أضف سؤال أو موضوع جديد          

شريت سيارة خليجيه من شريطي والمفاجأة

up 3 down 5
سيف22 106
قبل 6 سنه و 10 شهر



السلام عليكم ورحمة الله وبركاته

اخواني شريت سيارة عن طريق موقع حراج 
المهم قابت صاحب السيارة وقالي انه مستوردها من دبي مشتريها من شخص بريطاني 
واستحلفته بالله ان عدادها صحيح ؟ وحلف لي وقال ان عدادها صحيح .
الموتر ماشيه 86 الف كيلو ويقول ممشاها صحيح .
المهم شريت السياراة وبعدها ب اسبوعين رحت للامارات مهمه عمل وقلت خلني اشيك على السيارة في 
وكاله الحبتور وبعد ماجيت الصيانه تفأجت

ان اخر صيانه لها كانت في عام 2013 شهر 6 وكانت ماشيه 109 الااااف .
وحنا الان في عام 2014 شهر 9 يعني لها اكثر من سنه 
كلمت اللي بايعها على وقالي والله مانزلت عدادها

وش الحل يااصحااب الخبرة لانه والله قهرني 
حسبي الله عليه ونعم الوكيل وعسى ربي لايوفقه

وهذا اسم العضو واتمنى الحذر منه 
abumotlaq

وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام ورحمة الله وبركاته 
ممكن البريطاني متلاعب في العداد
ممكن الرجال صادق ماتلاعب فيه 

اسمك شريت وخلاص 
وقيمة التلاعب ماتزيد عن 50 الف كيلو وان شاء الله ماهي موثره

و الله يبارك لك فيها ويعطيك خيرها ويكفيك شرها 



up 3 down 1
pt 2011 1389
قبل 6 سنه و 10 شهر



ههههههههههههههههههههه كلام ابراهيم درر 
بعدين الرجال يمكن صادق شاريها مثلك يعني احسن الظن والموتر ان كان نظيف ما يفرق الممشا


up 3 down 4
ابوخلوودي1 5070
قبل 6 سنه و 10 شهر



ما دام بس الممشى مغيره و باقي السيارة سليم
استخدم و حاول تنسى
صحيح السالفة تغبن لكن شي أهون عن شي
كيف لو ملحم الشاص او مغير القير و الا المكينة لا سمح الله
الحمدلله على كل حال



up 6 down 1
أبو نجوى 2442
قبل 6 سنه و 10 شهر



إذا السيارة نظيفة وأنت مرتاح معها فنصيحتي تنسى الموضوع والي غشك حسابه عند ربه

وربنا يوفقك في السيارة ويعطيك خيرها ويكفيك شرها


up 2 down 0
أبو عبادة 4852
قبل 6 سنه و 10 شهر



شوف يا حبيبي

انا اتفق مع ابو عبادة ^^

اذا السيارة نظيفة وما فيها مشاكل وتريحك من الورش

فهذا هو المطلوب

والحساب يوم الحساب ..

وبتوفيق ..


up 4 down 1
ابو فهد شبح 600 6
قبل 6 سنه و 10 شهر



والله ماتوقع ان الشريطيه دلوخ وتعدي عليهم هذي الامور وكلنا عارفين هالشي

وحكاية تعديل العداد ترا ما اخترعها الا الشريطيه الي عندنا وبدائت تنتشر
والبريطاني ماضرب للسياره حساب
جايبينه من بلده متغرب ومعطينه راتب وقدره 

لذلك اتركو عنكم الدفاع عن الشريطيه

صاحب السياره
قول للشريطي اللي شريت السياره منه
اللي صار بالضبط

وقوله ابي ارجعها خلاص ويادار مادخلك شر
اذا جلس يعابط ويقول مالي علاقه
فقوله طيب انت غشيتني واسئل الله العلي العظيم انه يجعل فلوسها نار فبطنك ويجعلك بمصيبه ماتقوم منها الا على السرير الابيض

واتركه وامش
اذا عنده ذمه وضمير بيخاف
اذا ماعنده ذمه وضمير عاد بيطنش لان اغلب الشريطيه تعودو على الحلفان والكذب والغش مثل شربة الموية

حتى لو افترضنا انه مايدري عن العداد وهذي من سابع المستحيلات
فالمفروض يرجع فلوسك لانك انت مالك ذنب

