ماسبب كثرة بيع الباجيرو مع ان ممشاها قليل؟

ممكن عشان الشكل الجديد قرب يطلع

الاعلانات اللي تقول عليها هل هي (بيع) او (تنازل)
لان فيه فرق
اذا بيع وهي لسئ مامشت كثير صحيح نقول ممكن فيها عيوب
لكن لو هي اعلانات تنازل فتاكد ان هالشي ماله علاقه بالسياره
لان كثير يتسرعون وياخذ سياره تاجير ولايقدر علي اقساطها ثم يتنازل عنها بكل بساطه

مع انني من عشاق الالماني والامريكي
لكن هذه السياره اعجبتني 
جمال منظرها وعمليه بحسب مدح الكثييير 
خلك من كلام اللي مايعرفون

لا توسوس اغلب السيارات ممشاها قليل ومعروضه للبيع حتى دباب البطه

صح توني ملاحظ

تنازل بالفعل

السبب انك مركز على هالنوع ومتردد في شرائه

كل السيارات في السعودية تباع وهي ممشى قليل موديل السنه هذي ثقافة شعب ماتحصلها باي شعوب اخرى
البعض يشتري سيارة كان متردد يشترها بعد الشراء ماتناسبه ماتعجبه يبيعها ناس تورط نفسها وتقسط ويكسر ظهورهم القسط ويتنازلون
ناس تشتري فقط بدون يحدد استخدامه ووو....الخ

*الخلاصة كثرة البيع مو دليل ابدآ على عيوووب* الا إذا فيه عيب معروووف ومعلن من قبل الشركة وصار عليها ستدعاء
غير كذا مو دليل

الأخ صاحب الموضوع تأكد من أسعار قطع الغيار سمعت والله أعلم أن أسعار قطع غيارها مرتفعة
الله يبارك لك مقدما . ويعطيك من خيرها ويكفيك شرها

ببساطة اكتشفو ان شراء سيارة مثل الباجيرو بهذا الوقت خطوه غير صائبة بتاتا

الباجيرو كلمة بالوعة بنزين قليله فيه ولا تفيه حقه !

وقريبا بعد اترفاع اسعار الوقود سيتكبدون خسارة كبيرة خصوصا لو كنت صاحب خطوط

لهذا الفعل الصائب بهذا الوقت التخلص منه باكرا لأن عند ارتفاع اسعار الوقود لن تجد مشتري واحد يفكر فيه ولو عرضته بنصف سعره السوقي

بغض النظر عن ارتفاع البنزين 
لكن اعتقد بسبب صرفيتها العالية للوقود من واقع تجربة باجيرو2016 3.8

عزيزي ببساطة كل واحد عارض للبيع عنده ظرف مهب معناها ان الموتر سيء


واحد تلقاه شراه وتوهق على اقصاده ، او احتاج مبلغ

واحد كان متعود على التويوتا او الامريكي وشرا ذا وما اعجبه وبيقضبه الباب


نسيبي معه 2015 فل بريمي الموتر الحقيقة مهب مدح له عشانه مع نسيبي لكن بصراحة قيادة انصدمت من ثقله ورساوته صحيح ان شكله من برا مهب ذاك الواو ويعني نقول في قطع الغيار يقولون زيادة حبتين مع انه كل السيارات اسعار قطعها غالية وزرف في زرف لكن ولله الحمد مع نسيبي ماشي من احسن ما يكون

لانك متابع الباجيرو بتلاحظ العروض كثيره 
تابع سيارات اخرى وبتحصل نفس الشي العرض كثير 
ع العموم الباجيرو سياره جباره يعيبها البنزين وغلاء قطع الغيار مع ان طلباته قليله جدا 

اعرف واحد شراه وبعد شهر باعه مع انه كان يتمنى هالجيب من فتره طويله ولكن بعد ما شراه بشهر نزله للحراج والسبب انه يشرب بنزين يكلف المشوار ١٠ ريال بنزين
يقول صرت اشوف المحطه كل يومين

معقولة الناس متخوفين من صرفية الباجيرو المهولة مع أن في ناس يملكونها يذكرون عكس ذلك وش خليتو للباترول الفتك!!!

كم سعر صدام الباجيرو ياشباب؟؟

سعر صدام اي موديل تبي تعرفه وامامي او خلفي