أضف سؤال أو موضوع جديد          

كيف الميتسوبيشي 6 سرندل موديل 2008

up 2 down 0
أبو عبدالرحمن 70 201
قبل 10 سنه و 6 شهر



الأخوة أعضاء وزوار الموقع 
وجدت سيارة ونيت ميتسوبيشي غمارتين ودبل وسته سرندل وقير اوتو
موديلها 2008 وبنزين 
مارأيكم في استخدامها والقطع وهل في العيسائي قطع لها 
أعتذر على الاطالة
والشكر والدعاء  مقدم لكل من أفادنا  ودمتم







إبلاغ إبلاغ



الردود


المتسوبيشي سيارة ممتازة واعتمادية وفي الدول اﻷخرى لها سمعة طيبة لكن الوكيل هنا دمرها بجشعه ومغاﻻته في أسعار قطع الغيار


up 1 down 0
مفقود 955
قبل 10 سنه و 6 شهر



بارك الله فيك واشكر ك وننتظر المزيد من أصحاب الخبرة شرواك


up 0 down 0
أبو عبدالرحمن 70 201
قبل 10 سنه و 6 شهر



أهلا أبو عبدالرحمن شوف ياطويل العمر الميتسوبيشي المذكوره هي حالتين

إما مواصفات غير سعوديه يعني مستورده من الخارج 
أو إنه مركب لها محرك وقير ميتسوبيشي باغيرو

لأن الميتسوبيشي الوانيت مانزلت عندنا 6 سلندر وأنا شفت إعلانها بموقع حراج

وللمعلوميه فيه هايلوكس دبل 6سلندر لكن ماهي بالسعوديه 
نفس محرك الفورتشنر 

يعني نصيحه إسأل صاحبها إذا هي محركات باقيرو إن شاء الله قطعها متوفره وبالتوفيق


up 1 down 1
ابــو ســنــد 10639
قبل 10 سنه و 6 شهر



لاهنت أبو سند على الافادة لاعدمناك وننتظر الآراء


up 0 down 0
أبو عبدالرحمن 70 201
قبل 10 سنه و 6 شهر



الا نزلت ست سلندر 
اذكر اخذت كتالوج الوكالة الكامل و فيه كل مواصفات مستوبيشي
لكن مدري بالضبط اي مكينة
بس اتوقع يا 3.0 حقت الناتيفا
او 3.5 حقت الباجيرو السياحي
بس بكم سعر الوانيت اللي لقيت ؟
يعني في حدود كم ؟
انا ادور موتر للبر


up 1 down 0
أبو نجوى 2442
قبل 10 سنه و 6 شهر



كلام أخوي ابو نجوى صحيح بحثت بالنت وطلعت السياره وكاله من غير ترهيم

أو تعديل صراحه محرك جبار بالمقارنه بحجمها  ونقطه جيده تحسب 

للميتسوبيشي لكن ضالمها وكيلها بغلاء قطع الغيار وهذا سبب عزوف الناس عن إقتناءها


up 0 down 0
ابــو ســنــد 10639
قبل 10 سنه و 6 شهر



اخوي توكل على الله ،، سيارة جباره وعمليه ،، فيه فديو ع اليوتيوب يوضح مقارنه بين نفس الفئه تويوتا هاي لوكس ، اسوزو ديماكس ، فورد رانجر ، متسوبيشي ال 200 ، وفازت المتسوبيشي في جميع النقاط من قوه وتحمل وبر وصخر ورمل وجر وسعر دي كانت النقاط لكن للأسف الوكيل هنا فاشل ومحتكر قطع الغيار الا انها سياره لاتطلب


up 0 down 0
mr.teto 594
قبل 10 سنه و 6 شهر



توكل على الله إذا السيارة نظيفة أنا لو احصل نظيفة غمارتين بسعر جيد ما أخليها تروح
و من ناحية القطع السيارة قوية و عملية و ما تطلب اسألني عنها إذا فكك الله من الحوادث


up 0 down 0
أبو جـود 2747
قبل 10 سنه و 6 شهر



بيض الله وجوهكم يوم تبيض وجوه ماقصرتوا


up 0 down 0
أبو عبدالرحمن 70 201
قبل 10 سنه و 6 شهر