أضف سؤال أو موضوع جديد          

ارتقاع حرارة ونيت ميتسوبيشي مع زيادة السرعة

up 1 down 7
النهراني 271
قبل 8 سنه و 6 شهر



السلام عليكم ورحمة الله وبركاته 

يا اخوان لدي استفسار عن زيادة حرارة سيارتي من نوع ميتسوبيشي ونيت موديل 2006 مع تشغيل المكيف 

والزيادة في السرعة بحيث ترتفع تدريجياً مع وصول السرعة إلى 160 وتكون بين الربع والنصف وأقرب 

للنصف ، طبعاً كانت من أول ترتفع مع الوقوف وتشغيل المكيف عند الوقوف لمدة طويلة لكن قمت بتسييخ 

الرديتر وما عاد ترتفع مع الوقوف لكن مع زيادة السرعة ترتفع وإذا خفضت السرعة تنخفض تدريجياً .

هل ترون أن الارتفاع طبيعي أو يوجد مشكلة معينة ؟ 

وهذه صورة لمؤشر الحرارة مع الارتفاع وممكن يرتفع أكثر . 

لدى سؤال آخر يا اخوان 

أنا موظف حكومي وخدمتي حوالي 25 سنة وأنا حسبت بعد سنتين من الآن إذا أمد الله في العمر وطلبت تقاعد 

مبكر يصفى لي راتب فوق عشرة آلاف ، فهل تنصحوني بالتقاعد أو اواصل العمل ، ولكم جزيل الشكر . 








إبلاغ إبلاغ



الردود


الحرارة اشوفها طبيعية مادام ماترتفع فوق النص
بالنسبة لاستفسارك الثاني يفيدوك الاعضاء 


up 2 down 2
أبووووعلي 609
قبل 8 سنه و 6 شهر



الحرارة ان شاءالله طبيعية
بالنسبة للتقاعد اشوف انك تواصل 
عندنا واحد فني شايب خدمته 33 سنه 
تكلمت معه اليوم قلت ياشيخ ليش ماتطلب تقاعد شيبت يابن الحلال وراتبك طيب
قالي اتقاعد وش اسوي في البيت 
العمل طيب وتعودت ولا الفلوس عندي خير 
ودام باقي فيني شدة ابكمل 
فانت يالغالي اذا فيك شدة وتحب العمل واصل والله يقويك ويعطيك العافية


up 5 down 2
الرفاعي33 13917
قبل 8 سنه و 6 شهر



اول شي تشيك عليه غطاء الرديتر
حتى و ان كنت ما لاخظت عليه شي
من داخل يكون شي منكسر او يكون قديم
قد صارت لي مع ناتيفا 07 مشيت عليه 160 نص ساعة
و احس تبريد المكيف قلب حار الا امبير الحرارة ثلاث ارباع
و اهدي و اشوف ماء يخر طفيته يبرد بعدين عبيت ماء
وصلت و رحت للوكالة اخذت غطاء رديتر ب50 ركبته و الحمدلله ما عاد ترتفع الحرارة
مع السرعة و انا مشغل المكيف لمسافة 200 كم للدوام حتى بعته


up 1 down 2
أبو نجوى 2442
قبل 8 سنه و 6 شهر



ما شاء الله الله يطيل بعمرك على الخير.
ان كان فيك حيل على الدوام ما انصحك تتقاعد
والله ان 10 آلاف بالهوقت صعبه
الدنيا كل مالها تغلى والتجار مايرحمون.
و 10 آلاف مستقبلا ماتغطي مصروف الشهري
وكل مكابرو الابناء كل ماكثرت رغباتهم وطلباتهم.


up 1 down 1
ثامـر 211 156
قبل 8 سنه و 6 شهر



إذا عندك راس مال و في خاطرك مشروع و تشوفه مربح تقاعد مبكر 

أما لو ما في خاطرك تسوي أي شيء فأنصحك تكمل العمل و الحركه بركه زي ما يقولون 


up 1 down 1
legaacy -315
قبل 8 سنه و 6 شهر



دام يصفى لك فوق العشره الاف 
مانصحك بالتقاعد استمر على مانت عليه الجلسه حتتعبك
وراتب التقاعد ماحيفيد الدنيا كل مالها تغلى والوضع كل مالو يضيق
استمر بشغلك الشغل حيشغلك ويضيع وقتك بطريقة تبسطك
بكره لاتقاعدت حتمل من الجلسه وتكره نفسك 


up 1 down 1
احمد شريف 3175
قبل 8 سنه و 6 شهر



بخصوص الحراره اتوقع من الغطاء 
واذا انك ملحم الكلتش حق المروحه حيسبب هالحراره 
لانو مع السرعه الكلتش ماحيفصل
وترا السيارات الدفع الخلفي مع السرعه تترتفع حرارتها تنضغط المكينه


up 1 down 1
احمد شريف 3175
قبل 8 سنه و 6 شهر



دام الحرارة تحت النص يعني مافيه خطر.. لكن هي المفترض تكون ثابته ماتتغير
انا اتوقع والعلم عند الله مشكلتك من بلف الحرارة تأكد منه

وبالنسبة للعمل انصحك تواصل في العمل


up 1 down 1
mohammed-66 111
قبل 8 سنه و 6 شهر



التقاعد زين امكن عمرك اللي بقاء وتزوج وجدد عمرك وانبسط
دنيا قصيرة والرزق على الله
وباالنسبه للحرارة
اتوقع انه اوتوماتيك المروحة مع السرعة مايدور
وطريقة فحصة فر المروحة بيدك والموتر طافي اذا هو بسرعةً
يفتر معناتوه عطلان
وغير بعد غطا الااديتر
وباالتوفيق


up 2 down 2
باترول 2020 2623
قبل 8 سنه و 6 شهر



اما السياره.. 
اعتقد فيه مشكله بطرمبه الماء.. 
والتقاعد.. 
الافضل قبلها تشتغل في التجاره. وثم تتقاعد 


up 0 down 1
القرناس591 -19
قبل 8 سنه و 6 شهر



بالنسبه للسؤال الثاني  
اذ انت حياتك مافيها ديون ولامشاكل  تقاعد وارتاح 

العمر مره وحده ويروح  وانت تموت والشغل مايموت 

والله يوفقك يارب


up 0 down 2
ابواحمد2090 1523
قبل 8 سنه و 6 شهر



عندي صوت مثل احتكاك المروح من سرعه ٤٠ ويزيد مع السرعه



up 0 down 0
صالح ابو ريتاج
قبل 4 سنه و 4 شهر