رايكم ب باجيرو 2011

السيارة جميلة، وأصحابها لا يشتكون من شيء، لكن احتياطاً اسأل عن قطع الغيار، وتأكد من توفرها وأسعارها.

وألا الموتر ما يعيبه إلا شكله الخارجي.

اخوي روح العيسائي كيلو 10  وروح الوكيل وخذ اسعار قطع الغيار لو ناسبك سعرها 

قطع الغيار بالوكيل غاليه

لكنها منتشرة بمحلات القطع ب9 صناعات ياباني تايلندي تايواني ماليزي هندي صيني سوري وما اذكر وش كمان

المهم انها رخيصه جدا ارخص من قطع اليارس

شمعة الباجيرو فالوكاله بدون زينون ب1500 الماليزي ب300 والصيني ب200

مقص الباجيرو كامل مع الجلب ياباني اصلي سعره 150 ريال مع التركيب بينما اليارس 200

الزبدة موضوع ان قطع ميتسوبيشي غاليه هذا انتهى 

انا معي باجيرو 2011

وباختصار خذها ولا تشاور 
سيارة ما تعرف الخراب ما تعرف الهربدة دبابة بالبر ورساوتها عاليه جدا جدا لان وزنها 2.7طن (اثقل من اللاند)
قوة المكينة فالقومة عالاسفلت تقوم على الفتك وهي 3.8 بينما الفتك 4.8 لكن البر للفتك طبعا

فالاخير خذ 3.8 انا معي 3.5 ومافيها دفلوك 

ال3.8 دفلوك وقير 5 نمر

شكراً يا ابو احمد

شكراً يا جازو

شكراً يا معالم التقنية اسعدتني احسب ان القطع غالية 
لو عندك معلومات اكثر ممكن تكتبها لاني بشتريه واخوياي يقولون لا ما يجيب قيمتة وقت البيع بس انا ابغا موتر ٧ سنين اكرفة 

اخوي معالم التقنية كيف صيانت الباجيرو هل هي سهله واي واحد يصلحه ولا معقد

الباجيرو سياره نادره مانحصلها وذلك لسوء الصيانه وقطع الغيار من الوكيل والشي الاخر مايمسك سعره مثل التويوتا والنيسان وغيره رح للكويت ولا قطر شف كيف مالي الشوارع لان الوكيل ممتاز وجه نظر وبالتوفيق للجميع ..

اول شي يالغالي انت بتستخدم موتر 7 سنين يعني لا تتوقع يمسك كثير حتى لو لاند

ثاني شي الصيانه سهلة اي واحد يسويها بدون تعقيد وعند الوكيل غاليه تقدر تسويها عند بترومين افضل

والقطع ايه نعم رخيصه والناس ماخذين فكرة سيئه عنها يحسبونها غاليه

وللعلم ترا الباجيرو الفتره هاذي صار يمسك سعر بسبب انه الجيب الياباني الوحيد فالساحه ولا زال محتفظ بجودته
وخصوصا ان تويوتا سقطت جودتها فالناس بدات تتجه للباجيرو

انا موديل 2011 عرضته للبيع جاب 78 مع ان 2015 استاندر سعره 85 خليجي!!

الباجيرو صارت تمسك سعر + قطع رخيصه+ صيانة سهله


اخر شي حبيت انبهك اذا ممشى السيارة 100 الف غير لها سير التايمن عشان لا تخبط عليك

أخوي معالم التقنية أنت متأكد من الاسعار اللي كاتبها ؟

أرجوا أنك تتأكد لأن الأسعار غير صحيحة فهي أغلى من كذا بكثير و خاصة الأصلي

بالنسبة لوزن الباجيرو فهو ٢٢٠٠ و ليس ٢.٢ طن و ليس ٢٠٧ طن 

بالنسبة للتانكي في رد سابق لك فل كامل ٨٨ لتر و ليس ٨٩ لتر 

لاحظت كثير من ردودك فيها نوع من المبالغة و بعض المغالطات المستشار مؤتمن و أنا أخوك