تجربة باجيرو 3500

22 4

لايمكنك التصويت حتى الحصول على 20 نقطة على الأقل
إضغط هنا للإخفاء

خالد ___الرياص 1332
قبل 7 سنه و 8 شهر

بسم الله الرحمن الرحيم
السلام عليكم ورحمة الله وبركاته
بعطيكم تقرير بسيط لتجربتي لسيارتي باجيرو ستاندر
وارد الحبتور حجم المكينه 3500قبل 10شهور توفر
معي مبلغ 80الف وخصصته لشراء سياره بحكم ان سيارتي
السابقه هيونداي النترا 2009 ماعادت تكفي العايله
وايضا قامت تطلب المهم انا ابغى جيب وبعد البحث بالسوق
صارت الخيارات عندي 1.هيونداي توسان دبل 2016
2.كيا سبورتاج دبل 3.باجيرو ستاندر
طبعا السبورتاج والتوسان استبعدتهم لصغر حجمهم وضعف مكاينهم
قررت اخذ الباجيرو واخذته ب80الف منقول جاهز بسمي
السياره لها معي الان اكثر من 9شهور وماشيه 40الف
استخدمتها في خطوط وبر وعقبات وداخل مدينه بذكر لكم السلبيات
والايجابيات
السلبيات
1_تصرف بنزين بالذات داخل المدينه وبعد سرعة 140
ومن ياصل العداد الربع وخلاص دور اي محطه وعب لانه يادوب يكفيك 70كم
2_اذا كنت ماسك خط وصار الهواء بعكس اتجاهك تحس بثقل الموتر واحيان يرد نمره
3_فيه اصوات ديكور خفيفه بالذات مع البطناج
4_صوت جرس السرعه بعد ال120 يزعجك ولاكن في حل انك تفصله
5_فاصل التراكشن الي هو الزر مايفصله بشكل كامل
واحيان يشتغل لاكن فيه حل انك تفصل فيوزه او فيشه من داخل الكبوت
6_يستهلك الفحمات بشكل غير طبيعي يعني انا موتري هلحين ماشي 40الف ومحتاج تغيير فحمات
المميزات
1_سياره راسيه بالذات مع المنعطفات وايضا على السرعات العاليه
2_سياره تجمل بالبر بالذات اذا خفضت هواء الكفرات
3_سياره مليئه بالمواصفات رغم انها استاندر واذكر منها انوار زنن ليد نهاري كشافات مكيف امامي خلقي
كميرا خلفيه تركشن وايضا اي بي اس لمبة ضباب خلفيه
4_سعر منافس مقابل سيارة اوف رود حقيقيه وصناعه
وتجميع ياباني
5_توفرها باربع نسب دفع يعيني دفع خلفي ودفع رباعي مستمر تقدر تمشي عليه لين 180ودبل خفيف ودبل ثقيل
6_السياره ماتطلب عدا الفحمات وتحس بجودتها
ملاحضات
المكيف وسط يعني ليس سئ وليس الافضل ولاكن المكيف الخلفي ثلج
العزم افضل من الفورشنر ال4سرندل واقل من الفورشنر ال6سرندل
العزل متوسط
عند شراء السياره لايتوفر فيها فرشات الارجل اكرمكم الله ولا فلتر مكيف ولاكني اشتريتها وركبتها لاحقا
السياره تتسع 7ركاب ثلاث صفوف مراتب ويمكن طي الصف الاخير بحيث يكون متساوي مع الارضيه
قيادة السياره ممتعه جدا
القير يتوفر بخمس نسب يمكن تحويله تغيير يدوي
اخيرا انا مرتاح بالموتر ومبسوط ويمكن الي يناسبني مايناسب غيري ولاكن لايوجد منافس لسياره في سعرها
بنتظار اسألتكم وملاحظاتكم

إبلاغ

الردود