اريد نصائحكم قبل شراء سيارة مستعملة

اي فيه محلات فحص 
تطلع كل شي 

عاد اسال وين افضل محل يفيدونك الخبراء هينا بالموقع

شوف في الغالب فحص الكمبيوتر
يطلع لك المشاكل الكبيرة فقط

اما الحاجات الاستهلاكية ما يطلعها
واحيان لو تجمع سعر القطع الاستهلاكية
ممكن توصل لقيمة مكينة جديدة

لذالك اول شيء يفضل يروح معاك واحد
من اقاربك او اصدقائك يكون عندة
خبرة ولو بسيطة في السيارات
تجربون السيارة في الخط
لحالك ما بتلاحظ كل العيوب

وبعد التجربة تتفقون مع مالك
السيارة على سعر معين

وفي الاخير افحص كامل السيارة
ب300

واذا كنت تقدر على الجديد
نصيحة انحش عن المستخدم
حتى لو تتسلف وبعدين ترجعها

لان والله في الغالب لو كان فيه
خير ما رماه الطيرر
وحتى لو كان الموديل جديد
تحصل راعية لعن ولدينه وجاي يبيعة
خصوصا سيارات الدفع الرباعي
يكون استخدامها شاق عادتنا

مادام بتشتري موديل 2016 خذ جديد لان الفرق مو مستاهل المخاطرة ابدا
المستعمل في الموديلات الجديدة حول قيمة الجديد
خذ لك سيارة على يدك جديدة ماتدري المستعمله وش مسويبها راعيها وكيف زار على مكينتها في الطعوس والحزوم

اعد النظر في نوع السيارة
ترا الباجيرو  يصرف بنزين تعبيه ب60 او اكثر
يمشيك 400 كم فقط

موديل واحد وتفحصه تلقاه نظيف مو مخاطره , المخاطره لو كان 2008 مثلا
بالاخير ادع لنفسك بالتوفيق بالجديد والمستعمل

مافيه شي اسمه صغائر بسياره فيه فحص بطن هاذا للجلد والعضلات والتهريب وفيه للبدي لو فيه رش او سمكره وفيه الكمبيوتر
للمكينه واساسا الواحد قبل يروح الفحص ويخسر عمره يفحصها بنفسه ولا يستحي من البايع وملفات الفديو مليانه باليوتيوب
في تعليم فحص السياره فحص مبدئي اذا تمام بعدها على مركز فحص

في الرياض افضل مركزين فحص البريدي وكارتك لاتفحص عند غيرهم 

والله ٢٠١٥ وتلقاها شكل ووقفه وريحة الوكاله تغريك لاكن الشاصيه ملحم أو فيها توضيب من المشكله الفلانيه بالنهايه لابد يكون عندك خبره كافيه للسيارات وغير كذا تفحص انت بنفسك وتشوف داخلية السياره وتحت السياره والبودي والشاص ووفي الاخير  التوفيق بيد الله