أضف سؤال أو موضوع جديد          

حادث بتامين منتهي وخطاء 100بالميه

up 1 down 0
hnedhalm 3
قبل سنه و 2 شهر



الحمد الله صار لي حادث اليوم صدمت سيارة اكورد هوندا وكلانا بخير والحمد الله لكن اثناء حضور نجم
تفاجئت بان تاميني منتهي وللأسف ايضاً تم تحميلي الخطاء 100 بالميه وتم تقديرمبلغ إصلاح السيارة الاكورد
بمبلغ 30 ألف ريال وانا والله الوضع المادي فايت بالحيط، بعد الحادث قمت بتجديد التامين
لكن للأسف ايش الفائدة
هل احد لديه حل لمثل هذه المشكلة كيف اتصرف في مثل هذا الموقف او على الاقل اقلل
من المبلغ المطلوب مني
(صحاب الاكورد تأمينه شامل وسيارته بالاقساط من البنك الاهلي)
(سيارتي تامين ضد الغير منتهي للأسف )







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعوضك خير 

دام الحادث تسجل ف ماتقدر تغير التخطيط حسب علمي 

والحل طالع عمرك تكلم راعي الاكورد وتحاول تخفض المبلغ معه وكذا قدر المستطاع وتدفع له 

قد صارت لي ، كنت ماخذ سيارة خويي وطلع مافي تامين وانا طالع من طلبات السيارات وواقف الا وجاني ذاك البزر وحك الجنب كامل 
وجاء نجم وحملني الخطأ ١٠٠٪‏ حسبي الله عليه 
وحولونا للمرور وطلعت بكفاله 
المهم البزر جاب تسعيره ١٠ الاف حق حكة جنب كامل النترا 
جاب سعر بيبان وهي ماتحتاج بيبان وقيمة الباب ٣٥٠٠ 
الحمدلله قبل مايجيب التسعيره رحت الصناعيه وخذت تسعيره من قطع الغيار الباب ب٧٠٠ بس 
وخذت من ورشة رش جنب كامل مع تغيير ابواب ووريته الصور وقالي ١٠٠٠ اتوقع 

المهم السالفه تكلفتها ٢٤٠٠ وهو جاب ١٠٠٠٠ 
بعدها كلمني اخوه الكبير وعلمتها ان لو يحتاج بس باب واحد وبتكون التكلفه ١٧٠٠ انا بسويها 
مارضى وقال هو بيسويها قلت بعطيك ١٥٠٠ هذا الي معي قال لا
قلت اجل الحبس والله يعينني وماراح تاخذ فلوس بتطول السالفه 
سكر مني ودق بعد ساعه الظاهر راح سال وكلامي طلع صح 
وقال هات ٢٠٠٠ ونتقابل بالمرور 

