ماهي مشكلة لعلعة السياره اثناء التشغيل

حياك
كان معي جيب نفس مشكله موترك
طلع العطال من كتاوت طرمبة البنزين 
شغلة كهرب وده للكهربائي خله يشيك علا كتاوت طرمبة البنزين
والكتاوت تبعها 
وباالتوفيق

على الاغلب طرمبة البانزين .. الوالد صارت معاه من فترة

صباح الخير للجميع اولا
اشك ان كل ماتغير البنزين من 91الى95او من 95الى91
تخلي البنزين لين مايفضى وتقلب البنزين من ماستنتجته من كلامك
كذا الظاهر الطرمبه عندك ضعفت من هالحركه واحيانا بدأت تعلق
تاكد من الطرمبه 
وعبي للسياره بنزين واحد وثبتها عليه مهما كانت الظروف 
الى للطواريء

غالبًا مشكلتك في طرمبة البنزين
ألتزم بنوع واحد من البنزين و هو المذكور في كتيب المستخدم ألي يجي مع السيارة
الإجتهادات الشخصية هي ألي تعدم المواتر أحيانًا

احذروا يا اخوان من ترك البنزين 
الى ان يفضى التانكي
مع انتهاء البننزين يسحب التراب ويخرب الطرنبه 
لا تترك البنزين حتى يفظى 
حافظ ع اقل شي ربع التانكي باستمرار 

ممكن زي ما تفضلو الإخوان من الطرمبه
و ممكن من البواري أو حساس التايمن أو فيش حساس الكام مفصول
افحص الطرمبه بالاول و تأكد أنها سليمه 
و بعدين افحص الكهرباء 

البواري= البواجي

بيض الله وجيهكم جميعها مثل ماتفضلتوا طلع الخلل من طرنبة البنزين .. وحصلتها عند الوكاله 1500 ريال واضطريت ابحث عن غير الوكاله
وابشركم حصلت طرنبة بنزين هوندا الكورد مديل 2008 نفسها بضبط وركبتها والله الحمد مشي الامور زي الحلاوه
..طرنبة هوندا الكورد تركب على الباجيرو نفسها مافيه اختلاف واخذتها 350 ريال وكاله درجه ثانيه . وحصلت طرنبة ددسن اوتماتيك بس مدري كم مديلها اعتقد 2009 او 2010 تركب عليها وسعرها 250 ريال