ماهي أهم عيوب الباجيرو؟

حسب تجربتي مع السيارة معي ٢٠١٥ ٣.٨ فل خليجي
مميزات :
١-مكيف في اغلب الاوقات فريزر ماشاء الله من ابرد السيارات اللي ركبتها
٢-فرامل ممتازه واتكلم عن ٣٨٠٠ لان مكينه ال٣٥٠٠ تجي كليبراتعا اصغر وفرامل اضعف
٣-رساوته ممتازه مقارنه "بفئته"
٤-ماتعرف الورش باذن الله
٥-سعر مناسب جدا مع مواصفات ممتازه
٦-ايرباقات كامله وامان عالي والحافظ الله

العيوب:
١-المكيف اذا وقفت في عز الحر ربع ساعه يخف تبريده بشكل كبير والمكيف الخلفي يقلب صحراوي
٢-بعض الملاك اشتكوا من ارتفاع حرارة القير فالتطعيس ولا صعود المرتفعات بس شخصيا ماقد ارتفعت عندي الحمدلله
٣-في عز الحر اذا كنت واقف في زحمه والقير على D واستمريت نص ساعه على هالوضع بدون ماتمشي بسرعه٢٠ عالاقل انبير الحرارة بيعدي النص وبيثبت ماراح يرتفع زياده لكن اذا القير على N او p مافيه اي مشاكل نهائيا
٤-عيون القطط تحس بها بزياده والسبب جنط ال١٨+ كفرات الوكالة برجيستون قاسيه
٥-قطع البدي غالية مثال عندك شمعات امامية ثنتين كامله بالعدسات واجهزة الزينون ب١٠ الاف من الوكالة لكن محد ياخذها كامله الاغلب ياخذ الجرم فقط ويروح يسقط علبها عدسات Q5
٦-يصرف بنزين بشكل عالي ومكينه ٣.٨ بنزينها احمر وسبق جربت اعبيها اخضر مع انه مضر عالمدى البعيد لكن عزم السيارة يطيح وتسمع صوت تكتكه بسيطه فالمكينه وطبعا رجعت للاحمر


اعتذر عالاطالة بس هذا اللي واجهته من تجربتي

بيض الله وجهك كفيت ووفيت
جزاك الله خيرا