كيف الميتسوبيشي 6 سرندل موديل 2008

المتسوبيشي سيارة ممتازة واعتمادية وفي الدول اﻷخرى لها سمعة طيبة لكن الوكيل هنا دمرها بجشعه ومغاﻻته في أسعار قطع الغيار

بارك الله فيك واشكر ك وننتظر المزيد من أصحاب الخبرة شرواك

أهلا أبو عبدالرحمن شوف ياطويل العمر الميتسوبيشي المذكوره هي حالتين

إما مواصفات غير سعوديه يعني مستورده من الخارج 
أو إنه مركب لها محرك وقير ميتسوبيشي باغيرو

لأن الميتسوبيشي الوانيت مانزلت عندنا 6 سلندر وأنا شفت إعلانها بموقع حراج

وللمعلوميه فيه هايلوكس دبل 6سلندر لكن ماهي بالسعوديه 
نفس محرك الفورتشنر 

يعني نصيحه إسأل صاحبها إذا هي محركات باقيرو إن شاء الله قطعها متوفره وبالتوفيق

لاهنت أبو سند على الافادة لاعدمناك وننتظر الآراء

الا نزلت ست سلندر 
اذكر اخذت كتالوج الوكالة الكامل و فيه كل مواصفات مستوبيشي
لكن مدري بالضبط اي مكينة
بس اتوقع يا 3.0 حقت الناتيفا
او 3.5 حقت الباجيرو السياحي
بس بكم سعر الوانيت اللي لقيت ؟
يعني في حدود كم ؟
انا ادور موتر للبر

كلام أخوي ابو نجوى صحيح بحثت بالنت وطلعت السياره وكاله من غير ترهيم

أو تعديل صراحه محرك جبار بالمقارنه بحجمها  ونقطه جيده تحسب 

للميتسوبيشي لكن ضالمها وكيلها بغلاء قطع الغيار وهذا سبب عزوف الناس عن إقتناءها

اخوي توكل على الله ،، سيارة جباره وعمليه ،، فيه فديو ع اليوتيوب يوضح مقارنه بين نفس الفئه تويوتا هاي لوكس ، اسوزو ديماكس ، فورد رانجر ، متسوبيشي ال 200 ، وفازت المتسوبيشي في جميع النقاط من قوه وتحمل وبر وصخر ورمل وجر وسعر دي كانت النقاط لكن للأسف الوكيل هنا فاشل ومحتكر قطع الغيار الا انها سياره لاتطلب

توكل على الله إذا السيارة نظيفة أنا لو احصل نظيفة غمارتين بسعر جيد ما أخليها تروح
و من ناحية القطع السيارة قوية و عملية و ما تطلب اسألني عنها إذا فكك الله من الحوادث

بيض الله وجوهكم يوم تبيض وجوه ماقصرتوا