سؤال لأهل الخبرة بالباجيرو

اول شئ مافي شئ اسمه رش نظافه محد يرش باب ولارفرف ولاكبوت كذا استهبال
من دون اي سبب
مارشه الا فيه حكه ولا صدمه

كم حجم المكينه وهل الارباقات طالعه ووشو وارده

الإيرباقات سليمة وارد العيسى

تراه يصرف بنزين حد التانكي 400 كم فقط لا غير
لكن لو بتشتريه بسعر طيب فرق السعر تخليه قيمة استهلاك البنزين
اذا كان مكينة 3500 قيره 4 نمر من 2015 صار 5 نمر
3800 من اول القير 5 تعشيقات

تراه يصرف بنزين حد التانكي 400 كم فقط لا غير
لكن لو بتشتريه بسعر طيب فرق السعر تخليه قيمة استهلاك البنزين
اذا كان مكينة 3500 قيره 4 نمر من 2015 صار 5 نمر
3800 من اول القير 5 تعشيقات

اذا مكينته 3800 ال40الف اخر حد له واذا 3500
حده 35الف

اصرف النظر نصيحة يبلع البنزين بلع 
و البنزين بيرتفع بعد شهرين مع بداية السنة الميلادية 

ما أنصحك فيه
يدمر ميزانيتك بالبنزين
ثقيل جدا جدا
تحدث فيه تهريبات زيوت
القير يسخن عند تعرضه للضغط كصعود المرتفعات
سيارة زمنها أنتهى وتقنياتها قديمة
لا تتورط فيها

الباجيرو قيرة يسخن ومايتحمل ؟

جربتة انت ؟ 

ولا تتكلم عن 2003 شكلك 

مع خويي 2012 باجيرو سبورت 

تطعيس + سحب مواتر وماشاءلله عليه 

اذا الباجيرو مايتحمل مصيبة 

هذا ومكينته 3500 مو 3800

مشكلة بعض الأخوان الله يهديهم حتى وهو ماجرب السيارة يعطيك فتوى وكأنه صانع السيارة

خذ الكلام من شخص مجرب السيارة معي باجيروا موديل 2016 وبعطيك التفاصيل ...........

أولاً : البنزين
1. حجم المكينة 3500 تعبية 91
2. حجم المكينة 3800 تعبية 95

ثانياً : حجم تانكي البنزين
88 لتر يعني يمشيك 560 كم


ثالثاً : وزن السيارة
السيارة وزنها 2 طن حسب الأستمارة والبطاقة الجمركية

رابعاً : تغييرات القير

5 تغييرات


خامساً : المميزات

1. الثبات ممتاز .
2. التكييف ممتاز .
3. عزل الهواء جيد جداً .
4. الأنوار الأمامية ممتاز.


سادساً : العيوب

1. قساوة السيارة عند المطلبات وحلها بسيط وزن الكفرات على 32 .
2. صوت المراوح عالي شوي .
3. المرتبة الثالثة صغيرة ولا تكفي الا لشخصين كبار .

موديل 2014 باقي جديد ما يحتاج رش نظافة والله العالم
افحص زين يمكن سقط على الكبوت شي او غيره 

سعره ببحر الستينات وطبعا حالته تحكم سعره