أضف سؤال أو موضوع جديد          

استفسار عن باجيروا 2016 - موضوع لايخص المتعصبين

up 3 down 2
a v a l o n 2181
قبل 4 سنه



السلام عليكم 

يعطيكم العافيه جميعا 

اخوي فكر يشتري باجيروا 2016  لعدة اسباب 

مواصفات + قوة + اكسسوارات = بسعر مناسب جدا 

يعني مكينه 3.8 فل كامل ب 125 الف وحصلنا وارد الحبتور 
نفس الفئه ب 107 

ممكن احد يفيدنا عن اختلاف المواصفات للباجيرو ٣،٨فل كامل 
بالنسبه للوكيل السعودي 
او الاماراتي الحبتو 
او البريمي العماني
الفرق بالمواصفات ؟؟؟؟


وبشكل عام كيف الموتر 
وشكرا لكم 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحبتور يزيد عن السعودي رشاش الأنوار الأمامية و النظام الصوتي روك فورد 
لكن ينقصه شاشة الملاحة و العلامات المذهبة 
العماني يجمع بين مواصفات الاثنين السعودي و الحبتور 
هذا اللي أعرف و الله أعلم


up 1 down 1
أبو راشد 33 963
قبل 4 سنه



السعودي شاشه مذهب سماعات اقل ذهبي


up 1 down 0
als7aimy 1171
قبل 4 سنه



الحبتور ١٢ سماعه رشاشات امامية ..... العماني ١٢ سماعه رشاشات اماميه ذهبي
انا اللي معي حبتور


up 1 down 1
als7aimy 1171
قبل 4 سنه



,اذا انت من راعين شيك بالجيب وخر عنه
واذا لا انت انسان عقلاني تختار السيارة حسب الي تقدمة لك والعملانية لجانب السيفتي فجرب يمكن المنافسين افضل منه

عموما انتشاره واسع عند اخواننا الاماراتين واعتقد ماختاروه عبث مثل ماخترنا حنا الهايلوكس على الجمس


up 5 down 1



شف ياحبيبي انا ماجربته 

لكن كنت محتار بينه وبين الفورتشنر..وطبعا للان ماشريت ..لاني انتظر فورتشنر 2016

لكن من خلال بحثي المكثف جدل...بعطيك نقاط ابحث عنها

اولا:السعر متقارب جدا مع الفورتشنر..لكن الباجيرو يطيح سعره بسرعه

ثانيا:عزله الارضي سيئ...

:ثالثا:مكيفه ليس بالكفائه العالية

رابعا:قطع الغيار اغلى..لكن يقولون عمرها اطول.

خامسا:الشكل..والناس اذواق....لكن خلفيته لك عليها..

سادسا:البنزين يصرف..واصلا موجود الان ع كل السيارات من وزارة التجارة صرفية البنزين هل هي ممتاز ولا جيد وهكدا

الباجيروا مكتوب عليه سيئ

سابعا:وهو الي خلاني افكر فيه..الراحة..لكن طلع مطبه قاسي مثل الفورتشنر.

ثامنا:من وجهة نظري سلبية..وهي زاوية الدخول..الي هو الصدام الامامي نازل...وتعرف جيب وبر بكرة...شوي بيضايقك

تعبت....ولكن هذي كلها من خلال قرائتي وتجارب الناس..وانارسيت ع فورتشنر...

لكن التجربة خير برهان...استأجر السيارة

وبالتوفيق




بالنسبة لسعر...انت شككتني كاتب 125 وانا اذكره ب105

هذي من صالح الباجيروا...لكن مكينته 3.8..والفورتشنر..4000

والفورتشنر الشكل الجديد صراحة خراااافي....

معليش مقارنتي مع الفورتشنر...لاني ناويه.

لكن شوف ردود الاخوان...ممكن فيه اشياء غايبه عني.

وصراحة الي ودي فيه..
باترووول فتك...الشكل القديم..ينزل للان..

لان الباترول مريييييح جدا...

