استفسار ومشورة عن جيب ميتسوبيشي ناتيفا

4 1

لايمكنك التصويت حتى الحصول على 20 نقطة على الأقل
إضغط هنا للإخفاء

dam3a-89 19
قبل 9 سنه و 7 شهر

السلام عليكم .. اخواني اعضاء المنتدي الاعزاء .. عندي موضوع محيرني لي كم يوم اشاور نفسي واقلبها يمين يسار .. وقلت انزل موضوع هنا نشوف آراء ومقترحات الشباب ..

انا لي فترة ما معي موتر وجالس اتشحذ خلق الله هذا يوديني والثاني يرجعني وعيالي ما يطلعون من البيت وليموزينات وشي لا يطاق بصراحة ..

ومعي مبلغ ما يجيب لي موتر نظيف ابدا .. بيجيب موتر راعي ورشات وصناعية .. وانا مو فاضي لها ..

وشفت ميتسوبيشي ناتيفا موديل 2011 اتوماتيك ماشي اقل من 80 الف .. 

عند شركة يبون دفعة 4000 وقسط 1500 لمدة 3 سنين .. تامين شامل ..

هل تنصحوني فيه ولا ما يصلح .. وهل سعره مناسب ولا مبالغ فيه ..

انا بستخدمه لمدة 8 شهور وبعدها الشركة بتصرف لي موتر .. وهذا ابوقفه عندي او ابيعه واسدد باقي فلوسه واخذ الباقي لي 

أنا ركبته وجربته الموتر متماسك ولا فيه اي قربعة ولا اصوات ولا اي شي .. فيه رجة خفيفة جدا ..

البدي فيه رشات خفيفة سطحية في الرفرف والباب حق السواق ..

لكن وقفته وداخليته حلوة جدا ..

فيه عيب ان داخليته كانه موديل التسعينات ..

مكيفه بارد جدا وعزمه متوسط ..

العزم ما يهمني لاني استخدامي داخل المدينه وسفر يمكن مرة بالسنة ..

فهل تنصحوني اكمل معاهم ولا اكنسل واشوف شي ثاني ..

إبلاغ

الردود