أضف سؤال أو موضوع جديد          

اماكن تواجد ساهر في الرياض و جدة و مكه والشرقيه

up 27 down 7
ولد المدينة 2014 1307
قبل 5 سنه و 4 شهر



* اماكن تواجد ساهر في الرياض

. طريق القصيم امام نادي الشباب مباشرة .

. طريق الملك فهد كاميرتين امام وزارة الداخلية ب اتجاة الشمال والغرب . 

· طريق القصيم عند مقهي المسافر
المديور حق ركا عند الشجر الي اول ماتديور يجيك علي اليمين .

· بعد تفتيش الرياض وانت جاي من الخرج رايح للشفا تلقاه ع اليمين . 

· القادم من طريق خريص بعد تقاطع الشيخ جابر مع الامير بندر باتجاه الشمال في لوحه مكتوب عليها السرعه 70بعدها تلقى حافله موقفه ونظام شافط شغال . 

· كاميرا على الطريق السريع وانت متجه لمكه ( غرب ) بعد كبري الدخل عند محطت الحجاز بااص واقف يمين .

· بـ طريق جابر (جنب استاد الملك فهد وانت متجه لـ الفحص واقف ع جنب ومشتغل تصوير والباصات كل يوم يتغير مكانها .

· شباب فيه كمرتين جديد للسرعه نفس الي عند نادي الشباب على طريق مكه قدام مزرعه الوليد بالتمام للي رايح وللي جاي .

· الدايري الشمالي بعد مخرج 2 وانت متجه للغرب فيه كاميرا ساهر في الجزيرة

. وانت متجه للشرق نفس المكان في الجزيرة

· وترى فيه بآص يوقف على طريق الخرج قبل الكبري الاول وقبل الصيعري على اليمين أنتبهو السرعه المحدده 80 .
 
· مخرج 16 وانت جاي من السلي بعد محطة العبدالمحسن متجه غرب باص .

· الباص اللي يوقف على طريق الخرج قبل سوبرماركت الصيعري , صار يوقف قبل الكبري الاول على اليمين .

· انتبهوا من باص ساهر وانت طالع من مخرج 16 متجه للسلي يجيكم ع اليمين .

· فيه باص يوقف بالليل بعد ماك اللي قبال قصور ومسجد العويضه يوقف قبل مدخل الخدمه على الرئيسي .

· ع طريق العليا و انت متوجه جنوب قبال وزارة التعليم العالي حقت الابتعاث .

· باص ساهر بطريق تركي الاول مقابل المواصفات والمقاييس .

· انتبهو ترى فيه باص ساهر بالسويدي طريق حمزة بن عبدالمطلب قبل مغاسل الرهدن .

· فيه باص ساهر بـ شارع الميه بعد كوبري ” سوق شرق بلازا ” وإنت متجه لـ الملز .


· فيه كاميرات جديده ، في طريق الملك خالد ( تحت كبري عرقة الي عند جامعة الملك سعود ) .

· على شارع الابراج في السويدي باص موقف عند مصلى العيد

· انتبهوا شارع هارون الرشيد بحي الفيحاء فيه باص .

· انتبهوا فيه باص ساهر على طريق الملك عبدالله على طريق الخدمة قدام مفروشات العمر اتجاهك شرق السرعة 90 .

· على مخرج 11 وانت متجه للدائري مقابل توتي بيروتي قبل المحطه حاطين باص هناك .

· فيه باصات دائما تجي بيوم محدد ووقت محدد على طريق الامير سعد بن عبد الرحمن الاول الي هو طريق الميه بمخرج 15 .

· يوقف باص على الرصيف للي جاي من السلي للمخرج والسرعه محدده 80 يجي كل اثنين واربعاء من الساعة 8 الصبح الى 9 هذا برمضان وغير رمضان يجي من بعد صلاة الظهر الين الساعة 2 تقريبا .

· وفيه باص ثاني وانت جاي من الملز وماشي بطريق عمر بن عبدالعزيز ومتجه لمخرج 14 فيه باص بعد النفق يمين والسرعة محددة 80 وفيه باص بمخرج 16 وانت رايح وانت راجع
عمود في النص مقابل اسواق الاندلس (كاميرا على شكل عامود زينه) . 

