بخصوص ميتسوبيشي مونتيرو 2016

و عليكم السلام و الرحمة
ما اتوقع احد جربه
لكن مستغرب من شكله و مواصفاته و سعره اللي اعلى من الباجيرة
مكينته V6 حجم 3000 مدري هي تيربو و الا نفس اللي على الاوتلاندر
و قير 8 تعشيقات من دبرته مستوبيشي !!!
على كل حال نيسان مؤخرا"  اشترت 34% من شركة مستوبيشي
و اتوقع القادم افضل لكل الشركتين بس لو تخفف استخدام قير الCVT
و تنزله فقط على سيارات الاربع سلندر يكون افضل

السيارة جيدة ولكن هنالك مشكلة في تصميم خلفية السيارة أي حادث بسيط لا قدر الله من الخلف قد تروح السيارة تالف أو يتأذى الركاب في الخلف 

محتار بينها وبين الباجيرو 
مكينتها مو تيربو انا رحت الوكاله وسألتهم 
في واحد عرضها للبيع بعد 136 كيلو استخدام 
يقول ممتازة لكن صوتها رياضي ما ناسبني

خذا الباجيروا افضلك 

هههه وين صوت رياضي من مكاين مستوبيشي
كان مهو صوت دينا ديزل
ما اتوقع هذا السبب
على كل حال السيارة مرتفعة مثل الموديل السابق
و لا هي آمنة على السرعات العالية و السفر الدائم
الباجيرو ارسى لكن حد التانكي 400 كم مع السرعة

400 كيلو 
مستحيييييييييل يا رجل

على سرعة 160 مكينة 3500 بعد معي ب3800
معي باجيرو 2015
وسط البلد مرة نص التانكي مشاني 270 كم
لكن ما طلعت على الدايري و السرعة 120 و اقل

خويي معه 2014 3500 cc
يقول 4 مرات يروح فيها من شمال الرياض
الى الشفا رايح جاي كان التانكي على الربع وبعد المشاوير نزل
شرطه 
جربت موتره اليوم والله بطل استاندر

هذا شكله يمشي 80 و يطفي الموتر عند الاشارات
انا اول ما شريته طلعت من الرياض لحائل 600 كم
على سرعة 120 مثبت وصلت و باقي فيه اقل من ربع
لكن مع السرعة و الخط يصرف و اذا في هواء مواجه يزود الصرف
المكينة تقنيتها قديمة و التصميم غير انسيابي لكن موتر بطل و شاطر بعد

بصراحة المونتيرو شكله ابداع
ننتظر اللي جربوه واللي يجبر محل ايجار يوفره
ياليت يدلنا عليه

جرب مر الوكالة يمكن عندهم تجربة 

انا عندي باجيرو 3.5 يمشيني بالبلد 450-550

بالخط 750-650 امشي 125

وبالنسبة لمكينة المونتيرو فهي ممتازة طوروها صارت 3.0 بقوة ال3.8 بدون تيربو

مريت الوكاله مافي تجربه 
بالفعل طوروها كثير 
حتى مرتبتها الاخيرة احلى من مرتبة الباجيرو القبيحة
ننتظر نزول سعرها دون ال 100 الف ونقرر بعد كذا الشراء

دون ال100 مستحيل يا رجل 

الباجيرو العادي الي ب95 هو الخليجي وكان سعره 105

هذا الحين سعره 111 اشوف ان مستحيل ينزل عن ال100

تفائل بالخير ان شاء الله بينقص 

المونتيرو رائع بس خلفيته تقال غنم سودانيه أنا اشوف الاوتلاندر أفضل بس عيب الاوتلاندر التكيف فقط قدام 

المانتيرو ممتاز جدآ اناجربته كان معي
عيبه الوحيد مقعده السواق ضيقه مره مو مريحه