عندي استفسار ببنزين السيارة

بالنسبة لمشكلتك الاولى../ يفيدووونك الشباب.. 
اماا المشكلة الثانية../ اعتقد انوو اذا ما كان من (
 الاقمشة - يمكن يكون من الزيت حق البريك "يمقن ناقص او مافي العلبة زيت"..! 
وان شاء الله يفيدوونك الشباب..!

انصحك بعمل فحص كمبيوتر للسياره,واحتمال كبير حساس الأوكسجين يكون عطلان

اخوي ابو فارس حساس الاكسجين عطلان طيب لو افترضنا وش السبب ؟ السيارة توها جديدة طبيعي تتغير قطع من الحين طيب لو ارحلهم وادخل بعينهم واقلهم الي صار عندي الحق ولاشي طبيعي مع الممشى او الجو والغبار في جدة

ابو اماني فيه أشياء كثيره تؤثر على صرفية البنزين .. على سبيل المثال لا الحصر :

1) طريقة قيادتك للسياره وتعشيقك ( قير عادي ) .
وفيه فرق بين قير أوتوماتيك متطور ويساعد على تقليل استهلاك البنزين .. وبين قير أوتوماتيك قديم وغير متطور

2) ضغط هواء الكفرات ( خله على 30 ) .. افتح باب السواق بالسياره بتلقى ستكر أو حديده مكتوب عليها ضغط هواء الكفرات المناسب .. واذا مالقيتها افتح كتالوج سيارتك
لكن أنا أنصحك بـ 30 مناسب ومريح ويساعد على المحافظه على المساعدات .. المطبات والحفر في السعوديه كثيره جدا

3) زيوت وفلاتر السياره .. مثل :
أ - زيت المكينه الثقيل 20W50 يزيد الصرفيه شوي . السيفون الأصلي والجديد يحافظ على نظافة الزيت .
ب - اذا كان زيت القير ممتاز وجديد يقلل الضغط على المكينه .. لأن التروس تتحرك بسهوله والزيت يزيت ويزلق التروس بشكل ممتاز .
ج - فلتر الهواء لازم يكون نظيف .. ينظف كل 5 آلاف كيلو أو كل 10 آلاف بالكثير .. لأن إذا كان الفلتر وسخ جدا السياره تضطر تضخ بنزين اكثر عشان تعوض نقص الهواء

4) اذا كان فيه هواء قوي عكس اتجاه سيارتك .. يزيد مقاومة السياره للحركه ويزيد استهلاك البنزين

5) تحميل عفش كثير .. يزيد صرف البنزين

6) تخفيض أو رفع السياره .. له دور باستهلاك البنزين

7) شكل السياره اذا كانت انسيابيه .. يقل استهلاك البنزين ويقل مقاومة الهواء للسياره

الخ ... أشياء كثيره جدا

اذا جيت تعبي بنزين .. طف السياره .. وخل العامل يعبي بنزين فل ( طقه واحده .. تعبئه بطيئه )