أضف سؤال أو موضوع جديد          

نصيحتكم يربع الله لايهينكم بخصوص الباجيرو

up 4 down 3
xxالعنزي 502 xx 260
قبل 7 سنه و 5 شهر



                                              السلام عليكم ورحمة الله وبركاته 
                                             مسائكم الله بالخير كيفكم انشالله بخير
                              طبعا كلنا برمضان قاعدينن على المكيف والنت وناخذ ونعطي 
            المهم  لقيت سيارة باجيرو 2009  مكينة 3500 cc ماشي حول 170 الف فل معدا الجلد 
                      وارد وكالة الكويت ويقول صاحبها انه ماخذها من قسم المستعمل بوكالتها 
                         ويقول الوكالة راشينها لكر عشان النظافة وفيها رفرف الايمن مغير 
                                          بس عندي كم سال عنه
                               كيف الباجيرو بلخط والرمل وكيف داخل المدينة 
                             وهل فيه صرفية وهل يمسك سعره وهل يكرف ولا 
                                   وكم يسوا الي ذكرته كم يسوا من الاخر 
                                   صياما مقبولا وعملا مكتوبا باذن الله
                                                   وشكرا 











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احد يرش سياره  لكر وخرابيط عشان نظافه !!!

كلمة لكر وبعض المصطلحات اخترعوها بعض الشريطيه عشان يزينون العيوب ويبيعون مواترهم
وان جيت تبيع موترك وهو مرشوش يجونك الشريطيه يعيبون فيها وانه مرشوش وينقص من سعره

كلام خويك فيه تناقض
محد يرش سيارته عشان النظافه
السياره اذا جاها تصير معيوبه وينقص من سعرها

بعدين يرجع ويقولك مغيرين رفرفر ؟
الرفرف لي متغير وليه راشينها ؟

شكلها ماخذه قبعه تغير بسببها رفرفر ورشوها عشان يطابقون اللون

افحص زين وانتبه واذا فيه حادث يبان مع الفحص فالنهار من مسامير البدي الداخليه وغيره بتلقى اثار فك مسماير وخلافه



ما انصحك تاخذ مكينة 3.5  قوتها محدودة على ثقل الباجيرو   186 حصان
مكينة 3.8 افضل و اقوى 255 حصان و يجي قفل دفرنس يفيد وقت التغريز


up 2 down 0
أبو نجوى 2442
قبل 7 سنه و 5 شهر



السياره قوية ما شاء الله وتتحمل كرف وبر سواءا 3.5 او 3.8 قد تستغرب البعض ان المكينه صغيره
لكن ادائها قوي ما شاء الله

وتمسك سعر انا عرضت 2011 قبل فتره 3.5 اعلى فئه جلد وجابت 72 الف 

يعني 2009 اعتقد 60 -65 بالكثير


up 3 down 1
معالم التقنية 145
قبل 7 سنه و 5 شهر



بالنسبه للصرفيه صرفيته اقل من منافسيه اللاند والباترول


up 0 down 0
معالم التقنية 145
قبل 7 سنه و 5 شهر



بس نصيحه اول ما تشتريها غير مساعداتها لاني احسها قاسيه شوي او يمكن عشاني متعود عالامريكي

ركب لها مساعدات مونرو وبيع مساعداتها حقت الوكاله تجيب لك سعر طيب


up 0 down 1
معالم التقنية 145
قبل 7 سنه و 5 شهر



واذا انت راعي بر ركب جبريال لكن بيكون قاسي فالمدينه


up 1 down 0
معالم التقنية 145
قبل 7 سنه و 5 شهر



شكرا 
اخوي شاقح الله يبارك فيك 
يقول الرجال مجاها رش وعلى الفحص ويقول فيه اجهزة  تكشف انكانة لكر او مرشوشة هل بلفعل فيه اجهزة تكشف الكر عن الرش 
ابو نجوى الله يبارك فيك 
اخوي هل فيه فرق شاسع بين 3500 و3800 لانه الفرق فقط 200 وانا خبرتي قليلة 
وهل فعلا مافي دفلك فيه لني شفت اكثر من مقطع في دفلك فمدري لانه بدون الدفلك مايسوى شي 
اخوي معالم التقنية الله يبارك فيك 
شركا لردك بس الي كانت عندك فيها دفلك 
وشكرا للنصيحكم وخصوصة اخوي شاقح 


