ماهو الحل لعداد الحراره والبنزين للباجيرو طالع نازل

حياك أخوي .. 
بالنسبه لعداد الحراره , هذي ساعة الحراره خربان عشان كذا يلعب معك , وإذا غيرتها بإذن الله تروح المشكله .. 
وعداد البنزين , هذي العوامه خربانه وكمان تحتاج تغير .. 
والحذفه , روح عند حقيين الميزان خليهم يشيكوون ع الميزان يمكن يبيله وزن وترووح الحذفه , وكلها أشياء بسيطه .. 
تحياتي .

الله يعطيك الف عافيه
بس وشلون اغير عداد الحراره يقولون لازم تغير الطبلوون كامل

ابدأ بالحلول الصغيره والرخيصة
واعتقد الطبلون يبغاله تغيير اما كامل او في بعض السيارات تقدر تغير من خلف لوحة العدادت كل عداد لحاله ،
اما الحذفية لازم تشيك عليها من تحت لان حلها بالكشف
موووفق ان شاء الله

حبيبي ساعة الحراره مالها دخل في الطبلوون .. 
الساعه تجي في الماكينه براا وينشبك فيها سلك أو حساس وتشتغل .. 
أول شي تأكد من المشكله والشغله بسيطه بإذن الواحد الأحد .. 
تشتري ساعه وتوديها لمكانيكي وخله يفك القديمه ويركب الجديده وإن شاء الله خير , طبعا هذا إذا المشكله من الساعه .. 
تحياتي . 

شكرا لك  
وجزاك الله خير 

وبجرب وبعطيكم خبر ان شاءالله ..
بس لو فحصت المكينه والكهرباء بالكمبيوتر هل يعطيني 
اماكن العطل أولا 

شف حساس الحراره تغييره سهل قطعه صغيرة تغييرها

المشكله من عداد الطبلون وتم تغييره وضبطت الأمور وشكرا لكم

عندي باجيرو 2001 توي موضبه اخذ فتره زي الحلاوه الحين يصخن ومره ف زحمه صخن لين انفقع خرطوش الماء اللي فوق ومرات يطلع وينزل العداد يوصل للاتش وينزل النص طبيعي واحيانا مرره مافيه حراره العداد ثابت وكل شي تمام من المشكله ذي حتى الموتر كرهته ملاحظه / الرديتر جديد طرمبه الماء جديد كلتش المروحه جديد مويه اصليه 

يا شباب
الله يعطيكم العافية
هل البنزين 92 يصلح للباجيرو ولا يسبب مشاكل؟