استفسار عن ميتسوبيشي لانسر 2015

القطع بالعيسائي غاليه

بوكلاء الخليج ارخص

بالصناعيه القديمه ارخص بكثيييير

انحش عن المستوبيشي ويرزقك الله 
1_قطع الغيار غاليه وبالذات قطع البدي
2_لازم كل 100الف تغير سير التيمن
3_ كثيرة العطل وبالذات في الكهربا
4_ شكل اقرب ماله سيارات التسعينات

يا خالد كلامك غير صحيح 100%

اول شي كل السيارات لازم تغير السير عال100 الف بما فيها هونداي 

ثاني شي ميتسوبيشي تستعملها 8 سنوات بدون اي مشكلة

ثالث شي حتى لو الشكل قديم عالاقل امان ورساوة موب شكل توب وفالاخر الصدام ينشق بالسفر

رابع شي القطع غاليه بالعيسائي فقط

معالم 
وش رايك بالجالنت 

لا تصدق الي يقلك انحش 
اذا انت مقتنع فيها توكل على الله

معاد هي زي اول  لو تروح الصناعية القديمة بتلقى درجات 

وصدقني حتى لو قالو غالية   تغير القطع وتنساها بمعنى الكلمة  

كان مع الوالد لانسر 2004  وباعها ب 2009   مشاها 456 الف كيلو بدون مايوضب او مشكلة كبيرة  كل الي كان غير بسبب الحوادث والاشياء الاستهلاكية مثل السير على كل 150 الف كيلو  وصدقني متسوبيشي مظلومة هنا  ولا هي  سيارة قوية وعملية واقتصادية وتصلح لكل شي

يامعالم والله كنت بمحل تاجير شغال وعندنا يجي لهن فوق 30
سياره كلها لانسر يامعالم لايعميك التعصب لسياره والرجال اشار 
ومن استشار دخل بالذمه بغيتو تضيعوني واخذ باجيرو بسبب
تعصبكم لين دخلت قروب وغرفت مشاكل خطيره لسياره اولها الحراره

يا خالد اقسم بالله اني غير متعصب

واقسم بالله ان المشاكل الي ذكرتها غير موجودة

انا اعرف اللانسر سواءا اجار او امتلاك مدري وش اللانسر الي انت طحت فيها

لكن العادية او ex شفها بالموقع كلها ماشية 300 الف وفوق

يا ليجاسي والله السيارة في زمنها حلوة بس وقفت ب2011

والصراحه الي جربوها يمدحوها انا ما جربتها

لكن لما كنت بشتري سيارة ثانيه فكرت فيها وما ارتحت لها

اول شي النظيف غير موجود بالسوق كله مكدود ثاني شي السيارة مافيها مواصفات

وبتتعب بقطعها لانها موقفه

لحظة لحظة كيف الباجيرو فيه حرارة!!!!!

اقسم بالله السيارة معي من 2011 وامسك عليها خطوط ولا مره ارتفعت!!!

لا تكون تتكلم عن الناتيفا ولا الباجيرو سبورت

ياموسى انا اتكلم عن يجي 30 سياره لانسر موديلات 2005 و2006 كانت 
موجوده بالمكتب الي انا شغال فيه طبعا الكلام ذا عام 2007 
وبالنسبه للباجيرو نعم فيه حراره ولاكن ماهو بالخطوط بالزحمه
والتوقف اثناء الزحمه والكلام ذا بالباجيرو 2015 طبعا بتقول الكلام ذا بالسيارات 
كلها لاكن هذا غير صحيح انا كان معي النترا والان معي فورشنر ولاعمر الحراره 
ارتفعت بالزحمه وفيه شي ثاني وهو اكثر شي يتخوف منه الي 
بيشتري ميستوبيشي وبالذات الباجيرو الورشات الي تتعامل معه
نادره جدا اذكر لي ورش غير ورشة يافع الي بالصناعيه القديمه
ولك مني جزيل التحيه والاختلاف بالراي لايفسد للود قضيه

حياك الله اخوي انا بفيدك على اسعار قطع الغيار  
بس ابي اعرف اي نوع تتكلم عنه  فيه نوعين  لانسر الشكل القديم وفيه لانسر EX  

كان معي لانسر 2005 مكينة 1300 سي سي جلست معايا 11 سنة ولساتها شغالة بس العزم ضعف شويا دايما امشي عليها 160 او 180 وفي الخطوط 220
وعايشة لحد الأن ماشاء الله تبارك الله وصدمت فيها رصيف قبل سنتين على سرعه 80 خربت كل العضلات الأمامية عكوس مساعدات مقصات
كل هذا انكسر وكراسي مكينة  كلفتني 3000 قطع تجارية كلها تيواني  وشغل اليد 1000 ريال طلعت علي ب 4000
انا عن تجربة كنت مهمل جدا في تغير الزيت والفلاتر والقطع اللى المفروض تتغير ماعمري ركبت فلتر هواء ولا فلتر مكيف والزيت اغيرة كل 10 الاف كيلو
واحيانا امشية والحرارة مرتفعه السيارة بغض النظر عن مواصفاتها الزبالة بس انا اضمنلك انها تعيش معاك أكثر من 10 سنوات
لكن بحذرك عن شئ أنتبة تاخذ قير تماتيك اللى نظامة ctv وهذا النظام القير على نمرة وحدة ما يبدل
الأفضل تاخذ جير عادي لأنه ما يفصل والجير العادي يعيش معاك اكثر من التماتيك

