أضف سؤال أو موضوع جديد          

تكلفة زيت جير CVT لانسر

up 1 down 0
mohamed hejazy 45
قبل سنه



السلام عليكم ورحمة الله وبركاته
اذا سمحتم يالغاليين

أنا بحائل وتوي شريت سيارة ميتسوبيشي لانسر EX
ممشي ٢٠٠ ألف الموديل ٢٠١١ الشكل الجديد

الجير CVT وما ادري مع التحويل من N ل D
او من N ل R .. يصير هزه خفيفه بالسياره!!
لكن الزيت لونه أصفر مائل للبني
وما ادري عن رائحته ..

هل بيحتاج تغيير وكم تكلفة تغييره بالوكاله
لانه بدي احافظ ع الجير حقها لانه مره غالي








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله مالي علم كثير بالانسر ولكن رح بترومين وشوف الوضع هم راح يفيدونك


up 0 down 0



بترومين لو تطلع سيارتك من باب الوكاله
وتقولهم يشوفن الزيت على طول يقولك
الفلبيني هازا لازم كير زيت مودير
ويحطلك زيت ماهو متوافق مع قير سيارتك
ويخبط القير
زيت القير لازم تشتريه من الوكاله
وتتاكد انه مطابق لسيارتك من خلال الكتلوج
لان الوكاله دائما يغلطون ويعطونك زيت يناسب
مديل سياره ثانيه مايناسب سيارتك او مديلها


up 1 down 0
d7ooom777 459
قبل سنه



اتوقع مشكلتك مالها علاقة بالقير 
تأكد من كراسي المكينة والقير
 او منظم الهواء


up 0 down 0
for speed 753
قبل سنه



وانت وش خسران. مر الوكاله. وقل ابي اغير زيت القير وشف وش يقول لك


ابي اقول لك سالفة.. كانت معي اكورد. وخربت المروحه. رحت ادور مروحه بقطع الغيار. لقيت تايونانية 280 يقول تحت الوكاله.. ولقيت يابانية 300 ويقول بعد تحت الوكاله

قلت يا ولد خلني امر الوكالة واشوفهاااا والله. اخذتها من الوكاله 150 ريااااال يعين طلعت الوكاله ارخص من الي براااا


up 0 down 0
جاي امس 414
قبل سنه



انا معي لانسر كمان
زيت القير تاخذه من الوكالة او قطع ميتسوبيشي
يجي 5 لتر اتوقع ب 95 ريال او 100 ماني فاكر والله
تروح لاقرب بنشري يفك السرة و ينزل الزيت القديم
بعدين يصب لك الجديد من الفتحة حقت عيار الزيت
انا دفعت للبنشري 25 ريال
طبعا مافي فلتر
الفلتر يتغير فقط عند التوضيب لا سمح الله

انا غيرته على ممشى 160 الف كان الزيت اسود
والقير الحمدلله ما خبط ولا شي
قير ميتسوبيشي الCVT ما شاء الله ممتاز
حتى البنشري قالي لاتخاف هذه السيارة قيرها ما يخبط لو غيرت الزيت

و انتبه انتيه انتبه تحط زيت غير الزيت الموصى به
لاتروح لبترومين ولا شي
حط فقط الزيت اللي في الوكالة او محلات قطع ميتسوبيشي
اعطيه الاستمارة خليه يعطيك نفس الزيت حقها

بالنسبة لهزة السيارة لما تعشق بسبب كراسي المكينة و القير
انا عندي من يوم ماشتريت السيارة من واحد ولا اعطيتها اهتمام
ولو عندك اي سؤال عن اللانسر ابشر



up 0 down 0
monjed salih 208
قبل سنه



الله يعطيكم ألف عافيه والله ما قصرتم
ان شاء الله بمر بالوكاله وبطلب تغيير زيت الجير ..
شكرا لك يا monjid salih و for speed .. المشكله غالبا كراسي مكينه وجير



up 0 down 0
mohamed hejazy 45
قبل سنه



السلام عليكم..انا عندي لانسر 2009 .. غيرت زيت الجربكس ثلاث مرات مرتين بدون فلتر والاخيره بفلتر وانتبه اخوي يجي لها فلترين جربكس واحد ورق داخل مبرد الجربكس والثاني داخل الكارتير كل السالفه كلفتني ٥٥٠ ولازم فني فاهم عشان مكان الفلاتر ترا جدا مهمه تسخن القير لو انسدت وروح الوكاله واتاكد


up 0 down 0
emad-122
قبل سنه



تاكد من كراسي المكينة
ولو تبى الراحة رح الوكالة وافحص لان موديل سيارتك ما هو منتشر مثل اللانسر العادية


انا شريت زيت الوكاله حقها
لكن للأسف الزيت نزل من السياره اسود
وانا خفت الجير يخبط مني بدلت لترين جديد مكان لترين قديم
وبعد شوي اسحب اتنين من القديم واضيف اتنين جديد
...
للحين ما فحصت كراسي المكينه او الجير ان شاء الله الخطوه الجايه
شكرا عماد وعاشق ميتسوبيشي علي ردودكم الغاليه


up 0 down 0
mohamed hejazy 45
قبل سنه