up 1 down 0
xxالعنزي 502 xx 260
قبل 7 سنه و 5 شهر



والله معانا ٢٠٠٦ مكينة ٣٨٠٠ فاكينها وكالة
بالنسبة للبر ماقد دخلنالها 
لكن سيارة جبارة للامانة وتكرف ومكيفها كويس
الي مايعجبني فيها في النهار اصوات هوا مزعج على السرعات العالية
وقاسية مع المطبات. لكن شكلها واداءها جميل ويمدحوها بالبر
القطع من متوسط لغالي صيانتهم غالية 
عندك كمبرسر مع كلتش واغراضو ب٧٠٠٠
صدام امامي ٣٠٠٠ قبل الخصم وبدون رش وتركيب
عندك المساعدات الامامية مع الجلد بعد الخصم ١٤٠٠
عندك لمبة الزنون الحبة لحالها بدون محولات ب٧٠٠ ريال
عندك اذرعة دركسون اعتقد داخلي وخارجي ب١٠٠٠
عندك البواجي ب١٥٠ 
المواصير الي تجي تحت حق الموية ب١٠٠٠ تقريبا
اقمشة امامية ب٣٥٠ وخلفية ١٨٥٠ 
دا بالنسبة للي معانا ٢٠٠٦ اكيد ٢٠٠٩ اغلى وبحكم شكل جديد
لكن انصحك تفحصها نظري وتشوف مكان غطا جلد البلوف فيه تهريب ولا
وبصراحة يكون افضل لو تسالو كيف كان الحادث وكذا
بالنسبة للبدي يعجبك شبه حديد واي اسالة انل حاضر
وخد العلم ترا مايمسك سعرو


up 1 down 0
ابو امااني 2067
قبل 7 سنه و 5 شهر



يعني اتوقع سعرو يجيك من ٤٥ ل٥٢ حولها 
صرفيتها انا اعبي اخضر تمشي تمشي
متوسط الصرفية


up 0 down 0
ابو امااني 2067
قبل 7 سنه و 5 شهر



يعني يسوى 44 الف بعد الفحص


up 0 down 0
xxالعنزي 502 xx 260
قبل 7 سنه و 5 شهر



والله ياخوك أنا صرت ماأفكر  اشتري المستوبيشي لو إنه ينقط عسل
قبل شهرين تقريباً كنت بشتري لي جيب ناتيفا موديل 2006 ست سلندر بس كان فيه بعض القطع الناقصه من ضمنها
السلف وكمبروسر المكيف ودينمو .. 
تخيل هذي الـ3 قطع سألت عن سعرها اصلي قالوا لي بـ 12000 وبعد الخصم صارت بـ 9000 وشوي !!!

قمت وكنسلت الشغله كلها وبطلت من السياره هذي شغلات بسيطه وسعرها كذا أجل لو تعمقنا في سالفة توضيب مكينه أو جيربوكس أو غيره عز الله ماأستفدنا منها شي 

أسعار قطع غيارها جداً مبالغ فيه جداً جداً .. إلخ 
قبل لاتشتريها نصيحة أخويه اسال عن اسعار قطع غيارها قبل لا تتورط فيها وتطيح بكبدك .
والله يوفقك


up 0 down 0
zezonza 38
قبل 7 سنه و 5 شهر



مشكلة الباجيرو ما يمسك سعر مثل اللاند
بس سيارة تتحمل وعمليه

عيبها غلاء قطع غيارها


up 0 down 1
شقردي2014 408
قبل 7 سنه و 5 شهر



سيارة عملية و تتحمل كرف بس انه ثقيل دم مقارنه بالنيسان باثفندر .من وجهة نظري احب الجيوب اللي نشيطه بفزتها و في التسارع .


up 1 down 1
زكريا حكمي 116
قبل 7 سنه و 5 شهر



فيه فرق كبير في المكينة بالنسبة للاحصنة بين 3800 و 3500 وفيه مواصفات داخلية بعد مختلفة مثل التخشيبة في الدركسون ومثل الدفلوك وانت استخر


up 0 down 0
مشعل9 198
قبل 7 سنه و 5 شهر



انا ما اشوف فرق كبير بين 3.5 و 3.8 

ملاحظة سيارتي كانت 2011 3.5 بدون دفلك!!

ال 3.8 فيه دفلك


up 0 down 0
معالم التقنية 145
قبل 7 سنه و 5 شهر



اخوي الباجيرو اللي ماكينته 3000 او 3500 الجيربوكس حقه اربع نمر فقط

ال 3800 خمس نمر

انصحك بال 3800


up 1 down 0
amegha 222
قبل 7 سنه و 5 شهر



اللكر هو نفسه الرش
لكن الشريطي عند البيع يسمي الرش لكر للتشتيت والاستهبال
وعند الشراء يسميه رش بويا عشان يستهبل ايضاً


up 3 down 0
الشيخ فواد 300
قبل 7 سنه و 5 شهر



السيارة حقت كرف بالنسبة لي أنا ما أعجبني عزمها فيه سيارات من فئتها أفضل منها


up 0 down 0
mohammed shareef. -21
قبل 7 سنه و 5 شهر



وانا مجرب 2013  مكينة 3800 


up 0 down 0
mohammed shareef. -21
قبل 7 سنه و 5 شهر



كمبرسر 7000 الاف !!!!!!!!!؟؟؟؟؟؟؟


up 0 down 0
بدراني الرياض 46
قبل 7 سنه و 2 شهر