باجيرو 2016

لانه هذا سعره الحقيقي 

والسيارات الاخرى مبالغه باسعارها 

اللي بالمبلغ اللي ذكرته هذا السياحي لا فتحه ولا جنوط ١٨ ولا مكينه كبيره ودفلوك 
الفل الكامل الاماراتي بدون شاشه ب ٩٦ ، اللي بشاشه وعلامات ذهبيه وهوك خلفي ب ١٠٤ تقريبا 

السيارة تصميمها ومواصفاتها قديمه ماهي حديثه ولا تغيرت من سنين هذا سبب نزول السعر 
بالنسبه لوجهه نظري فيه بعد استخدام سنه .. سيارة دفع رباعي صلبه وجباره وتشيل العايله بسعر كامري 
قطع الغيار سعرها معقول ماهي بالتهويل اللي يذكره البعض وصيانة الوكاله جيده ولكن عيبهم ياخذون اربع ساعات على الاقل صيانه دوريه
يعيبها القساوه .. وضعف المكينة والحنه .. وصوت الهواء .. وتصميم قبيح الى حد ما .. وارتفاع حرارة القير وقت التطعيس 
 ودلاخه نظام السيارة ، احيانا يعطيني منبه ربط الحزام حتى وانا موقف وساحب البريك.. احيانا يرفض يقترن بالجوال وانت برضه موقف وساحب البريك ومقفل القير على P
غير كذا سياره انصح باقتنائها

بعض النظر عن عيوبها موب كل الناس تخش بران !! كاستخدام وسفريات ممتازة ومن ناحية الهواء سق ال اف جي وانطرب من قوة التنسيم بالخط

انا عندي 2015 وزيها زي ال 2016
وخذها مني من 2003 نفس التصميم الداخلي
مجرد تغييرات في التصميم الخارجي
وماشاء الله عليها  . رساوة سرعة
سيارة قوية وخدومة وحق كرف
يعيبها عزل الهوا ضعيف
ويروح بزيادة صوت المسجله

أنصح باقتنائها

كيف سعر البيع بعد الاستخدام 

الاستاندر مكينة 3500 مهي مرغوبه في البيع
لكن افضل و اقوى من البرادو اربعةسلندر 2700
البرادو تشتريه فوق ال100 و تبيعه ب80 او 70
و الباجيرو تشتريه ب77 و تبيعه ب50
نفس الخسارة ان كنت بتستخدم ما عليك
اما تبيه فترة مؤقتة اشتري باجيرو مستعمل 3800 تحصل واجد نظيف
بسعر معقول عكس البرادو و الفورشنر

والله شف انا معي باجيرو 2016 واستخدمته في البر والمدينه ولا اروع شي يستحق الاقتناء ولاصوت مكينه ولاشي زيه زي اي سياره وانا قبله كان معي فورد 2007 ولاحسيت بفرق كبير لا في الاصوات ولا شي وبها السعر ماراح تحصل الا كامري ستاندر والحياة فرص واشتر ولاتشاور لان لو بتشاور الناس اذواق وكلن يبي الشي اللي على ذوقه توكل على الله 

ومعرض عماد الدين بالرياض حي النسيم يبيعه ب 76 

اللي احسه فيه هو التبريد اقل من مكيف الفورد هذا اللي فرق معي فقط ومع ذالك مستوى تبريده كويس ما شاء الله 

سيارة ما يعيبها إلا قطعها الاستهلاكية غالية الكرونة سعرها قارب أحد عشر ألف !!!إما قطعها الاستهلاكية معقول سعرها

تصحيح / قطعها غير الاستهلاكية

الافضل تاخذه ايجار عشان التأمين الشامل القطع الخارجية مغليها العيسائي
و الا وكلاء ال
كويت و الامارات يوفرونها بسعر معقول
عند العيسائي :
طقم قماشات امامي و خلفي 500 مكينة 3500
فلتر الزيت 50
كل 40 الف كم تغيير زيت القير يكلف 750 بالوكالة
أهم شي تغيير سير التايمن كل 100 الف اظن يكلف 1000 او حوله
مع البواجي قيمتها 160 ريال 
و عيبه صرفية البنزين مع السرعة يمشيك 400 كم على 160 و يفصل على 180
و اذا تمشي 120 الى 140 يعطيك التانكي 50 الى 100 كم زيادة

جدا عاجبني هل الجيب وسعره طيب

ومكينه كبيره ويباني مقارنه بالفورشنر الباجيرو جدا تفوق بالسعر والشكل وكقوه مايحتاج

خذه وتوكل على الله 
يكفيك انه ياباني

سيارة لا غبار عليها 

ومافيه سيارة تخلا من العيوب. وعيوب الباجيرو بسيطة 
مقابل خدمته وتحمله

وين العوض هذا واتمنى تتواصلو معي الي يعرف عروض لها او احد عنده سيارة مثلها 0551387550