أضف سؤال أو موضوع جديد          

ماهو أفضل حل ياأصحاب الباجي و؟

up 1 down 0
متجر.نت 3
قبل 3 سنه و 2 شهر



السلام عليكم ورحمة الله وبركاته
صبحكم الله بالخير ياخوان وعساكم بخير
عندي مشكلة في سيارتي الباجيرو 2016 وهي انه من تقريبا شهر طلع صوت في السيارة ما يطلع دايم باليوم مرة او مرتين او اكثر واحيانا يجلس كم يوم ما طلع
الصوت هو عبارة عن زي الاحتكاك او شيء ماسك ( مجيم ) وذلك بعد ما اتحرك ولما اوقف السيارة وقبل التوقف باجزاء من الثانية يطلع صوت طقة زي اللي فك ويروح الصوت واكمل خطي عادي




اتمنى اني القى عندك حل المشكلة لاني ماودي اودي السيارة لورشة ويتعبثون فيها والوكالة غالين ولا بيناضرون السيارة الا بعد كم يوم يعني تعطيل
ولكم جزيل الشكر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ودها الوكاله وريح راسك
حتى لو تطول عندهم عادي
ﻻنهم بيعطونك سياره مؤقته
بس الكلام هل فعلا بيصلحون المشكله
وﻻ نفس العاده يخلونها كم يوم ويقولون صلحناها
على العموم مرهم ماراح تخسر شئ


up 0 down 0
d7ooom777 389
قبل 3 سنه و 2 شهر



مثل هذي الأصوات اللي تروح وتجي، بالنسبة لي أتركها إلين تصير واضحة مره وتصير مستمرة بعدين أوديها الصناعية.

لأن المرحلة اللي قبل الاستمرارية ممكن من زيادة الحرص تطيح في واحد عليمي ويخليك تغير أشياء الصوت مو منها.

أو حاول ترفع السيارة بحث تكون السيارة كل كفراتها مرفوعة وتسمع للصوت وانتبه من الكفرات وقت الدوران. واذا السيارة على الضمان وديها للوكالة وشوف وش يقولون


up 1 down 0
الحويزي1 1127
قبل 3 سنه و 2 شهر



كلام اخوي سعودي 07 في محله واوافقه الراي واذا انك متخوف من هالصوت دخل الموتر الوكاله و2016 لسى ع الضمان وحتى لو تطول المهم بيعطوك الخبر اليقين وش مشكلته بالزبط


up 0 down 0
هاوي707 223
قبل 3 سنه و 2 شهر



مابعد تجي ١٠٠٠ كيلو كانت بدون أصوات فجئه جا الله يقويكم يارجال


up 0 down 0
متجر.نت 3
قبل 3 سنه و 2 شهر



عزيزي فهمتك وش تقصد ، كانه صوت شي تحكه في البلاط اسف على التوضيح البايخ بس بوصلك الفكرة


حبيبي هذا في الغالب يطلع من الهوبات يعني انت سمعت الصوت وانت برا السيارة ؟؟؟ وهل هو عند احد الكفرات قدام او ورا


صارت لقريبي في اف جي وشرا زي المنظف من ساكو ورشه على الهوب وسواله تنظيف وزبط مافيه الا العافية تلقاه مع الامطار والمياه كسب وسخ وتراب او طين في وجه العدو وصار يطلع هالصوت لا تخاف عادي


up 0 down 0
a.ibrahem 3107
قبل 3 سنه و 2 شهر



احسنت بعد مادخلت في مويه بجرب واللله يعطيك العافيه ياسنافي


up 0 down 0
متجر.نت 3
قبل 3 سنه و 2 شهر



برا الصوت قدام اتجهت السواق


up 0 down 0
متجر.نت 3
قبل 3 سنه و 2 شهر



هذا تأثير دخول الماء على القماشات و الهوبات
الموضوع سهل مهو بعيب مصنعي 


up 0 down 0
1405-1985 1057
قبل 3 سنه و 2 شهر



صارت معي وهو عبارة عن صوت مثل التجييم او الاحتكاك الثقيل وهو يطلع بعد دخول الماء اما بعد غسيل السيارة او وقت الامطار
او دخول اتربه او رمل وقت التطعيس وسببه احتكاك الفحمة بالهوب ... لكن الامر هين وبسيط .
تنظيف بضغط ماء يكون عالي شوي مع الانتباه انه ما يكون الهوب ساخن حتى ما ينكسر او ينعدم وبعدها مباشرة تمشي على 
مسافة بسيطة حتى تجف المياه من الهوبات وحتى لا تصدأ .

وفيه طريقة ثانية هي صنفره الهوبات والفحمات عند ميكانيكي اتوقع ياخذ من ٦٠ الى ٨٠ ريال على الاربع كفرات .
وسلامتك 


up 0 down 0
nasser1430 871
قبل 3 سنه