سوال يالربع بخصوص صرفية الباجيرو 2015 للبنزين

3.5 يمشي بالخط 650 الى 750 على سرعة 120
بالمدينه 450 الى 550 حسب الدعسه

3.8 ماجربته 

انا معي 2015 مكينة 3500 
بالخط على سرعة 160 حده 400 كم
سرعة 140 يوصلك الى 450 ممكن أكثر
اول ما شريته من الرياض طلعت لحائل 600 كم
ما تعديت 120 وصلني و باقي فيه اقل الربع
عاد الحين مسوي تجربة ما في دوام و لا خطوط
امشي مهدي و المشاوير قليلة برمضان
فللت و ابشوف كم يمشيني كيلو مع تشغيل المكيف

معاي 3.5 يمشيني من 400 الى 450
داخل المدينة او خارجها والبنزين 91

يعطيكم العافيه ياشباب
الاراء متفاوته ....
سالت شخص مجرب السياره يقول بالرياض 350 - 400 وهو شخص كبير وسواقته هاديه
شخص ثاني يقول 450-500 ..
وكلهم موديل 2015 مكينة 3500 بنزين 91
طبعا اكيد حسب الدعسه ولكن هل صرفتيه مثل الباترول الفتك مثلا

افضل من الفتك بشوي لان استهلاك حجم 3500
بيكون اقل من 4800
و ممكن لو تانكي الباجيرو كبير 100 لتر كان ما تحس بالصرفيه
و هو عدو مكينته السرعة و خصوصا" مع الهواء المواجه و العجه
بس معلومة لاحظتها بنفسي اذا ولعت لمبة البنزين معك زود 40 الى 50 كم
جربتها و على سرعة و مشغل المكيف و الحمدلله ما طفى علي هههه

ابو نجوى حجم المحرك ماهو دليل على صرفية الينزين
الفورشنر السته اكبر محرك من الباجيرو ... 4000سي سي ومع ذلك اقل صرفية بكثير من الباجيرو

الفورتشنر ما اعتقد ان صرفيته اقل لكن ممكن التانكي اكبر

ملاحظة سبب ان ممشى سيارتي اكثر منكم هو اني اعبيها بنزين 95 من يوم شريتها

انا ٣٨٠٠
اذا عبيته بالمدينة المنورة .. أوصل لجده تقريبا وفيه باقي ثلث أو ربع التانكي احيانا
وسط البلد صرفيته متوسطه ... كان عندي فورد تقريبا نفس الصرفيه البنزين تعبيه فل من مره الى مرتين بالاسبوع حسب مشاويرك

فيه كم حاجه برضه
لاحظت الباجيرو بعد تغيير الزيت تقل صرفية البنزين .. و مع الزيت 40-5 لاحظت البنزين يطول معاي وسط البلد
كمان انا كنت بخط ومناطح الهوا ترى يصرف حتى لو علي سرعات بسيطه

يا اخوان ايش الزيت المناسب للباجيرو ٣٨٠٠ 

انا اغير لزوجة 10W40
نوع كاسترول ميجناتك و خذه من محل زيوت كبير و ثقة
العلبة ب23 ممكن اقل 
5 علب تكفي مكينة 3500 و اغيره كل 10 الاف كم مع الفلتر

معالم التقنية
لمعلوميتك الفورشنر اصغر تانكي من الباجيرو (80 لتر مقابل 88 لتر للباجيرو)

الباجيرو تصميم الزجاج الامامي يصطدم بالهواء
بالاضافة تقنية صمامات المحرك غير ذكية او فيها تقنية توفير استهلاك الوقود
مهو مثل نظام محركات تويوتا المعروفة باسم VVTI
 و المحرك كله تقنية قديمة و قوة متواضعة اقل من 200 HP من حجم 3.5 L
لكن كسعر و مواصفات و راحة افضل من الفورشنر كله و البرادو 4 سلندر

معلومة طيبة تفيدكم
سيارتي كامري 2008 اذا طولت عن 3 شهور في تغيير زيت الماكينة السيارة تصرف اول ما اغير الزيت السيارة تتحول اقتصادية
! الحل بالتوفير كفرات بنقشة تساعد على الصرفية يكون ضغطها 35-36 وتغيير زيت الماكينة بزيت لزوجته حلوة ما تتأثر بالحرارة مثل شل سوبر بلس رخيص وافضل من غيره

أتابع الردود ما حد رد علي صرفية ال 3800