تقرير عن زيارة لوكيل ميتسوبيشي بالقصيم
5
0
إضغط هنا للإخفاء
السلام عليكم يا شباب
ومساكم الله بالخير
اليوم وبعد تفكير طويل .. امرهم ولا لا .. توكلت على الله ومريت العيسائي وكيل ميتسوبيشي
بالقصيم ( بريده ) والحمد لله تم عمل صيانة وتشييك على الماكينه وغيار الزيت والفلتر وماء البطارية
وماء الراديتر الخاص بسيارات ميتسوبيشي والحمد لله كل شيئ تمام
حتى الي هناك حق الصيانة فليبيني فاهم .. والناس جدا متعاونه ومرحين بس ما عندهم احد يصارعون الذباب هههههه
واحب اقولكم ان فلتر الزيت بـ 47 ريال ياباني اصلي هذا للعلم وتم ايضا ادراج السياره لفحوصات على الكمبيوتر
والتأكد من أن كل شيئ تمام ولله الحمد .. ومافي احد في الورشة الا فهمان الحمد لله .. ما ادري ليش الناس
ما يحبونهم مع انهم والله ما شفت منهم الا المعامله الحسنه بالاخير .. انه تم دفع مبلغ 300 ريال لكل ما سبق
ذكره مع غيار الزيت والتشييك .. وقال الميكانيي ان الـ مره الجاية لا تيجي تغير زيت هنا وقال بره افضل
علشان فرق السعر .. وعرفت ان الموتر يشتغل على 20w50
تحياتي للجميع .... ولا تخلي احد يقولك ..اشتري سيارة كذا وسيارة كذا .. انت سيد قرارك وكله موجود
لكن اهم شيئ لا تسترخص .. لانك طول ما يدك بالسيارة وصيانتها دايمة كل ما راح تعطيك
والسلام عليكم .....
إبلاغ
الردود
البعض يمحط السياره حتى زيتها يقلب قار ثم يقول السياره فاشله ومكاينها ماتنفع
وموفق ،،، اخوي
0
0
0
0
توي مسوي صيانة ال١٠٠ الف
صراحة سيارة قوية وعملية
والدليل دفعت صيانة عندهم ٣٠٠٠ ريال
مساعدات قالولي كويس واذرعة برضو واقمشة وهوبات
كل الي غيروه مويات وزيوت وسيور ومسمار توازن وبواجي
الله يطعمك خيرها حبيبي
1
0
تسلم ابو اماني وبارك الله فيك واشكرك على مرورك الكريم
0
0
مقارنة بمثيلاتها ، والعيسائي وكيل وجيد لا بأس بتعاملهم ، أنا معي ونيت موديل 2006
جميع القطع يأمنها لك بأسرع وقت ، القطعة الي ما هي عنده يأمنها لك أقصى حد خلال يومين
وهي عندك من جده وإذا هي طلبية خارجية خلال أسبوعين ، أنا مثلاً طلبت خوابير كليبر وهي من
القطع التي نادراً ما يتم طلبها ، أحضرها خلال أسبوع وقالوا لي هي طلبية خارجية .
1
0
0
0
هههههههههههه
في القصيم اكيد انهم فاضييين
1
0
يارجال قبل فترة في وكاله دوج من قوة الزحام والسيارات المتراكمه وقل المهندسين صرفو صديقي وقالو غيرلنا لك قطعه وهم مافكوها من الاساس
1
0
البعض يمحط السياره حتى زيتها يقلب قار ثم يقول السياره فاشله ومكاينها ماتنفع
وموفق ،،، اخوي
قبل 10 سنه