خدشها بحجر من أولها الى آخرها وكرهني فيها


up 0 down 2
mohammed shareef 1043
قبل 6 شهر و 3 أسبوع



لا تكون دقيق بتتعب كل شي يضايقك بتتخلص منه
كذا نظامك بتخسر فلوسك و تتعب نفسك
اشوف ان جيوب الكروس اوفر افضل من السيدان
و انت اعرف باللي يريحك


up 1 down 0
1405-1985 964
قبل 6 شهر و 3 أسبوع



^^^ كل سيارة ولها ايجابياتها وسلبياتها 
الجيوب مرتفعة وتنفع مع شوارعنا التعبانه بس انسى العزل والراحة 
والسيدان نازله واطرف مطب تحك فيه بس عزلها أفضل من الجيوب 



up 2 down 0
mohammed shareef 1043
قبل 6 شهر و 3 أسبوع



لا انصحك فيه صرف بنزين عالي شكله مستهلك من أكثر من ١١ سنة ماتغير وكذلك القطع نار


up 3 down 0
hamza-25 15
قبل 6 شهر و 3 أسبوع