وتقابلنا وخذاها ووقع تنازل 

المهم ياخوي لايظلمك بالقيمه ولا تظلمه باقل من ما يستحق 

لو استدعا الموضوع تطلع معه لورش وتقييم 
او تقوله تجيب بعض القطع اصليه من التشليح 

والله يعينك ، وبالتوفيق


up 1 down 1
m7md 33 1093
قبل سنه و 2 شهر



الحمدلله على السلامه قضاء وقدر انا حصلت لي نفس سالفتك قبل 6سنوات في البرررد جيت من رجعه ودقيت مشر يمين باخذ يمين فجاءه الا سياره صني حدني ما يبغاني الف لفيت ربع لفه وحكيت له من الرفرف الخلفي الى باب السواق حكه خفيفه بدون انتباه مني احسبه بعيد الا الشطفه القويه جاتني مع الحكه نزل معصب قال ماتشوف قلت انت المشر كله ماعبرته وتحدني وتسرع بزياده كل هذا علشان اني داق مشر لو هدى وفك لي مشت الامور قلت له اني غلطان بس الواحد يصير فيه خير لناس ويصبر ويفتح لها انا لو مكانه كان هديت ومشيته وخليت الخط يمشي مو شرط التقيد بالأنظمة ١٠٠%%١٠٠ المهم رحنا المرور قاله بكره تحدد سعر الصدمه من ثلاث ورش اعطيت الوالد رقمه واتصل عليه وتفاهم معاه قال ما ابغاء منه شي بس ابيه ينتبه وتنازل ومشت الامور بعضهم يمرمط بس كذا يبيك تحس بغلطك وبني آدم مو معصوم على الخطاء وان شاء الله يتنازل عنك راعي الامور والله مبلغ كبير جدا قيمة سياره لازم تشوف إعادة نظر للمبلغ بزمن هذا محد يتنازل البنزين والكهرب غالي والتامين غالي والاخلاق لك عليها مو زي زمان كل شي رخيص ووقت عيد الحين الناس يالله تضحي بفلوس التراب يطلعونها تيسير سير ان شاء الله موفق خير


up 1 down 1
هبووب الشمال 108
قبل سنه و 2 شهر



الله يكون بعونك اخوي
المصيبه انه اذا سامحك هوا بياكلها من البنك لانه ماله صلاحيه يسامح السياره ماهي له والمبلغ كبير جدا
والحل الثاني كان الخطاء عليه يسجلها لاكن الصدق حرام
وتسجل الحادث
قله لايرسل الاوراق لتامين لانه راح تدفع كامل المبلغ

يعني تحلوها مع بعض لو مثلا تسعيره ثانيه وقول له ترا المبلغ انت مراح تاخذه بياخذه البنك مدري التامين ومن هالكلام

والله الشغله حووووووووسه لانه مهي سيارته وانت بدون تامين وسجل الحادث عليك لاكن اتوقع لسى ماسعرها بمحل التامين المعتمد


up 1 down 0
tttt35035 993
قبل سنه و 2 شهر



حاول تتفاهم معاه و تصلحوا السيارة في ورشة محترمة
من غير تغيير كامل القطع. اذا وافق المبلغ بيفرق معاك كثير.



up 0 down 0
amer ahmed 523
قبل سنه و 2 شهر



بما ان سيارته تأمين شامل اتفق معاه
وخليه يسامحك
وبعدها خليه يصلح سيارته بالتأمين بما انه شامل
راح يدفع نسبة تحمل من 2000 لـ 4000 تقريباً حتى لو في الوكالة

وانت من البداية قوله نكتب اقرار بالشرطة عشان يتطمن ومايحس انك بتسحب عليه


up 0 down 4
7ssom 417
قبل سنه و 2 شهر



وش الي خله يسامحك !

ترى مكتوب في العقد لو راعي السيارة سامح .. هو الي يتحمل كامل تكاليف الإصلاح ... وثانياً كيف يسامح في شي مايملكه !

ياراعي الموضوع راعي السيارة لا تكلمة ولا يكلمك , تفاهمك كله مع صاحب السيارة يا الوكالة يالبنك

واول شي تسوية ترفع إعتراض على التسعيرة


up 2 down 2
sarrar 129
قبل سنه و 2 شهر



الله يكون بعونك اخوك مر بنفس الموضوع تهاونت بتامين وصدمت واكلتها بفوق 10الف لكن الحمد لله على كل حال


up 2 down 0
295
قبل سنه و 2 شهر



الحل بيد الله سبحانه ثن بيد راعي الكورد
انه يصلح سيارته بورشه مممتازه على حسابك التكلفه بتطلع حدود١٠
لان الوكاله نظامهم كل شي غير
عن تجربة اصلاح موتر ع التامين البنك
يغيرون المكسور واللي جنبه
ليه يمكن تاثر بالصدمه
والدعوى كلها اكل
حاول فيه تصلح موتره بأفضل ورشه
وكاله وعلى تامين مشكله


الله يعينك


up 0 down 0
امير الاصيل 1714
قبل سنه و 2 شهر