ايش أفضل باجيرو ولا اكسبدشن

وش جاب الحصان للبغل؟  الله يكرمكم.. باجيرو موتر كرف وجوده
بس اشوف لكل وحده من الي قلت استخدام وماتصح المقارنه خاصة
بالحجم

ما عندي علم عن الباجيرو
بس انا حاليا استخدم اكسبدشن ٢٠١٤ حق ارامكو ٤*٤ واستخدم الدبل اذا طلع للمشاريع
ما شاء الله رساوه وعزل الموتر ما عليه كلام
بس انا ما احب الفورد من صغري والجمس واقف بالطبيله من موديل 1991 - 1999 - 2004 - 2006 - 2012 - 2015
الجمس شيخ وعزم وعيبه

انت كيف استخدامك راعي بر خذ باجيرو سياره ممتازه يابانيه من الصدام للصدام
والاكسبدشن موتر ممتاز وناجح واختيار جيد اذا عندك عائله ومريح
بس خل باللك قطع المستوبيشي غاليه جدا الخارجيه 
كلهم الاثنين ممتازين وانت اختار حسب استخدامك مع اني اميل للاكسبدشن

باجيرو و ديزل !!!!
بنزين و عزم محدود خصوصا" مكينة 3500
و كان ينزل مكينة 3000 ميت ما فيه عزم
صحيح مكينة حجم 3800 اقوي لكن 250 تعتبر قوة متوسطة

الا ما بينت لنا تبي جديد او مستعمل ؟
مع ان المقارنة غريبة
اكسبدشن طويل حق تحميل ركاب و سفريات
باجيرو انسى في مرتبة أخيرة صغيرة مناسبة للاطفال فقط
و اذا تهمك الصرفية شوف الاكسبدشن الجديد
 مكينة ست سلندر تيربو عزم و توفير
مع ان جيوب الكروس اوفر اخف و افضل بالتوفير
مثل الاكسبلورر الجديد و الدورانجو V6 و اكاديا و اللي مثلها

كلهم كويسسن
الفورد أوسع من الباجيرو وشكلة أفضل
"""""""""""""""""""""""""""""""""""""""""""
لكن الباجيرو أفضل من ناحية الجودة وصناعتة يابانية
وعيوبه صغر المكينة

صح كلامكم
مقارنة غريبة جدا
انا من هواة البحر مو من هواة البر والطعوس وهادا الكلام
وبنفس الوقت خطوط وسفريات
مع اني عزابي مني متزوج
الفورد حلو وهيبة وكشخة لكنه كروس اوفر مو زي الباجيرو
والباجيرو ميزته شكله ثابت من زمان ماتغير وهادا الشئ يخلي قطعه متوفرة
والفورد كل كم سنة يغيروون شكل سياراتهم مع احتمال اغلاق وكيلهم بالسعودية
وهادا اللي محيرني بينهم

مافي سيارة تجمع بينهم الاثنين؟
ساعدونا ممكن جيوب ثانية مو مشكلة
زي الرانجلر عاجبني مرررة بس وكيله يسوقها بقووووة اليين دحين مانززل موديلات 2016
وال 4 أبواب مخلصة من كل السعودية



بالنسبة للشباب اللي سألوني جديد ولا مستخدم
طبعا افكر في جديد ان شاء الله
وشاكر لكم جميعا

شلون الفورد كروس اوفر هذا سياره عائلية الكروس اوفر مثل السنتافي والتوسان ..

مدري وش مصدر معلوماتك
الاكسبدشن دفع خلفي اللي بدون دبل
و رباعي مؤقت اذا فيه دبل خفيف او ثقيل
و من قال ان وكالته ممكن بتقفل
ليت المتحدة وكيل جيب اللي يقفل او يفتحون وكيل ثاني

شف لك دورانجو ب117 عليه عرض حاليا"
دفع خلفي رباعي مستمر مع ان وكيله سئ
او فورد اكسبلورر خليجي استاندر دبل
دفع امامي رباعي مستمر مع خاصية تنوع التضاريس
ب110 الى 120 بالمعارض
هذا اللي يصلح لك
حجم مناسب و شبابي لعزابي
و صرفية مناسبة 
و دفع رباعي مستمر مناسب للشواطئ و السفريات