ومره ثانيه لاتصدق الشريطيه 



up 5 down 4
شويخ من أرض مكناس 2824
قبل 6 سنه و 10 شهر



قوله يرجع لك من المبلغ واذا مانفع معه قله والله لادعي عليك في يوم عرفة 
مره من المرات شريت شقه تمليك من واحد وطلع نصاب بعد مامرمطني كلمته وقلته شف ترى  ديتك 5000 الاف ريال وانهي مستقبلك قال كيف قلت اروح للمغرب  واخليك تجيب لي حقي  عند الباب  انت ماتشوف الدرب بعدها والله الرجال خاف قام يقول خاف الله قلت علمتك طبعا انا لايمكن اسويها لانها شرك بالله بس خوفت الرجال وجاب لي حقي 


up 4 down 1
adviser 22 -13
قبل 6 سنه و 10 شهر



يارجال وش تسوي هذي الدنيا يوم لك ويوم عليك وحقك عند الله 


up 1 down 3
iiabdualzizii -48
قبل 6 سنه و 10 شهر



انا اشتريت لنفسي كابرس 2006 8 سلندر ماشي 140 الف.. الى الان مازلت اقول الله يبيض وجهه
واشتريت لاخوي كابرس 2006 6 سلندر ماشي مئة الف.. واسال الله له رزق والله يبيض وجهه ايضا

واشتريت جولات وارقام وغيرها كثير
..
بل ان اكثرهم يرسل الشحنهة م قد حولت الفلوس
او انا احول له م قد ارسل ..
ليس اتفاق .. بس ثقة بينا .. اول واحد يكون قريب من الصراف او من شركة زاجل هو اللي يبدا

..

ملاحظة-
لم ابدا بشراء اغراضي من حراج الا بعد سنتين ونصف من الادمان ع الموقع
لدرجة اني صرت خبير جدااااا جددددددا في اسلوب كل شخص..

بل اني اشوف صور السياره حلوه .. بس من اسلوبه واختياره للكلمات اعرف انه نصاب
وبعضهم الصور ماهي زينه
بس من العنوان ومن اسلوبه ومن اخر ردود له .. او من صوته .. يعني اشياء كثيره م اقدر اشرح

عاد افهموها ههههههه



up 2 down 0
الفارس2022 475
قبل 6 سنه و 10 شهر



يا رجال هذا حال السيارات المستعملة .... انت بس اهم شي تكون ماشيه معك تمام غير كذا لا تدقق
و انا عارف انك مغبون و يمكن انك دافع اكثر من سعرها في السوق عشان الممشى لاكن الله يعوضك خير
و حقك رح تاخذه في الاخره ... و الله يطرحلك فيها البركة


up 1 down 1
shadowz33 1098
قبل 6 سنه و 10 شهر



مافي فرق كبير بالممشي ، صح فيها غشش لكن خلك بالواقع ومثل ماقال ابو عبادة
واذا فالنفس شي ، خذ اثبات الممشي الصحيح معك
وخصمك الي باعها لك ، واستشير شيخ المعارض ، وهو بيحلها او توجة للجهة المختصة وطالب بالتعويض 

اما حكاية انك تقوله رجعها والا تتدعي علية . شغل العجايز هذا مايصلح
و اقولك من الحين ادعي اذا حاب .... لان ردة الفعل الاول مراح تتغير
خل عنك الضمير
اصلا لو موجود كان اخذ واعطى معك من البداية وماكان غشك 



up 1 down 1
aziz..747.. 2421
قبل 6 سنه و 10 شهر



ابرااااااااااااااااهيم التركي
يأخي انت كلامك في الصميم
دائماً تعليقك حقاني
ارفع لك القبعة احتراما


up 1 down 3
ليدر2010 548
قبل 6 سنه و 10 شهر



ياخي ابراهيم ذا عجييييييب ردوده تحفه حكييم المنتدى فعلا  لافض فوك


up 2 down 3
تقووى الهجر 252
قبل 6 سنه و 10 شهر



يااخي انت وياه يامن تدافع عنه والله انكم شريطيه وهذي حركاتكم وجتكم الحميه 

اما من نصحني وايدني ارفع له القبعه احترام وتقدير 

واقلب وجهك ياشريطي انت وياه


up 2 down 4
سيف22 106
قبل 6 سنه و 10 شهر



أغلب إللي تجي من الإمارات يمكن كلها عدادها ملعوب فيه 
باجيرو أو اكسبلورر وغيرها .
الشريطيه قليل منهم من يصدق أو يطهر



up 0 down 0
khaledsa 819
قبل 6 سنه و 7 شهر






up 0 down 0
thiyab2002 1
قبل 5 سنه و 11 شهر