رايكم في الباجيرو الجديد يا وجيه الخير؟

اذا ميزانيتك محدوده اشتره خصوصا ان الجديد الان اسعاره نازله اما لوميزانيتك تسمح شوف غيره من فئة الجيوب وخصوصا الي تطربك

يالغالي راجع موضوعي تحت انا ناوي اشريه واستشرت الاخوان وماقصروا .. 

في فئة جديدة حصلتها عند معرض العمر
استاندر مكينه 3500
 يجي فيه شاشة ملاحة و جنوط الفل مقاس 17
بدون جناح و لا مثبت سرعة
ب80 الف بدون النقل و التأمين

ابو مشاري الله يعطيك العافية بسألك عن السيارة
بالقومة ومع الخط كيف عزمها

حررراارررته ترتفع فوق النص مع الوقفة الطويلة عند الإشارات 

وزحمة الخط،، اكتب في البحث حق المنتدى حرارة الباجيرو 

وبتطلع مواضيع عن أعضاء اشتكو من الشي هذا..

يا مشكله الحرارة هذي اللي واحد نزل موضوع عنها
و سحب ما رد وش صار عليه مدري وش وضعه

السيارة معي لها شهرين و الحرارة ثابته على النص
خليجي وارد الامارات مكينه 3500

والله يابو نجوى هي الدعوة ماهي شغلة بسيطة عشان نقوله توكل على الله وخذه

سيارة موديل السنة وجديدة وماتمشي عليها كم الف كيلو الا حرارتها فوق النص 

حتى لو كانت في بضع سيارات هذي شغلة اساسية في السيارة 

واجزم لو انت في مكانه قبل تاخذ سيارتك وسمعت فيها مثل هذا العيب ماراح تشتريها

خلنا نكون واقعيين شوي

والرجال طلب المشورة والرأي وانا أعطيته الرأي باللي سمعته من اصحاب السيارات نفسها

ماجبت الكلام من عندي 

وانت الله يبارك لك في موترك ويطعمك خيره ويكفيك شره،، 

وبالتوفيق 

جربت ابو مكينة 3.5
بصراحه احس العزم ماهو بذاك الزود 
لذلك ينفع لواحد استخدامه للتضاريس خفيف 

الموتر معاي المكينة الكبيرة 
العزم جدا معقول وتجاوب السيارة سريع مع الدعسة 
مشكلته السامري اللي تسمعه من الديكور ... تسمع قربعة الاستبنه وعطعطه من الثلاجه 
والمقاعد الجلد تشكشك وتحك ببعضها وتعطيك من هالطرب 

بالنسبه للراحه والقساوه جدا معقول اذا،ما اخذت بالاعتبار انه سيارة دفع رباعي مخصصه للبر 

المواصفات لا تسأل فيها زي الهايلكس لو حط لك فيه بيبان شفط يظل هايلكس 
الباجيرو نفس الهرجه سيارة للكرف ماهي سيارة رفاهيه كل اللي بيفرق معاك مواصفات لا تذكر 
زينون ، فتحه سقف ، مقاعد جلد ، مثبت سرعة اغلبها كلام فاضي غير مهم 
المهم المكينه كبيرة 

انا اللي معي شريته من الامارات طلع علي مع السكن و ال تذاكر اغلى من اللي هنا 
وبس 

اعتقد 2017 الشكل بيختلف

احسنتم وفقكم الله لكل خير ماقصرتون الله يجزاكم خير

قومته ثقيلة لكن في الخط اذا دعست له يتجاوب ويمشي معك بعزم حلو 
مكيف فريزر صرفيه بنزين عالية عزل ارضي مش ولابد راحة متوسطة كجيب انظمه امان عالية من ناحية مانع الانزلاق ومانع التأرجح وايرباقات كاملة
انظمة الامان هذي ممكن تزعجك في البر اذا انت راعي سرعه ومراقى لكن تقدر تفصلها
السيارة تقربع شوي على الحفر والمطبات لكن تحسها متماسكة عادي القطع الاستهلاكية اسعارها عادي جدا وتعمر 

خذ العلم من واحد جرب الباجيرو ٨ سنوات موديل ٢٠١١

السيارة رائعة من جميع النواحي عزم وعزل وقوة ومواصفات وياباني مائة بالمائة وبسعر أخو البلاش

أمل موضوع الحرارة فما اشتكيت منه طيلت هالسنوات إلا في مواقف معدودة مثل زحمة وصيف ودرجة حرارة فوق ٥٠ وهذا طبيعي الحرارة ترتفع فوق النصف بشوي وبمجرد ما تفك الزحمة ترجغ وهذا طبيعي جدا حتى في السيارة الألمانية نفس الكلام الحرارة ترتفع في الزحنات والطلعات باختصار الباجيرو نظامه مثل الألماني يعطيك الحرارة الصحيحة للمحرك وترى الحرارة تعتبر طبيعية طالما ما وصلت H

وسلامتكم

الزين مايكمل...