ما رايكم بالباجيرو سبورت؟

قصدك الجديد اللي ينقال عنه مونتيرو
او الشكل الحالي

اللي هو عبارة عن جيب على اساس بكب L200
سعره طيب لكنه مرتفع بقوة الرساوة اقل من الباجيرو
نفس مكينة الباجيرو 3500 لكن القير باقي اربع نمر
الباجيرو الخليجي بنفس سعره اوسع و اريح و ارسى و القير 5 نمر
لكن بالمرتبه الخلفيه و باب الشنطة العلوي السبورت افضل

و بالنسبة للصرفيه كلها تصرف مع الخط و السرعة فوق 120
الباجيرو مكينة 3500 التانكي حجم 88 لتر يمشيه الفل 400 - 450 كم
السبورت نفس المكينة التانكي اصغر الظاهر 75 و اتوقع يمشي بالفل اقل مسافة
انا ما جربته لكن جربت الناتيفا
مكينة 3000 التانكي حده 350كم بالفل مع الخط و السرعة 

و القطع الداخلية لا بأس فيها الا سير التايمن كل 100 الف يتغير قيمته فوق الالف
لكن جيوب مستوبيشي سيارات قوية ما تحتاج صيانة دائمة
قماشات طقم ب500 او اقل فلتر زيت 50
قطع البودي الخارجية غالية و قليل تحصل تجاري

ابو نجوى المونتيرو مكينته 3000 سي سي
والجير 8 نمر طال عمرك اللي هو موديل 2016
وبصراحه ابدااااااع للغاية ماشاء الله تبارك الله

شرحك وافي وكافي بالفعل في مميزات بالاسبورت افضل من الباجيرو وهي الكرسي الاخير بصراحه مرتبة الباجيرو الاخيرة قبيحه للغاية والخوف من المونتيرو 2016 بالصيانة لانه فيه اضافات عالية وتقنية مثل الجير 8 نمر البريك الالكتروني انظمة النقطة العمياء وخلافه من المواصفات اللي تخليك تضرب اخماس في اسداس عند الصيانة وحسب ماقال لي احد موظفي الوكالة الباجيرو لك وللعمر بعكس المونتيرو اللي ديكورها هو اللي يسوقها

ابو نجوى لا تقارن مكينة السبورت بمكينة الباجيرو العادي

لان السبورت تقنيه جديده وفيها مميزات كثير منها توفير الوقود


طبعا انا ما جربتها لكن هذا كلام قريته

والدليل على انها تقنية جديده انها 3.0 و250 حصان يعني نفس قوة الباجيرو 3.8 ونفس قوة الكابريس ال6 سلندر الي معي

اهلين معالم
صاحب الموضوع اظنه يسأل عن الباجيرو سبورت
مهو المونتيرو الجديد
و مريت الوكالة اول يوم من رمضان غيرت زيت المكينة
العيسائي لقيت عنده كتالوجات المونتيرو لكن باقي ما نزل بالصالة !!!
المهم شفت قوة المكينة طلعت 220 حصان و هي نفس مكينة الاوتلاندر
و اكيد اقوى و افضل من مكينة 3500 
لكني مستغرب من قير 8 تعشيقات من وين دبرته مستوبيشي
مالها أي تعاون مع أي شركة معقول طورته بنفسها
و شراء نيسان 34% من شركة مستوبيشي بيطورها أكثر مستقبلا"

ابو نجوى شكلك ناسي ان المرسيدس تمتلك حصة كبيره في ميتسوبيشي ويمكن يكون القير لهم

الباجيرو سبورت صنع في تايلاند
الباجيرو المعروف صناعه ياباني
وانا مريت ع الوكالة قبل اسبوع
ال سبورت صار اغلى من العادي
بالرغم ان العادي اقوى وارسى وافضل
ومايعيبه الا مرتبته القبيحه الخلفية
بينما ال سبورت مرتبته زي البرادو الجديدة مفصولة من النص

الباجيرو حلو بس صرفيته عاليه 24 لتر بنزين في 100 كيلو ترا جد كارثه وقطع غياره حريقه
جنب السيارات الثانيه فرق السماء عن الارض والجديد العن

اذكر ان مستوبيشي شركة عائلية منغلقة على نفسها
سوت تعاونات خفيفة مع تويوتا و كرايسلر
لكن ما استعارت تقنيات من احد
و لعلها تتطور فهي اخر امل بمنافسة تويوتا بجيوب الدفع الرباعي اللي يعتمد عليه

المونتيرو موجود بالوكاله من شعبان شايفه

مدري فرع حائل ما شفت و لا واحد
و لا سألت عنه ممكن نزل كم واحد و انباعت كلها

الاخ الي يقول صرفيته 24 لتر بال100 كيلو 

انت صاحي!

انا معي الموتر وابو نجوى معه الموتر ويييين 24

صرفيته حلوه بالجيوب بس عيبه التانكي اصغر من الباقي

البرادو الخليجي التانكي 120 لتر الباجيرو 88 لتر

وفعلا يابو نجوى شكل راعي الاعلان يسال عالسبورت القديم وانا شطحت ههههههههه

ي شباب اخالفكم الرأي بالنسبه لمرتبته الباجيروا الخلفيه مقارنه بالبرادوا اشوفها افضل بكثير من البرادوا لاند ةغيرها من السيارات الحلو فيها انها تنسفط ع تحتط وتستفيد من الشنطه بالكامل بعكس البرادو تضيق عليك

هل الباجيروالسبورت فيه ثلاجه

بالنسبة لي هذا الموتر افضل من الباجيرو الصالون لانه على قاعدة شاص واخف وزن والمرتبة الثالثة اكبر من الباجيرو الصالون
وقطع غياره متوفرة نفسها مثل الونيت

الموتر هل يستحق ان الواحد يمتلكه الموديل طبعا ٢٠١٢ سبورت