كم يسوى الباجيرو

التاتيفيا سيء وضعيف

الله يعطيك العافيه

ههههه انحش عنه خذلك فتك نيسان 2005 وطالع موتر جبار ام المستوبيش لتاخذ مستعمل 

انحش من الباجيرو ولا الناتيفا ولا انحش من الثنين 

أنا أبي اللي جربه يعلمني ويش مشاكله سواء الباجيرو أو الناتيفا 

انا متأكد ان الي يقول انحش ما جرب السيارة 

الناتيفا جربت اثنين 
موديل 2004 وكالة 
وموديل 2007 تبع شركة 

الناتيفا عملي وخدوم واداءه حلو مع ان مكينته صغيره 3.0L

مميزاته
ياباني 100%
قيادته ممتعه ويتفوق على كثير من السيارات في فئته وهو افضل من الجيل الجديد "باجيرو سبورت" التايلندي
العزل فيه مقبول 
عملي وخدوم وفي البر خفيف واداءه حلو بل ممتاز

عيوبه
ديكوراته الداخلية سقيمة وكلاسيكية كأنها من موديلات التسعينات
عزمه ضعيف نوعاً ما 
في موديل 04 و 05 كان فيه مشكله بالدركسون الي هي الفضاوة وكان مالها حل
واذا صلحتها بتروح وبترجع مره ثانية لكنها لاتؤثر على الاستخدام ككل

أما في موديل 07 ما لاحظت هذه السلبية يمكن تم تداركها 
وفيه ناس تقول ان سير التيمن لازم يتغير كل 50 ألف كيلو مع اني استخدمت واحد وكالة موديلة 2004 وبعته
وهو ماشي 135 ألف وماغيرت سير التيمن والامور ماشية 
وقطع غياره غالية جداً مثل باقي سيارات ميتسوبيشي لكنها عالية الجودة 

يتشارك مع الباجيرو في قطع الغيار الميكانيكية وخصوصاً الباجيرو السياحي الي مكينته 3.0

السيارة عموما ممتازة وعملية لكن يعيبها قطع غيارها والداخلي السقيم الكلاسيكي 

وانا انصح الناس القنوعه بهالسيارة 

والعيسائي الى فترة قريبه وهو ينزله مع انه توقف انتاجه عام 2009
بسبب طلب الشركات والمرور عليه 

واسعاره رخيصة في السوق 

اتمنى اني افدتك يالغالي

الله يجزاك ألف خير 
الزبدة أخذ الباجيرو والى الناتيفا 

شف يبو خليل 
اذا كان الباجيرو الي ناوي عليه مكينته 3.0 بقولك خذ الناتيفا لأن الناتيفا اخف في البر وحتى في الممشى 
اما اذا كان 3.5 أو 3.8 بقولك خذ الباجيرو 

السيارتين ما تفرق كثير في قطع الغيار

عفواً ما شفت كلامك انك تبي باجيرو ربع 
الربع خفيف لكن الاربع ابواب ثقيل ويجيب الهم اذا كان 3.0

عموماً صل استخارة والله يخيرك الي فيه خير 
السيارتين متماثله في القطع باستثناء البودي والاكسسوارات

الله يوفقك

الله يجزاك خير ويكتب أجرك بس الناس مخوفيني من قطع الباجيرو فما ادري هل هي 
غاليه ذاك الغلا اللي يخوف ويا ليت الي عنده مثال عن القطع يذكر لي سعر بعض القطع الي قد اشتراها عشان اقيسها على السيارات الثانية 

ايه غااالية 

وانا بنقل لك تجربتي 

رحت للوكالة بالناتيفا وغيرت 
بواجي واسلاك بواجي 
وغيرت الزيت عندهم 
وسوولي تشييكات بـ 4500

طبعاً هالكلام في الوكالة برا الوكالة الصيانة ارخص بكثير 
لكن القطع غاالية 

الفحمات اذكرها بـ 600 الطقم الأمامي الاصلي 

وكان فيه نوع يجي من الامارات لكنه انقطع بـ 200 وشوي ما اذكر بالظبط 
اصطب الناتيفا الخلفي بـ 1200 ريال تقريباً الاصلي 

واحد من الشباب صدم على باجيرو 2005 في الركن الامامي الايمن ويوم راح قدر القطع طلعت تقريبا بالخصم 6500
القطع هي (رفرف وصدام وشمعة يمين وشبك) ومالك الا الاصلي او التشليح وفي التشلييح نادر

وعشان كذا اغلب الباجيروات الي في المعارض يصير بوديها معجن وحالته حالة لأنهم يسمكرون وما يركبون جديد
عشان قطعه غالية

وفيه ناس كانوا يجيبون قطع من الكويت لكن المشكلة ان العيسائي محتكر قطعها ومافيه مورد ثاني غيره 
عشان كذا تصير غالية في المحلات 

لكن للأمانه قليل ما يطلب واعطاله قليله بعد 
لكن القطع الاستهلاكية غالية 

نصيحتي لك تسعر قطع غياره من المحلات لأن الاسعار الي عطيتك اياها لها اكثر من خمس سنوات وقابله للزيادة 

الله يوفقك

جزاك الله خير والله يرحم والديك يالغالي كفيت ووفيت 
والله يكتب ألي فيه الخير 

السلام عليكم  ..   والله ياخوي ولد عمي معه واحد موديل 2006 طلعه وكاله وليومك هذا معاه  ..  اقسم بالله انه مايوقف كل شهر من جيزان لجده وفي جيزان معه اراضي ومزارع وكارف ابو الباجيروا وماشي معاه مثل الحلاوه بس مايطلب كثير وإذا طلب ركب اصلي وانسى القطعه 

وعلى فكره السياره ماشيه 600 الف  وزي الألفه

الله يعطيك العافية 
بس المشكلة إذا طلب أخاف ان سعر القطع يكسر الظهر 

اخي العزيز naac ماشاء الله عليك و على معلوماتك القيمة اخي ممكن تفيدني بارك الله فيك انا محتار 
امامي سيارة باجيرو 2005 ماكينة 3800 و ماشية 224 الف بها بعض الرتوش و خلافه و صاحبها يتكلم عن قيمة ب 37 الف 
و سيارة ثانية ناتيفا 2009 ب 38 الف و انا الحقيقة ما حجتي فيه لا لطعس و لا خلافة فقط انا راعي خطوط على اليمن
و في اليمن طرقنا جبلية وعرة 
فما الذي ترشحه لي ؟
رأيك يهمني كثيرا و ما خاب من استخار و لا ندم من استشار و انت خير من نستشير بارك الله فيك