· اللي رايحين لديارهم على طريق القصيم ساهر صايدكم صايدكم مافيه فانات واقفه قبل تفتيش صلبوخ ع اليمين وأنت رايح وعلى ماأعتقد وأنت راجع .

· على طريق الثمامة قبل دوار عثمان جيب باجيرو قديم لونه فضي . 

· يوجد باصات ساهر امتداد الرياض - مكه - الرياض - الشرقيه .

· بطريق العليا العام مقابل اسواق الاندلس + بطريق الملك خالد مقابل مجلس التعاون + على طريق التخصصي مقابل برج الحمام .

· فيه باص صغير موقف على طريق الشرقيه قبل الرياض بـ 80 كيلو تحت كبري ومكان مهب على البال . 

· اذ كان قسم الناصريه على يسارك بعد النفق فيه كاميرا ثابته بين الشارعين .

· قبل طلعه القديه عند قصور المقبل . 

· عمود جديد لساهر على طريق الملك خالد وانت متجه شمال بعد جامع الملك فهد . 

· شارع الحمزه بحي النسيم اول محطه تجيك وانت جاي من خريص فيها صرافيين الراجحي مسفط قبل الصرافيين في النهار يحطون باصوفي الليل جيب ميستوبيشي . 

· جيب باجيرو اليوم شايفه بطريق الملك فهد عند هايبر بنده موقفينه فوق الرصيف اللي بين الخدمه والرئيسي . 

· عمود من اعمدة ساهر مقابل محطة سنابل السلام على طريق جابر و ترى فيه كثافة مو طبيعيه
لجيوب الباجيرو و الباصات بجآبر و ايضا بمخرج طريق جابر و انت ع الدايري الشمالي قبل ما تاخذ المخرج حاطين جيب هناك .

· بطريق الملك عبدالعزيز وانت متجه جنوب وطالع من تقاطع عبدالعزيز مع العروبه متجه لاشارة ثلاثين السليمانيه اللي هو شارع الامير ممدوح قبل الاشاره موقفين جيب باجيرو ابيض على الرصيف بين السريع والخدمه .

· طريق عبدالرحمن الغافقي وانت متجه لاشارة مخرج 11 في باص لساهر . 

. بطريق خالد بن الوليد ( انكاس ( وبالضبط مكانه عند التميمي الجديد بعد مطعم الرومنسية ) . 

. باص باجيرو مقابل قصر الرياض للاحتفالات .

· على الدائري الشرقي مسفط قدام ملاهي الحكير جيب ميستوبيشي اسود .

· فيه بطريق الاحساء بالرياض الموازي لطريق صلاح الدين جيب ميتسوبيشي ابيض في بداية الطريق و انت رايح لاسواق التميمي يكون على اليمين الظاهر ان مكانه مقابل بنك الرياض في بداية الطريق ماهو في آخره . 

· طريق الثمامه قبل دوار عثمان بن عفان على اليمين قبل الاستراحه الكبيره جيب .

· بطريق ابو بكر الصديق وانت متجه جنوب عند محلات التقوى حق قطع الغيار . 

· على طريق الشرقيه وانت طالع من الرياض بعد التفتيش الاول تقريبا 10 او 5كيلو .

· وإنت جاي من خريص , بعد ماتتعدى أشاره مفروشات العبداللطيف , تجيك محطة أبو وليد يكون واقف بعدها مباشرة جيب باجيرو أبيض , وأحيانا يوقف باص .

· عند جامعة الامام , وانت طالع من البوابه الجنوبية وكأنك رايح الثمامه , على الرصيف بـاص , والسرعة 90 .

· مخرج 14 شارع عمر بن عبدالعزيز اول ماتنزل مع الكوبري اللي يوديك الملز ( كاميرا ثابته) سرعه 70 . 

· طريق الملك عبدالله , بعد مجمع ركا , وقبل الاشارة الاولى حقت عرقة , السرعه 70 ( كامير اثابته ) . 

· فيه جيب ساهر بشارع المدينة بالبديعة وانت متجه شرق بعد البديعة مول يجيك على اليمين , السرعة المحددة 70 . 

· وفيه ساهر في شارع بلال بن رباح وانت متجه من الغرب للشرق باتجاه الدايري تشوفونه واقف عند مقر البنك العربي الجديد . 

