المخالفات الاعتباطية من المرور... كيف أشتكي ؟؟

21 11

لايمكنك التصويت حتى الحصول على 20 نقطة على الأقل
إضغط هنا للإخفاء

als7aimy 1176
قبل 8 سنه و 10 شهر

بسم والحمد لله والصلاة والسلام على رسول الله
والله يا أخوان أكلمكم وأنا مقهور
ربنا خلق الانسان وأكرمه عن باقي مخلوقاته كما قال في محكم تنزيله
"وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِمَّنْ خَلَقْنَا تَفْضِيلًا"

الا في بلدي للاسف البهايم والنياق والغنم أغلى وأكرم من الآدمي
من نعومة أظافرنا وطفولتنا ما يعلموننا الا بالضرب والعقاب وكأننا حيوانات لا نفهم ولا نعقل
والان كبرنا وبدأ يتسلل الشيب لرؤوسنا ولازلنا نعامل بنفس المعاملة !!!

سيارة مشتريها بحر مالي لا منه ولا فضل الا لله سبحانه 
خانقني الحزام بس رابطه علشان النظام
محرقتني الشمس وحرارة تميع الصخر ولاظللت ولا غيمت التزاما بالنظام
أوراقي سليمة وكل شيئ طبقا للنظام

وأطيح لك بتفتيش ويوقفك واحد ويطلبك أوراقك بنفس شينه ويزاغر بك كأنك ذابح أبوه
ليش مركب صدام ... قلت ياخي محافظه للسياره وزينه !!
ممنوع ويشخط القسيمه .. أأشر له على هايلكس عليه نفس الصدام أقوله ياخي نفس الصدام ذا 
يقولي هذا وكالة !!!
للدرجه هذي التنطع والتضييق على الخلق 
أفتح موقع المرور وأشيك على المخالفات المرورية 
قوانين عايمة ومطاطه يقدر يفصل لك قسيمه على تعليقه معطر الجو لو يبي !!

مو معقوله ياخي واحد يصرف نظام وهو مسطول ويجيب لك واحد جاهل يطبقه .. والكل يهز راسه وياكلها ويمشي
البهايم اللي تتعلم بالضرب والعقاب مو البشر ... أكتب تركيب الصدام ممنوع وحدد بدقه علشان أعرف من بدري ولا أركبه
التظليله وفهمنا أنك غبي حتى الشفاف تحاسب عليه ولا ركبناه
بس مو معقوله ما أعرف عن شي أنه غلط إلا اذا أعطاك قسيمه
وضح نظامك وحدد كل شي بشكل واضح 
أنا أبغى أشتكي ولا أبغى أشتكي العسكري اللي عطاني المخالفه
أنا باعترض على نظام المخالفه ونظام المرور ككل 

أنا اللي أعرفه أنك ترفع معروضك أول شي للاداره الحكوميه "إدارة المرور"
ما اخذت رد يرضيك تتوجه للوزاره اللي هي وزاره الداخليه
ما نفع بالاخير تتجه لديوان المظالم 

اللي أعرفه أني عن طريق البريد السعودي أقدر أراسل الادارات الحكومية ببريد مسجل 
علشان أثبت أني تظلمت لهم ولا ردوا علي 
لكن خبرتي بالدعوجه والشكاوى محدوده
لو أحد يقدر يفيدنا بالاجراء النظامي أكون له من الشاكرين
ولا غنى لنا عن مشاركاتكم

إبلاغ

الردود