والله اوقات تسمع اخبار عجيبه واذا سئلت نازل الخبر ماتقلى عنده خبر
شلون وكيل فورد يقفل بقاله هو

شاقح نسينا يوم تقول السيرفر هو الي يعطي ديسلاك للاعضاء
ويوم تقول المنتدى بيقفله صاحبه بأحد ردودك هههههههههههه
+1

بحكم اني املك باجيروا. فيه منه ديزل بس ما اتوقع انه موجود عندنا بعدين البنزين افضل اذا انت بتاخذه حق بر لاتفكر تاخذ ديزل من ناحيه قطع الغيار الحمد لله له معي سنه ونص اللحين بس اغير زيت كل شهر والامور طيبه بس اسمع بس ان اتوقع انها غاليه شوي اما الفحمات وغيره . الوحده 80 ريال ..نجي للسعر سعره جدا مغري بالنسبه للفل 2016 حاليا ب 113 الف خليجي من المعارض جديد باختصار موتر جدا جدا عملي رساوه في الخط لو الدنيا هوا ما بتحرك شعره ماشاء الله في البر جدا جبااااااار في عيب بسيط بس صرفيه البنزين وعزل الهواء نوعا ما جيد بنسبه 80%. اما الاكسبدشن ما عندي معلومه عنه اتمنى استفدت

لا انا مو راعي بر
راعي رحلات بحرية واستكنان
عشين كيدا سألت عن الديزل
بالنسبة للزيت كل شهر!!! هادي مشكلة كبيرة ايش الخلل او العيب اللي فيلو عشين تغير زيت كل شهر؟
ولا انتا استخدامك له مررة كتير وتحتاج تغير زيته شهريا؟
بيني وبينك الباجيرو اشوفه مع الحضارم كتييييير والحضارم ماياخدو أي سيارة الا لو كانت ممتازة وتعيش وحقت كرررف
وصراحة اللي شايفه انه حق كرررررف وحمار شغل ويعمرر مع الواحد
والفورد حجمه اكبر من الداخل واضخم وهيبة اكتر من الباجيرو
بس كمقارنة بينهم من ناحية الكرف والتعمير واستحمال الزمن والمكدة طبعن الباجيرو يتفوق بجدارة
شاكر لك مرورك أخي الكريم...

بالنسبه للزيت ليش اغيره كل شهر اقصد فيها اغيره كل 3000 كيلو احيانا تكون مشاويري قليل احيانا قبل الشهر ع حسب وافضل للمكينه ويطول عمرها ان شاء الله ... بالنسبه للحمار كرف ههههههه ليش التجريح هههههه الباجيروا معروف اشتري وانسى موتر بحق الكلمه وراح يعمر معاااك سنين لو حافظت عليه للعلم كان عندي برادو 2014 بعته والسبب لانه قير عادي وتعب. ومن ناحيه الباجيروا يعلم الله انه من عشقي له اذا ركبته احس اني راكب بنتلي هههههههه فخامه وكل شي تمام ايش يبي الواحد اكثر

دحوم خذ ذا
رد روت قبل 4 شهور عالخاص الرساله لازالت موجودة عندي فالخاص

رد 1:السلام عليكم ورحمة الله وبركاته

المرسل: root مشرف الموقع
قبل: 4 شهر
وعليكم السلام
جرب تسجل الخروج ثم تسجل الدخول من جديد.
المنتدى سيتم ايقافه مستقبلا.
حظر المرسل؟

والله سؤال محير لأني أنا عندي السيارتين الباجيرو 2016 والأكسبيديشن 2005 والسيارتين روعه الصراحه من ناحية المشي والقوة والثبات في الشارع ولا عليهم كلام

الرد والمقارنة صعبة بين السيارتان كلاهما عظيمتان في استخدامهما وانا من ملاكهما ولكل سيارة استخدام معين وفي نفس الوقت كلا السيارتان رائعتان فقط استخير الله وهو حسبك وسلامة الجميع ..