· وبرضوه فيه ساهر في شارع بلال بن رباح باتجاه نادي النصر عند بعد ما تتعدى هايبر بندة وكنتاكي تشوفه واقف على اليمين

· بطريق الثمامه احيانا يوقف الباص بعد وقت اللياقه بشي بسيط عشان يلقط المدرعمين الي نازلين من الكبري إذا مالقيت الباص بالموقع المذكور اعلاه ورحت سيدا واخذت الدوار حق مستشفى المملكه احيانا يوقف عند المحطه حقة حي الربيع الي بعد قصر الافراح الي توه فاتح
إذا مالقيت الباص بالموقع المذكور اعلاه بيجيك دوار بعد المحطه رح معه سيدا دايم يحطون باصهم هناك قبل الدوار حق جامعة الامام .

إذا مالقيت البااص فاعرف انهم حاطينه بعد الدوار حق الجامعه بتقريبا كيلو تلقى على اليمين لابد عند سور الجامعه وإذا مالقيته عند السور او قدام شوي عند الكبري فاحط في بالك وشي اكيد ان الباص بيجيك قبل مقهى الضوء الخاافت هو بعد الدوار حق هرفي وحق منتزه الديره .

· طريق الامام مخرج 9 الغوا الكاميرات الثابته وصارت باصات توقف بين الخدمه والرئيسي مثلا عندكم نفق لكزس وانت متجه غرب تحصل الباص موقف قبل النفق وانت متجه شرق موقف بعدما تطلع من النفق حق اللكزس وتحديد يكون موقف عند الناضج . 

* اماكن تواجد ساهر في الشرقية والظهران

. كورنيش الخبر بعد ماكدونالدز او بعد تشيليز وانت متجه للمريديان ( هذا ما يعتقك لو تمشي 40 يصورك يعني يصورك) .

. طريق الملك فيصل وانت متجه للخبر بعد ارامكس .

. طريق الدمام الظهران فوق الكوبري اللي قبل قصر الخليج اول عند قصر الخليج وفي الاتجاه المقابل بعد وزارة الخارجيه او عند الكلية التقنية.

.عند شرطة الظهران او تحت كوبري ارامكو .

. طريق العزيزيه بعد كوبري الثقبة او تحت الشجر .

. وانت راجع للخبر بعد الاسكان وقبل الصناعية . 

* مواقع كاميرات ساهر في مكة

1- بجانب نادي وقت اللياقة على الطريق الدائري .

2- شارع الحج بعد محطة الهرم .

3- في نهاية الطريق الدائري الثاني من جهة الرصيفة .

4- طريق الملك فيصل بالقرب من حراج السيارت .

5- طريق مكة . جدة بعد محطة الزايدي .

6- بداية طريق الكر بعد محطة التلفريك .

7- طريق مكة . الكر بعد قوات الطوارئ في الطريق المتجه إلى مكة .

8- طريق مكة . السيل بعد مخرج شرائع النخيل .

9- امام مستودع شركة الاتصالات بالشرائع الطريق النازل إلى مكة .

10- العزيزية الجنوبية امام محطة نفط الخط الراجع من الحرم .

11- خط العزيزية العوالي وأنت رايح .

12- طريق العمره و انت جاي من النوريه داخل مكة . 

* مواقع كاميرات ساهر في جدة 

1- مدخل شرق جدة (الامير فواز ) بعد ما تعدي التفتيش بحوالي 500 متر تحصل لوحة جديدة مكتوب فيها السرعه 100 تمشي 300 متر تحصل سيارة ساهر في اليمين .

2- مدخل جنوب جدة (معارض السيارات) بعد ما تعدي التفتيش بحوالي 2 كيلو يجيك كبري المعارض بعد الكبري مقابل حي الجوهرة تحصل اللوحة قدامك , السرعه 110 تمشي 300 متر تحصل سيارة ساهر في اليمين تحت الكبري . 

3- مدخل جدة الشمالي (طريق المدينة النازل) نصيحة خذها براسك ولا تسرع بتاكلها <<اكثر خط عليه رقابه . 

* نبدأ الحين بـشوارع جدة

- اهم موقع في جدة واكثر طريق فيه سيارات ساهر طريق الملك .

- من دوار أبحر (الرضاعه) تمشي بإتجاه الجنوب تحصل قبل دوار قصر الملك (النوافير) .

