هل هذا المعلومة صحيحة

والله لا تستغرب اغلب الشركات تبحث عن الايدي العاملة الرخيصة
الكامري ياباني لكن الديكورات الداخلية بعضها مكتوب عليها اندونيسيا

السيكويا تويوتا لكن صناعتها امريكية !!!

اللي لازم نشيله من روسنا سالفة السيارة اصلي وارد اليابان افضل من التجميع خارجها ومعناتها انها اقل جوده , هذا شيء طبيعي ومافيه اختلاف مسمار واحد حتى بالجوده , الشركات تبي الرخص في الموارد وفي الضرائب وفي الايدي العامله وفي كلفة انشاء المصانع وتطمع في دعم حكومات الدول الناميه وكل هذا عشان زيادة الارباح.


ازيدك من الشعر بيت خصوصا الماركات اليابانيه , ماتجد الوكالة اللي باقي تصنع في اليابان الا بسبب ان انتاجها قليل وماتحتاج انها تفتح مصانع برى , غير ان اليابان مزدحمه جدا ومايلقون موضع قدم , البيوت عندهم ناطحات سحاب عشان يستفيدون من قل المساحه , يعني حتى لو حاولوا يصنعون في اليابان عشان يقنعون ربعنا مابيقدرون يغطون الطلب في العالم.

بالنسبه للجوده هذا معيار اخر مختلف تماما ماله دخل بالتصنيع في البلد الام والا في عشه في طرف ماليزيا.

السبب يابن الحلال في ان السيارات القديمه ماتخرب وسمعتها طايره لانه فعلا جودتها عالية والعمر الافتراضي للقطع ماهو محسوب (كان شعار الوكالات زمان بيضوا بوجيهنا نبي نصنع سيارة كفو ) , لكن مع تقدم الصناعه وتغير معايير الجوده وربطها بالارباح , اصبح لابد ان يكون للسيارة وقطعها عمر افتراضي , فصار فيه ربح مابعد البيع (الصيانه). طبعا لان الادمي الطبيعي صاحب الدخل المتوسط (وهم اكثر طبقه للزبائن )اذا سيارته ماخربت فماهو مضطر انه يبيع او يشتري جديد وهذي خسارة للشركه (طبعا ماقد عرفوا ربعنا زين وتبديل السيارات كل سنه والا كان حطوا جودتها عاليه , لانه مايهمه الا موديل السنه).

واضرب المثال هذا على نفسك لو ان عندك مصنع وتبي تطلع سلعه ماتخرب وجودتها عاليه , انت بتبيع على زباينك كلهم بعدين بتقفل المصنع 15 سنه وتفتحه اذا بدت سلعتك تخرب وصاروا الناس يستبدلونها , فعشان كذا انت بتقلل التكلفه وتقلل الجوده وتصنع قطع غيار عشان تضمن لنفسك الربح المستمر , سواء صنعت في اليابان والا في الصين الجوده هي هي.

فلا يهمك الموضوع هذا , بالعكس المفروض تنبسط لانك بتحصل على السيارة بنفس الجوده وبسعر اقل , ماعليك من الموسوسين اللي يقولون تختلف وتخرب , اللي يختلف فقط المواصفات فقط.

هذا ماعندي وصلى الله على نبينا محمد

السلام عليكم صباح الخير خطا %  الباجيرو طلعت 2014 في الوكاله تجميع  ياباني %

السلام عليكم ورحمة الله وبركاته

خالي قال كلمة في عام 2000 تقريباً والله صدق فيها

"اول يصنعون سيارات أساسية وقطع غيار استهلاكية والحين يصنعون سيارات استهلاكية وقطع غيار اساسية"

يعني يهتمون اول في السيارة والحين يهتمون في القطع لأنها مصدر دخل لهم

وتقبلوا مروري واحترامي

وياليت لايكات عشان اقدر أعطيكم لايكات

شكراً للجميع على المعلومات والأراء .

شكر خاص للعضو مركب شيوخ على اجابته على السؤال !!