أضف سؤال أو موضوع جديد          

ارجو المساعده منكم يا اهل المدينه المنوره

up 1 down 0
kookoo2014 52
قبل 4 شهر



السلام عليكم ياشباب انا شاب توي ١٩ سنه وحالتي الماديه
شبه صعبه يعني يالله اني اقدر اعبي بنزين واغير زيت 
قررت اني اتكس واوصل ناس عشان اخذ فلوس 
لكن الممشكله مني عارف فين اماكن الناس الي تحتاج
تكسي وبشرط انه مايكون في دوريات عشان لا يصكوني 
مخالفه تحميل ركاب 
ياهل المدينه فين تشوفو اني اروح اتكس ؟ الحرم الدوريات 
بكل مكان وطفشت انا افرفر بالشوارع ادور اي احد 
اتمنى انكم تساعدوني 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


أخي الكريم مو لازم تتكس
فيه شباب تعلموا شغلات بسيطة طلعوا منها ذهب

على سبيل المثال غسل المكيفات، فقط تحتاج مكينة ضخ قيمتها 300 ريال، بالإضافة لقطعة بلاستك تحمي الديكورات من الاتساخ

يأخذون على المكيف 100 ريال

مكيفين في اليوم 200 ريال، الشهر 6000 ريال

المكيف الواحد أقل من نصف ساعة الغسيل

وأحيانا تتعاقد مع مكتب أو شركة 10 مكيفات تنظفها في يوم واحد ب 1000 ريال

الرزق وفير في هذا البلد، وإلا ليش الهندي والبنغالي والمصري والأخوة الأجانب جميعهم تركوا بلدانهم وأتوا هنا

والأهم الأمانة الأمانة الأمانة

أما التعليم اليوتيوب تقدر تتعلم منه كل شيء

في وسائل التواصل الإجتماعي أمثلة رائعة لسعوديين بدأو من الصفر

واليوم يديرون شركات تدر مئات الآلاف بل الملايين

خذ مثال :
فني أبواب ونوافذ_ ماجد العتيبي
حساب كهربائيات،_منصور الشبيبي
سباك وكهربائي سعودي_ أبو أسامة الشمري
جاما للألمنيوم_ الحمدي
كذلك عدة حسابات وشركات تكييف لسعوديين بدأوا من الصفر

مصدر إلهام لكل الشباب من 0 لأصحاب ملايين


up 9 down 0
anosi 1099
قبل 4 شهر



ياشييخ الله يسعدك ويوفقك ويسهل امرك ويعطيك ع قد نيتك 
والله بدات افكر بالكلام الي قلته فعلا ليش ما ابدا من الصفر 
وابدا بشغلات بسيطه وربي يفتح عليا من اوسع ابوابه 
اشكرك ع تعاونك معايا ومساعدتك لي يا اخي الكبير 


up 1 down 0
kookoo2014 52
قبل 4 شهر



الله يرزقك و يفتحها فوجهك،،،

روح الصباح عند المسجد التركي فالعنبرية وحمل ركاب على كيفك بالي تبي

ايضا روح الصناعية وحمل للحرم

و برضه جهة قربان و بلال تحصل 

والمركزية فيها دوريات لكن حمل واتفق مع الزبون سرعه سرعه وبعيد عن الدوريات ودووووس ههههههه


والله يحماك يارب ويرزقك


up 1 down 0



وعندك حارس امن في شركات مثل امن المدينه كثيره وتوظيف فوري 
راتب 2700 بس قدم اوراقك واختار الوقت و يقولك فصل بذله وروح له بس يسلمك موقع الدوام وتروح له 


up 0 down 0
mission 773
قبل 4 شهر



عندك كمان السيح بفتره الصباح فيه عمل كثير رايحين
ل شغل ، وعند الاسواق كمان يعني زي سوق الساحه ومزايا مول


up 0 down 0
msh5a6 71
قبل 3 شهر و 4 أسبوع



فيه عمال* 

ملاحظه: فتره الصباح بدري جداً يعني من بعد صلاه الفجر 


up 0 down 0
msh5a6 71
قبل 3 شهر و 4 أسبوع



انتبه من العمال اللي اماكنهم بعدية مثل شوران !!

شوران 65% في تفتيش في الطريق
وتذكر !!
مخالفة تحميل الركاب 5000 ريال حسب ماشفت في لوحة عند المطار و عند الحرم



up 0 down 0
monjed salih 207
قبل 3 شهر و 3 أسبوع