ماهي المسافة المطلوبة لتغير زيت

كل السيارات خاصه الحديثه حرام تغير الزيت أقل من 10 الاف

كل 10 الاف غير مهما كانت سواقتك حتى لو قيادة شاقه ما عليك من كلام الناس

تحصله يدخل أي مطعم قدامه ولا يسأل وش نوع الزيت اللي يطبخون فيه

ولا يدري يناسب جسمه أو لا

ولا يدري حتى كم له يستخدمونه ممكن يستخدمونه كم يوم يقلون فيه و يطبخون فيه

وهو عادي يأكل و مبسوط

و يجي للسيارة حديد والله ما درت عنه شوي يدخلها غرفة النوم معاه و يهتم فيها أكثر من عيالة

والله أني اعرف ناس تشتري شامبو أغلى الأنواع يحطها على وجه السيارة وقت السفر

و عيالة يشتري لهم أرخص شيء

اتوقع يقصد الزيت اول مايشتري السياره
متى يغيره الي هو زيت المصنع

كل عشر الاف كم مناسب مع تغيير الفلتر
و الزيوت انواع
المهم لزوجه متوسطه او خفيف
10W40 او 10W30 ممكن حتى 5W30
المهم احذر تستخدم لزوجة ثقيلة مثل الموجود بالوكالة 20W50

اما تغيير زيت اول مرة الوكالة على 1000
لكن تغيره على 5000 ما يضره و انت شيك عليه كل فترة

اخوي اذا السيارة جديده يتغير على 5000 الف

1000 تشييك فقط ..

ثانيا مو كل السيارات تمشي 10 الف يابو عبدالله على حسب نوعية الزيت

فيه زيت تويوتا 20.50 يمشيك 3 الف إلا هو أسود ليه مايمشي 10 الف ي هذا حتى ماكمل 3 الف إلا هو أسود

فيه زيوت التخليقية لزوجه 30.5 هذي تمشيك 10 الف

أما اروح أخذ سيارة واغير أي زيت وامشي عليها 10 الف اتوقع ماتطول معك

لأن 10 الف كثيره على الزيوت العاديه أما التخليقية فأنا اتفق معك أنها تمشيك 10 الف بالراحة

حياكم الله ورمضان كريم على الجميع والله يتقبل منا صيامنا وقيامنا

+لايك للجميع

فيه زيوت ٥الالف وفيه ١٠الالف وفيه ٢٥الف كم

ي  طويل  العمر  كنت  بغير  الزيت   على  3000  وكان  الزيت  صافي   وحرااام  جديد   بعدين   قلت  5000  مناسبه  لنو  حرام  استهلاك  الزيت  الزيوت  الأصليه   تمشي   لو   10 الاف  عادي  

طبعن  الزيت  فوكس  جي  تي  

اغلب السيارات الآن اذا كانت جديدة 

اول 1000 كيلو بس تشييك على السيور و الماكينة يعني أشياء بسيطة

اما على ال 5000 اول تغيير 

يا سعود هههههه

انا بعد ممشى 10 الاف الزيت باقي مايل للذهبي أكثر

و سيارتي ماشيه حول 400 ألف

و تعرفني ما يحتاج أقولك كيف أستخدم

أو كل متى أغير

الله يعطيكم العافية جميعاً ويجزاك خير الدنيا ونعيم الأخرة

هذا انسب شي للسيارة المذكورة 10W30 ممكن حتى 5W30

أنسب شي بترومين ألترا 7 10W30

وتغيره كل 5,000 كم مع الفلتر ( السيفون )

أو بترومين 5W30 A-1
وتغيره كل 10,000 كم مع الفلتر ( السيفون )

والله أعلم

بحكم ان السيارة جديدة افتح الكتالوج وشوف الزيت الموصى به او على الاقل اللزوجة الموصى به
وروح عند محلات الجملة وخذ كرتون فيه 12 حبة وسيفون من الوكالة // وكل 3000 كم غير اذا كان معدني // و5000 نصف تخليقي
و 10,000 تخلقي كامل وعادة سعره يكون مرتفع

معلومة زيت موتر كرافت 5w20 سعره في البناشر 20-30 للعلبة وهو سعره كرتون 180÷12 حبة = 14للعلبة
الفرق بين الثرى والثريا

اذا حاب توفر خذ جملة

اهم شيء انتبه من الفلاتر التجارية والمضروبة واللي للآسف منتشر بكل مكان 

اي فلتر سواءاً ( فلتر زيت المكينة ، فلتر زيت القير ، فلتر هواء المكينة ، فلتر هواء المكيف )
لا تشتريها الا من الوكالة ( فقط فقط فقط ) واحتفظ بالفواتير ( عند الحاجة لا قدر الله الا كل خير ) .

زميلي ضربت عليه بلوف المكينة سيارته اكبيسديشن 2014 بسبب فلتر زيت المكينة حق بترومين ( حسبي الله عليهم ) 
ورفع عليهم شكوى وعوضوه بـ 10 الآف ريال قيمة الاصلاح كاملة . 

واخوي قبل رمضان بكم يوم غير فلتر هواء مكينة لسيارته النترا 2012 من عند بترومين ( قاتلهم الله ) وبعدها السيارة 
صارت تكتم وعزمها ( صفر ) لدرجة صار يتفشل عند الاشارات الناس يحسبونه يستهبل او فيه شيء .

وعلى طول قلت له رح اشتر فلتر هواء للمكينة ( الاصلي ) ويشهد الله بعد ما ركبه يقول موتره رجع وكالة 100% .

الخلاصة ( الاصلي ثم الاصلي ثم الاصلي )  .. ودربك خضر .. وسلامتك ومن يقرأ .. دمتم بود 

أنصحك تبحث عن النعلونة في كتيب دليل مالك السيارة

لأن كل شركة ولها تعليمات خاصة

مثلا فورد استبدال زيت التمرين الأول بعد ٥٠٠٠ ألف

وإذا مالك بالطويلة أنصحك تغيره بعد مسافة ١٠٠٠ ك.م مع الفلتر الأصلي.

والله يجعله داخل عليك بالبركة ويعطيك خيره ويبعد عنك شره