أضف سؤال أو موضوع جديد          

ناقل السيارات الي يتركب خلف السياره لنقل سياره اخرى

up 5 down 0
بتال22 -36
قبل 8 سنه و 3 شهر



السلام عليكم كل عام والجميع بخير حبيت اسألكم الله يوفقكم وين احصل ناقل سيارات هذا ؟ وبكم سعره؟ وهل اقدر اسحب بسياره صغيره سياره كبيره مثال كامري او كورلا اسحب فيها سياره كلاسيك قديمه ؟ وش نظام المرور عندنا مسموح فيه ام لا؟ اذا ماهو موجود في السعوديه وش افظل انواعه في الخارج ؟ والله يوفق كل من ساعدني برزق الحلال وراحة البال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سالت انا عنه قالي واحد تقريبا سعره 8000 الي 10000
وبشارع بالصناعيه القديمه يقاله شارع العنوز  طبعا بالرياض الكلام
اتمني لك التوفيق


up 2 down 1
االخاالدي 3898
قبل 8 سنه و 3 شهر



انا كنت ناوي اخذ واحد بـ 4500 يشيل سيارة بحجم الاكسنت تقريبا 
وكان يبيله ترميم وتلحيم

الجديد سعره بين الـ 10 الى 13 حسب شغل الورشة الي مسويته 
وفيه انواع اكبر يشيل من الجموس لين المعدات وكل نوع له سعر 

لكن ما انصحك تسحب بسيارة صغيرة او اي موتر دفع امامي

اذا لك حاجه في السحب خذ موتر يتحمل السحب
وعندك الونيتات بكامل انواعها والافضل الامريكي في هالناحية

البيان الجديد اشوف عندهم فورد 250 مركبين عليه سطحة ويشيلون عليه مواترهم


up 2 down 1
naac 2 2722
قبل 8 سنه و 3 شهر



تخيل تسحب سيارتك واول ماتوصل تناظر بالمرايه ولا تحصل شيء ههههههههههههه


up 4 down 0
hail a7la 21
قبل 8 سنه و 3 شهر



ونسيت نقطه مهمة 

السطحة هذي يجي لها افياش واسلاك للانوار الخلفية 
ما تركب الا على الونيتات الي فمخصصه لهالشي


up 1 down 1
naac 2 2722
قبل 8 سنه و 3 شهر



وارجع واقول يازين هالموستنج ما شاء الله 

عموما اذا حبيت تعرف شي عنها قول لي
 انا ان شاء الله رايح خلال اليومين هذي اسأل وادور لي شي مناسب
لأن في راسي واحد من زمان

يجي له حاجه



up 0 down 0
naac 2 2722
قبل 8 سنه و 3 شهر



الله يعطيكم العافيه فرداً فرداً ماقصرتوا  اخوي naac 2  ياليت يالغالي تتأكد لي من اسعارها وكيف تركيبها سهل ولا لا ؟ وكيف تعامل المرور معاها ؟ انا بستخدمها بنقل سيارات لي من الاستراحه للبيت المشكله ماعرف ارسل رسائل خاصه ياليت تتواصل معاي وشكراً لكم


up 1 down 0
بتال22 -36
قبل 8 سنه و 3 شهر



برسل لك رقمي عالخاص


up 0 down 0
naac 2 2722
قبل 8 سنه و 3 شهر



بتحصل الرسالة في موقع حراج الرئيسي



up 0 down 0
naac 2 2722
قبل 8 سنه و 3 شهر



تلقى اكييد بالرياض بس يبيلك هوك رمانه اذا ماعنندك ترهم مافي مشكله


up 0 down 0
aazz1989 -22
قبل 8 سنه و 3 شهر



اهم شي انتبه علئ قير موترك لا يطق 


up 0 down 0
اقتنعت انك نهايه 231
قبل 8 سنه و 3 شهر



بتال انتبه وانا اخوك تشتري جاهزه لانها صارت شغله 
تجاريه للورش يفصل قلص ويبيعه اي حديد وأي لحيم 
انت فصلك وحده علي مزاجك ومنها تثق بالشغل اللي 
انت مسويه ابعطيك مواصفات حلوه وثقه 
عكوس جيب باترول القديم مع فلنجاته او فلنجات ددسن 
اماميه لموديل ٨٢ وتحت مع سست جمس وتحط محورين 
وأربع كفرات لانها أمان لو انكسرت فلنجه الفلنجه الثانيه 
تسند القلص 
حديد شواصي ١٢ ملي الفرش يا تفرشه خشب او حديد
صاج مبرز ٨ ملي 
الجيك او العفريته المتحرك وركب  قفل الرمان لا تفصل هوك
لان قفل الرمان لا سمح الله قلب القلص راح ينطعج اللسان
القفل ويطلع من رمانة القلص اما الهوك المفصل اذا قلب يقلب
معاه السياره اللي تقلص
واللحيم انتبه يلحم لك تبنيط والتبنيط نظام نقط خله يلحم لك
نظام خياط يجئ خط واحد لان التبنيط راح ينكسر
ولا تنسي تركب مساعدات القلص علشان يثبت بالخط وما
يتحرك يمين يسار
ولا تنسي السياره اللي تسحبه اذا كانت السياره قير اتوماتيك
يكون زيت القير علي المستوي الطبيعي مو ناقص لو ناقص
راح يخبط الجير معك
وأنصحك لو تخصص سياره للسحب تكون ٣٠٠٠ ريال او ٤٠٠٠
مثل سوبربان قديم موديل  ٨١ او ٨٢ قوي ويسحب بكل راحه
وهذا ما يكلف ٦٠٠٠ علي حسب مقاولتك مع الورشه
وثق بالله انها مواصفات حلوه وثقه وحتي لو تبي تبيعه
ما يقل قيمته عن ١٥ الف ريال
ونصيحه لا تبخل تركب من الصيني لا ما راح يدوم معك
وتحياتي
 


up 0 down 0
foxzx 1593
قبل 8 سنه و 3 شهر



ونسيت اقولك للامان 
اذا كنت تسحب القلص لا تتعدي ٨٠ ك/ م 
وهذا للإمان فقط لان القوانين الامريكيه والاوربيه 
ممنوع تعدي ٨٠ ك/م علي اي نوع من القلص 
ويسمونه تريلر ان كان للسحب السيارات او للسحب 
الدراجات الناريه او لتحميل الأغراض والعفش
وما وضعت الا للامان والحمايه 
لا تصير نفس بعض الشباب يتفاخر انه وصل وهو مركب
القلص علي سرعة ٢٠٠ ك/م بتفكيره انه وصل القمر او بلط 
البحر الأمان ومن ثم الأمان لان القلص له ردات فعل كثيره
واتمني أني افدتك باللي تبيه  


up 1 down 0
foxzx 1593
قبل 8 سنه و 3 شهر



نصيحه ركب اربع كفرات عشان اذا جيت تسحب يكون خفيف ومايثقل على سيارة السحب


up 0 down 0
نادرالزهراني 429
قبل 8 سنه و 3 شهر