لمبة الزيت ولعت وانا مسافر في الخط

الحمدلله ان المشكلة انحلت
لكن لازم يااخوي منجد تتعلم من الخطأ حتى ماتقع فيه مرة ثانية

تقول زيت 20w50 تنصح فيه الوكالة ،، ليه خير الوكيل هو اللي صنع السيارة ؟
صدقني انا اعرف وكيل ميتسوبيشي اكثر منك همه الفلوس أولاً وآخراً ولاهمه سمعته مثل باقي التجار
يجيب اسوأ زيت في وكالته لأنه اقل تكلفة ولايدري بحجم الضرر اللي يتسبب فيه لملاك سيارات ميتسوبيشي
سواء من ناحية الزيت او الصيانة السيئة عموماً

وحتى لما يضطرون يغيرون الزيت برا الوكالة يظلون مبرمجين على كلام الوكالة انه هذي اللزوجة هي المناسبة

مثل ماقال الأخ ناصر وهو احد ملاك ميتسوبيشي وزميلنا بهالمنتدى الوكيل همه الفلوس قبل كل شي
بالإضافة ان الوكيل خبرته في السيارات لاتتجاوز خبرة البنشري لا اكثر

هذا زيت مايصلح إلا للموديلات القديمة
الموديلات الحديثة تعقدت محركاتها في سبيل توفير الوقود لذلك صار فيها مجاري وممرات ضيقة
تتأثر من ابسط تراكم لرواسب الزيت عشان كذا افضل زيت للموديلات الحديثة هي الزيوت التخليقية او الصناعية بشكل عام

وافضل زيت تخليقي من تجربة هو زيت شل هيليكس الترا وانا استخدم منه لزوجة 5W30
زيوت شل هيليكس الترا فيها تقنية البيور بلس اللي تخليه افضل زيت في تنظيف بواقي الرواسب داخل المحرك

ولا ايش اللي يخلي سيارة موديل 2005 توصل ممشى 373 الف كم حتى الآن بدون ماتولع لمبة المكينة نهائياً
هذا حسب تجربتي وانت حسب ممشى أقل من 200 الف كم وولعت اللمبة وشفت الرواسب بنفسك

هذا اكبر دليل انه كلامي صحيح ولاتنسى تغيير الزيت يكون مع الفلتر في كل مرة
هذي الأمور ليست كماليات ومجرد ترف أبداً لأنك انت الكسبان بالأول والأخير سواء عمر أطول للمحرك أو توفير للوقود

ولا تنسى تسوي غسيل للمكينة من الداخل خصوصاً تقول كان صاحب السيارة السابق مهمل في تغيير الزيت
لو سويت غسيل من اول ماستلمت السيارة كان ريحت راسك
او لما تغير من لزوجة للزوجة اخرى واضمن طريقة هي الغسيل بالجهاز والمكينة طافية
وإذا حطيت زيت تخليقي ماراح تحتاج بعدها غسيل حتى تأخرت في التغيير بإذن الله بشرط يكون التغيير مع الفلتر في كل مرة

الله يعطيك العافية اخوي نادر
بس بالنسبة للزوجة هي المناسبه في الكتالوج حق السيارة
اتوقع الوكالة مالها دخل في الموضوع لان الكتالوج من الشركة المصنعة

وللمعلومية مكينة اللانسر تعتبر من المكاين القديمة حسب ماسمعت
لان هذه المكينه من موديل ٢٠٠٢ الى ٢٠١٤ نفس الشي ماتطورت


بس من ناحية غسيل المكينه انا والله ودي اسويه
بس الميكانيكي قالي ابعد عن الغسيل
لاتسويه لا عندي ولا عند غيري

بس شكلي حسوي غسيل وطز في كلامه
باخذ لي منتج محترم من ساكو