ناتيفيا مستوبيشي

موتر صبور وجبار يكفيك سيارات ساهر لعنه الله كلها ناتيفا اول ودايم شغالة 

و عليكم السلام و الرحمة

لوسط البلد لا بأس فيه و في صرفيته
و سعره طيب من 25 الى 30 النظيف
و اخر موديل نزل 2011

الحرارة ثابتة على النص طبيعية
ارتفعت حرارته مرة و غيرت غطا الرديتر ب50 و الحمدلله ضبط
مسك الخطوط حدك 140 عشان ما يصرف
و هو ما يوصل اكثر من كذا الا بالقوة
الموتر ثقيل و المكينه عزمها محدود حجم 3000
الدبل قوي يعجبك بالبر
 ما في تبريد خلفي فقط من قدام
لا بأس بتكييفه بالنهار و بالليل بارد جدا"
نظام التكييف يطلع صوت يفصل الكلتش و يرجع
تحس معك جيب قديم

انا معي واحد 2007 خليجي
اشتريته مستعمل قبل 8 شهور
كان ماشي 160 الف
الحمدلله ما صار عليه شي معي و لا احتجت صيانه
ممكن اسوي له تصفية مكينة ماشي الحين 194 الف

قطع الغيار الاستهلاكية لا بأس باسعارها
لكن ما ينفع معه الا الاصلي
قماشات امامي و خلفي 500
فلتر الزيت السيفون 50
بواجي 6 حبات 160
صفاية بنزين ممكن 300
المكينة فيها ثلاث سيور ب300 
سير المكيف يركب عليه حق تويوتا ب40
اغلى شي سير التايمن ب1000 لكن ما غيرته
قطع البودي غاليه تاخذ تجاري ما يفرق

تحياتي بالتوفيق