ألأسعار هاذي لموديل 2003 الي 2016 الشكل القديم كلها تجيك نفس الشكل وليس شكل ex
اسطب خلفي وكالة ب 800
اسطب امامي وكالة ب 800
كبوت وكالة ب 2000
صوفة صدر امامية للمكينة ب 20
صوفة خلفية للمكينة ب 40 
عكوس يمين ويسار كاملة ب 4000 
صحن كلتش 430 ريال ويركب عليها حق الألنترا كمان سعرة 270
كرسي جير بوكس 430 ريال
البواجي الأربعه ب 75 ريال
عكس تجاري ب 300 ريال
اقمشة درجة اولى لونها اخضر وكالة ب 430 للكفرات الأمامية
اقمشة درجة ثانية لونها اسود وكالة ب 250 للكفرات الأمامية
اقمشة أمامي تجاري صيني ب 60 ريال
كرس مكينة اللى فوق ب 150 ريال
كرسي مكينة خلفي ب 250
كرسي مكينة اللى تحت الاديتر 220
المقصات والمساعدات الواحد ب 400 وعليها
اسطب تجاري تيواني امامي او خلفي الواحد ب 150 ريال
صدام امامي اوخلفي تايواني تجاري الواحد ب 215
الهوب الواحد وكالة ب 1100
كومبرسر وكالة ب 4000 شامل البكرة وكل شئ
البكرة وكويل وكلتش الكومبرسر الطقم يجي كامل ب 1100
مسمار عامود التوازن تيواني ب 10 ريال للواحد للجهة اليمين او اليسار
البطانة السوداء اللى من جوا بين الصدام والرفارف الأمامية ب 500
طرمبة الزيت ب 450
رمان كفر ب 190 تيواني سواء جهه يمين او يسار
سيفون الزيت ب 20
الزيت اللى انا احطة زيت قلف العلبة ب 14 ريال
موية لاديتر الاصلية ب 150 من متسوبيشي
بنزينها الفل 91 ب 17 ريال

اللي كرهني في السيارة موصفاتها الزفت وقطع غيارة الغالية كلها بسبب الوكيل العيسائي خدماته لقطع الغيار سيئة جدا

قبل اللانسر كان معايا جمس دينالي قصير 2003 وبعد الدينالي ألتيما 2005 جير عادي مشكلتها الكهرباء وبعتها
الان طلعت ألنترا 2015 جير عادي الدفعه الأخيرة وكيلها الناغي وخدماته كويسة وقطع غيار رخيصة

كلامك صحيح بخصوص اللانسر 2006 كان فيها عيوب فالكمبيوتر ويسبب مشاكل لكن اتوقع من2009 عدلوها موب متأكد من اي موديل تعدلت لكن المشكلة هاذي منتهية 

بالنسبة لورش الباجيرو في كثير بس قليل الي يعرفهم والمشهور ثنتين الي هم يافع والسهاله حقت محمد العيسائي بعد بالصناعية القديمه

بالنسبة للحرارة بالباجيرو وين مصدرك ؟؟؟

السيارة عندي وامسك خطوط وانزل للرياض في عز الزحمات وفي عز الظهر ولا ترتفع الحراره شف خويك هذا يمكن سيارته فيها عيب ولا موب مشيك عالمويا

وللعلم يا خالد ترا مافي شي اسمه سيارة فيها حرارة 

فيها حرارة يعني فيها مشكلة موب شي طبيعي ترتفع الحرارة

تعرف اللومينا ؟؟؟؟ اتحدى اذا سألت احد وما قالك ابعد عنها حرارة ومشاكل

تعرف ان اللومينا عندي وكان فيها حرارة ؟؟ تعرف اني بمجرد ما عبيت موية رديتر اصلية وسويت تنسيم اختفت الحرارة!!

الحين ادعس اوقف اروح زحمات والمكيف شغال فالليل وفالظهر ولا ترتفع 

وهي لومينا!!!

يا خالد شف الموضوع بالمنتدى واحد كاتب حرارة باجيرو 2015

كما يبدو من جد طلع فيها حرارة لكنه يقول حقته وحقت اخوياه وارد الحبتور

ممكن العيسائي مافيه

لكن اقسم بالله سيارتي 2011 مافيها انت جلست تقول التعصب اعماك والذمه ومدري ايش انا عطيتك الي عندي سيارتي مافيها شي

2015 مدري وش البلا الي فيها لو شكل جديد كان قلنا عشان اول دفعه بس هذا فيس لفت

ياليت تشوف احد معه 2015 عيسائي وتسأله ونبغى معلومات اكثر

الي ترتفع حرارتها وش مكينته؟؟

السلام عليكم ..
طقم اصلاح القير كم يسوى لانسر ex 2008

ياجماعة الخير افيدوني أمامي سيارة ميتسوبيشي لانسر اوتوماتيك 2011 . الارباق مش موجود
صاحبها طالب فيها 10000 ريال وماشية 120.000 كيلو متر .
بدي أستخدمها كم يكون السعر لها؟ سواء كانت ماكينة 1600 او 1300