استفسار بخصوص حماية الوجهيه

نصيحتي لك لا تركبها 

صاحبي عنده افالون 2012  مركب حمايه ونصحته قبلها وقالي عليها ضمان والحين صار لونها برتقالي وخربت البدي فنصيحه لك لا تركب اي استكرات على البويه وسلامتك

شف شركة معروفة بحماية الوجيهة 
وبخصوص تشقق الحماية بسبب عدم جودة العازل او اهمال تنظيف كل ثلاث شهور 

برقع يالحيبيب وانت مرتاح خله وقت السفريات حتى يحمي بعض احيان من الحكوك 

شف احد يسويه بشكل ممتاز واهم شي الاناره الاماميه تاكد من قوتها بعد ماتركب 

الله يجزاكم خير جميعا
طيب فى محل معين يفصل البرقع مظبوط فى الرياض
السياره ميتسوبيشى باجيرو

و عليكم السلام و رحمة الله و بركاته
كنصيحه 
فصل برقع للواجهة و المرايات 
و ظلل الجزاز الامامي و يفضل الخلفي من برى

البرقع يجمع الغبار و يكتم تبريد المكينة و غير عملي مع الغسيل
انا ركبت حماية على الباجيرو من سولار سستم بحدود 1700
عليها ضمان 10 سنوات و تلميع مجاني كل ست شهور
ما فضيت اروح اسوي لها تلميع لها اكثر من 7 شهور و لافي تشقق و لاشي
و انا امسك خط للدوام لكن لازم تتجدد مهو بتخليها 10 سنوات اكيد بعد الفك بتلاحظ تغيير اللون
لكنها ضرورية للي يسافر دايم و حتى وسط البلد تحمي الصدامات من الحكات 
ركب من محل معروف اللي اسعاره من 1000 و فوق 
في انواع رخيصة ب500 او اقل جودتها تعبانه

اما التظليل الغالي اللي يقال له نانو سيراميك او مثله انا ضده
ظللت امريكي نوع stc عازل كل الدرايش الجانبيه الست مع الشنطة ب350
سعره ممتاز و يعزل افضل من الكوري العادي 

انا ركبت حمايه للصدام والشمعات والاكتاف والمرايا والزجاج الامامي ب600 ريال ضمان سنه 
العازل صناعه امريكيه بس طبعا علي هالسعر اكيد ماهو احسن من 1600 من ناحية الجوده

عندك شركة جيوشيلد افضل الموجود بالسوق سعرهم غالي ركبته علي باجيرو
ب1800 والضمان مدي الحياة كل 6 اشهر تلميع للوجهية مجانا

بارك الله فيكم جميعا 
ماقصرتم
معليش أبو نجوى 
ماظبط السيستم أضيف لك تقييم لأنى عطيتك لايك على موضوعين ثانيين اليوم
ههههه

ابو ابراهيم صراحه خويك ذا ماعنده سالفه المفروض مايخليها اكثر من 4 شهور هي عليها ضمان 10 سنوات مفروض يروح لهم وهم يغيرونها يخليها سنين بعدين يجي يفكها اكيد بتخرب البويه 

أو ممكن العازل اللى ركبه عند الغرابى نوع رخيص
فعلا .. يا تركب عازل محترم .. 
أو تخليها بوية بلدها

ركب حماية شركة قوية وضمان 

والتضليل عليك بتضليل ضل ٥١ عن اخونا الفارس المميز عضويته 

حماية المقدمه على حسب الشركه انا مركبها على موتري لها سنتين كل ماشهبت لمعتهامجاناً عند الشركه ب ١٤٠٠ عليها ضمان ١٠ سنين والموتر لاندكروزر والقزازه اللي قدام مضللها شفاف ماهو زيرو زيرو شفاف مثل كيس النايلون ب ٥٠ ريال والبرقع احس خلاص انتهى وقته وضرره اكثر من نفعه لاتقول اركبه عند واحد مضبوط كانت معي كامري ١١ وكنت مفصلها برقع عند واحد كلن يمدحه واشغلني شغله بتركيبه عله وفكته عله ولازم يتحرك و يضرب بالبويه .




والمعذره على الاطاله

حبيبي الي تقلب لونها هذي الماني وصيني لكن الامريكي مايقلب انا جربت الاثنين على سيارتي وشفت فرق كبير بين ذا وذا الامريكي مايبين انك مركبه ويعطيك لمعان اكثر والألماني الا هو بعد الامريكي يبين من بعيد انك مركب 
بس ترا 1600 غالي انا ركبته عالباجيرو ع الصدام والشمعات والكشافات والليد والكبوت والرفارف والكتوف وأطراف البيبان الاربعه والفليشرات تبع المرايا كله ذا 900 ريال ضمان ثلاث سنوات

1650 تبع 3M 
فين مكانه أبو 900 لو سمحت
أخ علاوى229

في كيلو 2 محل اسمه فرست 

قبل الاشاره عند محل جونسون 

أنا فى الرياض
يلا جات فى العارضه
ههههه