أضف سؤال أو موضوع جديد          

باجيرو ياشباب اللي جربه

up 2 down 0
أطياف المنى 9
قبل 10 شهر و أسبوع



ناوي اشتري جيب باجيرو 
وابي احد يفيدنا من تجربه عن قوته فالبر والخط وقطع غياره واستخدامه بشكل عام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جربت موديل ٢٠١٥ مكينه 3500
بالخط العزم متوسط و مع تحميل اغراض او ركاب ثقيل
زين ان القير من هالموديل 5 نمر تبترونك ينفع تحوله عادي
لان المكينه 190 حصان على وزنه ثقيل
التانكي صغير تفلله يمشيك ٤٠٠ كيلو بالكثير
سواء مسرع بالخط او مهدي بالديره
انا فضلته على فورشنر ٤ سلندر بنفس سعره
و ارسى منه واجد و اكثر مواصفات امان ايرباقات جانبيه
بالبر ما جربته واجد لكن على الدبل المستمر اول
طلع معي بالنفود بدون مشاكل او تغريز
قريت عن تجربة واحد معه مكينه 3800
و يطلع فوق الطعوس و يجور عليه
يسخن القير لازم تخليه يبرد نظام حمايه حتى ما يخبط

اذا تبيه للبر شف لك واحد قير عادي و يفضل باب واحد اخف
اما جديد غالي و يصرف و بشكل عام تشتري جيب للبر جديد ممكن يصير له شي و تتحسف


up 0 down 0
1405-1985 964
قبل 10 شهر و أسبوع



القطع بالوكاله
في تجاري بس ما ينفع
القماشات طقم ب٥٠٠ او ٦٠٠ ما اذكر بالضبط
زيت القير غيرته بالوكالة اول مره ب٧٠٠ ريال
فلتر زيت المكينه شوي غالي ب٥٠ و ناس تركب حق هونداي يضبط و ارخص
ما طول معي الى ممشى ٨٠ الف و راح تالف الحمدلله على كل حال


up 1 down 0
1405-1985 964
قبل 10 شهر و أسبوع



الجيب قاسي واصوات ديكورات وقطع الغيار غالي وقيره يسخن مع الجور
ميزته رساوه فقط


up 2 down 0
abcdefg123 8
قبل 10 شهر و أسبوع



الباجيرو فيه مكينة 3.5 و مكينة 3.8

مكينة مكينة 3.8 قوي في البر و أداءه ممتاز و يجي فيه دفلوك بعكس مكينة 3.5 مايجي دفلوك وهذا عيب .
يعيب مكينة 3.8 ان صرفيتها زايده للبنزين واظن بنزينه 95 فيه ناس حولت 91 يقولون تمام وفيه ناس صارت لهم مشاكل .

مكينة 3.5 أقل قوة في البر لكن اداءه معقول ويفي بالغرض .
وبنزينه اظن 91 . وصرفيته مرتفعة كذلك لكن أقل من صرفية 3.8

الباجيرو اكثر مايميزه ان سعره معقول ، أرخص من جميع منافسينه بفرق كبير.
السيارة صلبة وقوية و تتحمل الكرف وقليلة الخرابات .
حجم التانكي صغير مقارنة بحجم السيارة وصرفيتها .
بالخط السيارة راسية ولا بأس بالراحة .
لكن بعد سرعة ال120 يقل عزل الهواء .

بعض المستخدمين للسيارة وليس كلهم لاحظو انه اذا كانو واقفين عند اشارة او زحام بعز الصيف المكيف يطلع هوا حار وقد ترتفع الحرارة شوي .
ولها حل تركيب مروحة اضافية على ما اظن وتنحل المشكلة.





up 3 down 0
ain501 204
قبل 10 شهر و أسبوع



قطع الغيار غالية نوعا ما
لكن القطعة حطها وانساها

بالمختصر
اكبر عيوب السيارة
صغر تانكي البنزين
وزيادة الصرفية وهذا الشي بكل الجيوب طبعا البرادو جربته نفس الشي صرفيته عالية.

مميزات السيارة
مواصفات جيدة مقابل سعر معقول
اداء طيب في البر
سيارة صلبة وقوية وراسية وعملية.

اذا عندك سيارة ثانية صغيرة لمشاوير البلد اليومية
وتخلي الباجيرو للبر والسفر يكون تمام
لكن الباجيرو بيتعبك بصرفية البنزين بالمشاوير اليومية



up 2 down 0
ain501 204
قبل 10 شهر و أسبوع



أخوك مستخدم 8 سنوات للباجيرو ولا زلت

شهادتي في السيارة مجروحة مهما قات

الموتر ياباني لا تنشد عنه

ولا تشاور نصيحة اللي يشاور خاصة بالنت ما يشتري لأن كلن يغني على ليلاه أنصحك تشوف لك باجيرو قريب منك وتجربه ولا تنزل منه إلا وانت ماخذ فكرة وانطباع تام عن السيارة عزل وفرامل وثبات وقوة وراحة .. ألخ

وفالك التوفيق


up 0 down 0
أبو جـود 2745
قبل 8 شهر و أسبوع