- من الكرة الارضيه الي اشارة شارع حراء قوة فلاشات . 

- طبعا اللوحات الجديدة في هذي المنطقة كثيرة , السرعه 100 مافيه مكان محدد لساهر بس اكثر شي مقابل الصواري لاند مارك للمتجة جنوب وشمال .

- وصلنا تقاطع حرا معا طريق الملك من بعد حرا وانت بتجاة الجنوب الي اشارة صاري , السرعه 80 والعكس صحيح .

- شارع الاندلس من بعد مستشفى العكسري نفق الديوان الملكي بعد النفق على طول عند مركز الدفاع المدني تحص خوينا يفلش برضوا العكس بعد النفق وانتا متجة لشمال . 

جنوب جدة

- كبري الميناء ركبوا لوحات جديدة السرعه 80 نزولً من الكبري 60 وساهر موجود عند المداخل اللي تطلع على الكبري .

- بعد كبري الميناء بتجاة مكة (شرق)السرعه المحددة 110 تتجاوز سيارات ساهر تحت كبري الاسكان الجنوبي او مقابل متاجر السعودية . 

- طريق الملك فيصل الرابط بين كبري الميناء والكورنيش الجنوبي مرورا بدوار النجوم والقاعدة البحرية ركبوا لوحات جديدة وسيارات ساهر , السرعه المحددة 80 .

- كل اللي قلتها كاميرات متحركة (سيارات) بالنسبه للكميرات الثابتة هيا اللي اعرفها في تقاطع شارع الامير سلطان معا شارع الصالات الملكية ويقولوا فيه في شارع المكرونة . 

السيارات اللي ترصد كثيرة بس اللي شفتها , 

نيسان باثفندر

تويوتا انوفا

تويوتا راف فور

شيفروليه بليزر

جيب ميتسوبيشي

باص نيسان 


















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بيييييييييييييض الله وجهك يا ذيبان


up 3 down 1
mish3all 17
قبل 5 سنه و 4 شهر



هذا الموضوع مفروض يثبت بالمنتدى

ياشيخ هذا أطلق موضوع

أرشح إنه ينزل في سبق

يستاهل 1000 لايك


up 2 down 2
الله أكبر والعزة لله 2
قبل 5 سنه و 4 شهر



كلام اخوي ايقنت صحيح كاميرات متحركه كل يوم في مكان 


up 2 down 3
اليافعي 313 314
قبل 5 سنه و 4 شهر



اللي ذكرته بالشرقيه شوي .فيه اماكن كثيره ماذكرتها بس صحيح اللي كتبته
باقي واجد منه منتشر بكل مكان ومتحرك


up 1 down 1
شكلين مآبحكي 4748
قبل 5 سنه و 4 شهر



الله يعطيك العافية
العالم كله يلتزم بالكاميرات الثابتة لرصد السرعة لأن الهدف الأسما المحافظة على أرواح وممتلكات الأشخاص .
لكن في بلدنا الكاميرات دائما متحركة لأن الهدف الأساسي رصد جيب المواطنين و المقيمين مناصفة مع الجهات الحكومية .


up 3 down 0
الأخطبوووط 127
قبل 5 سنه و 4 شهر



ولاتنسى وانت نازل من الطايف لمكة عن طريق السيل قبل مكة ب 35 كيلو في سيارة ساهر وراء جبل مندس 


up 2 down 0
عاشق خيالك 4801
قبل 5 سنه و 4 شهر



اليوم وانا راجع من صلاة الفجر شفتهم موقفين باص لاول مره اخبرهم دايم 7 ونص .. يببون يلحقون على الراتب .. 


up 2 down 0
م.بن عبدالله 2025
قبل 5 سنه و 4 شهر



الله يعطيك الف عافيه 


up 1 down 0
شروكي 2007 181
قبل 5 سنه و 4 شهر



أنا من سكان مكة ، الشباب حقين ساهر مجتهدين هنا ، كل فترة تلاقيهم محصلين لهم مكان جديد يتخبون فيه ، ولا أزيدك من الشعر بيت ، اعتمدوا 60 كاميرا ساهر جديدة فقط في مكة ح تتركب في الأيام الجاية ..
الله المستعان بس ، أنا مع ساهر اللي عند الاشارات فقط ... 


up 1 down 1
emad91 1
قبل 5 سنه و 4 شهر