تجربتي مع برميل زيت قلف 200 لتر

15 3

لايمكنك التصويت حتى الحصول على 20 نقطة على الأقل
إضغط هنا للإخفاء

ياسرالعلي 167
قبل 8 سنه و 7 شهر

السلام عليكم 


حياكم الله جميعا 

اخوكم يحب يجرب ويتفلسف دايم  (- * -)

المهم جت على بالي فكرة اني اشتري برميل زيت 20/50 واقسمه في جراكل صغار كل جركل 50 لتر 

بعد ماحسبتها طلع قيمة اللتر اللي هو علبة الزيت 6.5   ستة ريال ونص 

قيمة جدا مناسبة 

لكن بعد التجربة تغيرت نظرتي 

طبعا معي جيب باجيرو 2015 الزيت اللي اغيره في الوكالة 20/50 ومن شريته احس السيارة ثقييييييلة جدا 

لدرجة اني فكرت ابيعا لاني احب السيارة اللي نفسها خفيفة 

وغيرت من زيت البرميل ونفس الشي السيارة صارت اثقل مع صوت خفيف عند الدعسة 

ايه عاد قلت لازم اشوف حل للموضوع 

رحت وشريت زيت 5/30   طبعا العلبة خذتها من الصناعية ب 22 ريال وعند البناشر كثير منكم يعرف انها ب 45 اقل شي
 المهم يالله من فضلك والله واحس ان الجيب صار بورش ماشاء الله 

وراح صوت المكينة وتغيرت نظرتي للسيارة كثير 

نطلع من الموضوع بعدة نتائج 
1- لزوجة الزيت تفرررررق بشكل كبيييير في اداء المحرك 

2- 20/50 اشوف انه غير مناسب للسيارات الجديدة لان المكينة المنيوم والطرمبة فايبر 

3- بجرب زيت البرميل على الكامري عندي واعطيكم النتيجة 


الخلاصة   


نصيحة للي عنده باجيرو من الشكل الجديد غير زيت 5/30  والله راح تدعي لي ان شاء الله 

الزيت اللي شريته بترومين A1


وعذرا ع الاطالة 

إبلاغ

الردود