يااخوان استفسار بخصوص ناتيفا

وانت  بخير وصحة وسلامة  هلل ههي سيارة عائلية  ام ام ام  جيب ؟؟

لا جيب دفع رباعي واشوف اسعاره نازله شوي وينفع لي عشان ميزانيتي محدودة لكن متخوف من السيارة لاني مااعرف فيها شي

الي اعرفه عنها انها سيارة كرف ومكدة لكن يعيبها قطعها الغالية والشكل الخلفي ((وجهة نظر))

الداخليه ضيقة ومتعب الكرسي السائق للظهر جربتها الى 100الف كيلو مافيها الفحمات الاقمشة نوعا ما سريعة الاستهلاك
بانسبة للتصميم تصميم قديم لايوجد الكثير من المواصفات التي في السيارات الحديثة تخدم السائق

مع واحد من الشباب راعي بر و شعبان و مكاشيت مطلعها جديدة عام ٢٠٠٧
الرجال من النوع اللي رجله حاره على السيارة
و غير محافظ ولا يهتم بالصيانة واستبدال الزيوت و مع ذلك أشوفه مبسوط منها
و ناوي على باجيرو جديدة هاليومين
الخلاصة السيارة عملية جداً لكن قطعها غالية باستثناء القطع الاستهلاكية أسعارها معقولة لكن يا ويلك من توضيب الماكينة أو القير أو الدبل أو حتى قطع الهيكل رفارف أو أباب ألخ 
عزمها 3.0 لتر لكن تأدي الغرض و زيادة
إذا أنت راعي مكاشيت و تمشيات و شعبان و سيول ممتازة
و إذا أنت راعي تطعيس و مراقي و مجاكر ترى ما تصلح لك
بالتوفيق

شف ياحبيبي انا كنت ناويها قبل وماكان بيني وبين شراها الا شي بسيط بس الله صرفها عني والحمد لله

اولا حسب علمي الجيب توقف تصنيعة.
ثانيا عند الوقوف الطويل ترتفع حرارته
ثالثا قطع المتسوبيشي ناار والموتر صيانته معقدة


طبعا هذا بعد بحثي واسئلتي...

انا انصحك تشوف الفورتشنر او الاكستيرا من نيسان زيد فلوسك كم قرش وارتاح في الصيانة وايضا مستقبلا في البيعة

وسلامتك

كانت معي موديل 2008 أخذتها وكالة

العيوب:
وكيل سيء
قطع غيار نار
غير مريحة - مثل الفورشنر تقريباًتصرف بنزين كثير يعني الفل يمشيك 350 كم
قومتها ضعيفة كأنك راكب لوري
التصميم عادي جداً


المزايا:
في الطعوس أحسن من البرادو 6 سلندر - موتر جبار ونشيط ولو تنسم الكفرات تلف الطعوس بدون دبل وسبق اني تحديت باثفايندر في الطعوس وكان آداء الناتيفا أروع بكثير
الميزة الثانية سعر السيارة رخيص في السوق
المكيف ممتاز

والله يكتب لك الخير