لمبة الدبل تأشر ومانع الانزلاق ؟

شيك على البطارية اتوقع فيها ضعف ويمكن بقي كم اسبوع وتودع البطارية واتوقع سيارتك لاند تويوتا والله اعلم مع تحيات اخوك/ ماكسيما 2008

ونسيت اقولك شيك على اسلاك البطارية يمكن عليها كربون ونظفها كويس واذا بغيت تغير البطارية فغير البطارية والسيارة شغالة علشان ماتصير عليك مشاكل بالبرمجة وروح الحين افحص البطارية ورد لنا خبر علشان اعطيك الاحتمالات الاخرى لاني بابدأ بالاسهل فالاسهل علشان مااخسرك

تسلم يالغالي وقالوا لي اول ان المشكلة البطاريه وغيرتها ولا زان للأسف والسيارة ( ميتسوبيشي جيب ناتيفا ) موديل ٢٠٠٨ وشكرا على ردك اخي وودي لو احد يعرف كهربائي كويس في الدبل في مدينة الرياض

طيب كيف الاقمشة واتوقع ان هالمشكلة حصلت لك بعد ماشبكت الدبل والله اعلم وكيف مستوى زيت الفرامل وهل ضربت رصيف او شي وولعت بسببه يعني بالعربي اشرح لنا كيف صارت معك المشكلة يمكن تكون ماتحتاج كهربائي وبيجون الاعضاء ويفيدونك اذا ماقدرت افيدك

وعليكم السلام

 انا ولعت عندي لمبتين (abs و الانزلاق slip)  سويت كشف كمبيوتر طلع عندي حساس (كام شافت ) مضروب

فانا انصحك تشيك سيارتك بالكمبيوتر وبطلعلك المشكلة ان شاء الله 

تحياتي

هذي صارت معي وفحصت عند الوكاله وطلع حساسات الدبل خربانه وعددها ٣ ، مع حساس مانع الانزلاق وبلف الهواء لمانع الانزلاق

وقيمة القطع كامله ب ١٢٠٠ عند الوكاله وشغل اليد ٧٠٠ تقريبا 

اخواني .
حصلت معي هذي المشكلة كم مرة والسيارة جديدة .
والحمد لله راحت والحل بسيط جدا ولا يحتاج كهربائي ولا وكالة
وهي كالتالي
لازم كل شهر تمشي 15 كيلوا بالسيارة والدبل الخفيف شغال .
والسبب علشان زيت الدبل يتحرك داخل الدبل .
الكلام هذا عن تجربة شخصية لي انا .
بعدها ما راح تولع لمبة الدبل .
اتمنى اني افدتكم في هذه المشكلة اللي سببت لي قلق ولكثير من الاخوان
تحياتي للجميع