بس مشكلتي عزوبي والباترول بحر ماشاء الله في الكبر


يالمسلم الباجيرو ارسى و اريح من الفوررشنر و اكثر مواصفات
مكينة 3500 افضل من الفورشنر GX مكينة 2700
 و بسعره ب95 فل كامل و استاندر اقل من 80
اقوى مكينه نمر القير و اكثر مواصفات سلامه و راحة
بالنسبة للصرفيه مع السرعة على 160 يمشيك 400 كم التانكي
مدري كيف صرفية الفورشنر لكن الفرق ممكن بسيط

لكن الاخ يسأل عن مكينة 3.8 تقارنه بالبرادو
و انا ما جربت الاثنين لكن البرادو يتفوق
لكنه اغلى لفئة الفل بقيمة سكويا و اكسبدشن و باترول SE 


up 5 down 0
أبو نجوى 2446
قبل 4 سنه



الله يعطيكم العافيه 

وبالنسبه للسعر مكتوب عليه 125 الف 

وبخصوص استكر صرفية البنزين كل السيارات ال 6 و ال8 سلندر 
مكتوب عليه سيئ

طيب هل في احتمال 2017 يتعير الشكل ؟


up 1 down 0
a v a l o n 2181
قبل 4 سنه



الله يعافيك
ممكن يتغير 17 او 18 ممكن يتوقف 
لاني قريت خبر ان مستوبيشي متجهة مستقبلا"
لجيوب الكروس اوفر دفع رباعي مستمر
و الاكتفاء بباجيرو سبورت و الحوض L200
لفئة الدفع الرباعي دفع خلفي دبل خفيف و ثقيل 


up 0 down 2
أبو نجوى 2446
قبل 4 سنه



لايغركم حجم المكينه 

الا اف جي مكينه 4.0 واحصنته فحدود 265 
الفورشنر مكينه 4.0 واحصنته 235 

المكينه نفسها لكن شغل برمجة وتعديلات 
لذلك مافي فرق كبير بين مكينة الباجيرو 3.8 والفورشنر 4.0 

وبصراحه بالنسبه لي بعد تجربة للباجيرو 
اشوف الربع 3.8 هو افضل شي 

بخصوص الباجيرو هو اريح وارسى لانه تعليقه الخلفي مقصات 

لكن تاكد من شغله
بعد البحث عن الباجيرو وجدت انه البعض يعاني من مسرحية كفرات خلفية بسبب انه وقت التحميل لو تلاحظ من ورا الكفرات مثل المرسيدس فاشخه من ورا وابحث وتأكد منها حسب ماقريت

بخصوص الفروق اعتقد كلها اكسسوارات 


اول مره اشوف شخص يقيس قوة المكينة بحجمها يا اخي فيها سيارات 2.0 تنافس سيارات 6.0 بالقوه والتسارع


يالمسلم الباجيرو من فئة البرادو
الباجيرو سبورت من فئة الفورشنر


up 3 down 0
mfh2009 313
قبل 4 سنه



انصحك تشوف الفورشنر الجديد 
تعدل شكلا ومضموناً .. بينزل قريب جدا 


up 1 down 2
al_orainy 57
قبل 4 سنه



فيه تجربه قياده في الوكالات مجانا ساعه ساعتين تجربه 
ليش تخسر وتستأجر 


up 0 down 0
aburakan9479 154
قبل 4 سنه



والله يا طويل العمر انا قد جربت فورشنر والان انا شريت باجيرو ١٥ استاندر 

والله الباجيرو اريح واسع من الفورشنر وعندي مواصفات الباجيرو افضل مع اني استاندر 

والله ان الباجيرو مضلوم. اني سقته وسافرت عليه والله تحس بالصناعه اليبانيه صح والله ما شاء الله موتر يطرب 

ولا اخذته بسعر ٧٦  والله بلاش ارخص من السوناتا وجيب ودبل واعبيه بنزين ٩١ فل ٣٢ ريال. وش تبغا بعد والله انه موتر يجمل 


up 5 down 0
mooom700 363
قبل 4 سنه



وثاني شي صل صلاه استخاره قبل كل شي وفالك التوفيق 


up 1 down 0
mooom700 363
قبل 4 سنه